WhatsApp Image 2024-04-14 at 21.42.31
WhatsApp Image 2024-04-14 at 10.41.20
WhatsApp Image 2024-04-12 at 10.25.01
WhatsApp Image 2024-04-13 at 10.53.44
WhatsApp Image 2024-04-10 at 15.57.55
WhatsApp Image 2024-04-10 at 15.58.18
WhatsApp Image 2024-04-11 at 08.11.54 (1)
WhatsApp Image 2024-04-11 at 08.11.54
WhatsApp Image 2024-04-11 at 08.11.53
WhatsApp Image 2024-04-05 at 20.45.52
WhatsApp Image 2024-03-01 at 18.35.59
WhatsApp Image 2024-02-21 at 10.32.12
WhatsApp Image 2024-02-26 at 14.41.51
previous arrow
next arrow
Punjabi Khabarsaar
ਬਠਿੰਡਾ

ਤਲਖ਼ੀ ਭਰੀ ਰਹੀ ਨਗਰ ਨਿਗਮ ਦੇ ਜਨਰਲ ਹਾਊਸ ਦੀ ਮੀਟਿੰਗ

ਵਿਰੋਧੀਆਂ ਵਲੋਂ ਪੱਖਪਾਤ ਕਰਨ ਤੇ ਕਾਂਗਰਸੀਆਂ ਨੇ ਗੱਲ ਨਾ ਸੁਣਨ ਦੇ ਲਗਾਏ ਦੋਸ਼
ਜਗਰੂਪ ਗਿੱਲ ਦੀ ਅਸੋਕ ਪ੍ਰਧਾਨ ਤੇ ਮਾਸਟਰ ਹਰਮਿੰਦਰ ਨਾਲ ਹੋਈ ਤਿੱਖੀ ਬਹਿਸ
ਸੁਖਜਿੰਦਰ ਮਾਨ
ਬਠਿੰਡਾ, 27 ਅਸਗਤ –ਸਥਾਨਕ ਨਗਰ ਨਿਗਮ ਦੇ ਜਨਰਲ ਹਾਊਸ ਦੀ ਅੱਜ ਹੋਈ ਮੀਟਿੰਗ ਤਲਖ਼ ਭਰਪੂਰ ਰਹੀ। ਵਿਰੋਧੀਆਂ ਵਲੋਂ ਜਿੱਥੇ ਨਿਗਮ ਅਧਿਕਾਰੀਆਂ ਉਪਰ ਪੱਖਪਾਤ ਕਰਨ ਦੇ ਦੋਸ਼ ਲਗਾਏ ਗਏ, ਉਥੇ ਪਹਿਲੀ ਵਾਰ ਕੁੱਝ ਕਾਂਗਰਸੀਆਂ ਨੇ ਮੀਟਿੰਗ ਦੀ ਕਾਰਵਾਈ ਸੰਭਾਲ ਰਹੇ ਅਹੁੱਦੇਦਾਰਾਂ ਉਪਰ ਗੱਲ ਨਾ ਸੁਣਨ ਦੇ ਵੀ ਦੋਸ਼ ਲਗਾਏ। ਮਾਮਲਾ ਇੱਥੋਂ ਤੱਕ ਪਹੁੰਚ ਗਿਆ ਕਿ ਸੀਨੀਅਰ ਕਾਂਗਰਸੀ ਕੋਂਸਲਰ ਬੇਅੰਤ ਸਿੰਘ ਰੰਧਾਵਾ ਨੂੰ ਮੀਟਿੰਗ ਦਾ ਵਾਕਆਊਟ ਕਰਕੇ ਜਾਣਾ ਪਿਆ। ਹਾਲਾਂਕਿ ਉਨ੍ਹਾਂ ਨੂੰ ਮੁੜ ਬੁਲਾਉਣ ਲਈ ਸੀਨੀ ਡਿਪਟੀ ਮੇਅਰ ਅਸੋਕ ਪ੍ਰਧਾਨ ਵਲੋਂ ਬਲਜਿੰਦਰ ਠੇਕੇਦਾਰ ਨੂੰ ਵੀ ਭੇਜਿਆ ਗਿਆ ਪ੍ਰੰਤੂ ਨਰਾਜ਼ ਹੋ ਗਿਆ ਕੋਂਸਲਰ ਵਾਪਸ ਨਾ ਆਇਆ। ਜਿਸਦੇ ਚੱਲਦੇ ਕਾਂਗਰਸ ਦੇ ਭਰਪੂਰ ਬਹੁਮਤ ਵਾਲੇ ਹਾਊਸ ’ਚ ਸੱਤਾਧਿਰ ਨੂੰ ਫ਼ਜੀਹਤ ਸਹਿਣੀ ਪਈ। ਮੀਟਿੰਗ ਵਿਚ ਹਰ ਵਾਰ ਦੀ ਤਰ੍ਹਾਂ ਜਗਰੂਪ ਸਿੰਘ ਗਿੱਲ ਵਲੋਂ ਕਈ ਮਤਿਆਂ ਦਾ ਵਿਰੋਧ ਕਰਨ ’ਤੇ ਉਨ੍ਹਾਂ ਦੀ ਉਪ ਮੇਅਰਾਂ ਅਸੋਕ ਪ੍ਰਧਾਨ ਤੇ ਹਰਮਿੰਦਰ ਸਿੱਧੂ ਨਾਲ ਬਹਿਸਬਾਜ਼ੀ ਹੋਈ। ਗੱਲ ਇੱਥੋਂ ਤੱਕ ਹੀ ਸੀਮਤ ਨਹੀਂ ਰਹੀ ਬਲਕਿ ਇਹ ਬਹਿਸਬਾਜ਼ੀ ਕਈ ਵਾਰ ਤਲਖੀ ਦਾ ਰੂਪ ਵੀ ਧਾਰਨ ਕਰ ਗਈ। ਮਹਿਲਾ ਮੇਅਰ ਸ਼੍ਰੀਮਤੀ ਰਮਨ ਗੋਇਲ ਵਲੋਂ ਧਾਰੀ ਚੁੱਪੀ ਦੌਰਾਨ ਮੀਟਿੰਗ ਦੀ ਕਾਰਵਾਈ ਸੰਭਾਲ ਰਹੇ ਅਸੋਕ ਪ੍ਰਧਾਨ ਤੇ ਹਰਮਿੰਦਰ ਸਿੱਧੂ ਨੇ ਮਤਿਆਂ ਨੂੰ ਰੱਖਣ ਸਮੇਂ ਵਿਚਕਾਰ ਬੋਲਣ ਵਾਲੇ ਕੋਂਸਲਰਾਂ ਨੂੰ ਬਾਹਰ ਕੱਢਣ ਦੀ ਧਮਕੀ ਤੱਕ ਦੇ ਦਿੱਤੀ। ਇਸ ਦੌਰਾਨ ਸ: ਗਿੱਲ ਦੇ ਹੀ ਚੇਲੇ ਮੰਨੇ ਜਾਂਦੇ ਕੋਂਸਲਰ ਹਰਵਿੰਦਰ ਲੱਡੂ ਨੇ ਅੱਜ ਪਹਿਲੀ ਵਾਰ ਅਪਣੇ ਗੁਰੂ ਉਪਰ ਸਿਆਸੀ ਤੰਜ਼ ਕਸੇ। ਮੀਟਿੰਗ ਵਿਚ ਰੌਲੇ ਰੱਪੇ ਦੌਰਾਨ ਕੁੱਲ 15 ਮਤਿਆਂ ਵਿਚੋਂ 8 ਨੂੰ ਪਾਸ ਕਰ ਦਿੱਤਾ ਗਿਆ। ਮੀਟਿੰਗ ਦੌਰਾਨ ਵਿਰੋਧੀ ਧਿਰ ਦੇ ਨੇਤਾ ਤੇ ਅਕਾਲੀ ਕੋਂਸਲਰ ਹਰਪਾਲ ਢਿੱਲੋਂ, ਸੈਰੀ ਗੋਇਲ ਤੇ ਸੁਰੇਸ਼ ਚੌਹਾਨ ਨੇ ਨਿਗਮ ਅਧਿਕਾਰੀਆਂ ਉਪਰ ਪੱਖਪਾਤੀ ਰਵੱਈਆਂ ਅਪਣਾਉਣ ਦਾ ਦੋਸ਼ ਲਗਾਇਆ। ਇਸਤੋਂ ਇਲਾਵਾ ਕਾਂਗਰਸ ਛੱਡ ਆਪ ਵਿਚ ਸਮੂਲੀਅਤ ਕਰਨ ਵਾਲੇ ਜਗਰੂਪ ਸਿੰਘ ਗਿੱਲ ਨੇ ਤਿ੍ਰਵੈਣੀ ਕੰਪਨੀ ਤੋਂ ਕੰਮ ਵਾਪਸ ਲੈਣ ਦੀ ਮੰਗ ਰੱਖਦਿਆਂ ਪੰਜਾਬ ਸਰਕਾਰ ਵਲੋਂ ਨਿਗਮ ਨੂੰ ਸਾਲ 2018 ਵਿਚ ਭੇਜੀ ਚਿੱਠੀ ਵੀ ਪ੍ਰਦਰਸ਼ਤ ਕੀਤੀ। ਇੱਕ ਹੋਰ ਕੋਂਸਲਰ ਸੰਤੋਸ਼ ਮਹੰਤ ਨੇ ਵੀ ਉਕਤ ਕੰਪਨੀ ਦੇ ਕੰਮਾਂ ਉਪਰ ਟਿੱਪਣੀਆਂ ਕਰਦਿਆਂ ਉਸ ਉਪਰ ਸੁਣਵਾਈ ਨਾ ਕਰਨ ਦੇ ਦੋਸ਼ ਲਗਾਏ। ਮੇਅਰ ਦੀ ਹਾਜ਼ਰੀ ’ਚ ਕਮਿਸ਼ਨਰ ਬਿਕਰਮ ਸ਼ੇਰਗਿੱਲ ਨੇ ਮੌਕਾ ਸੰਭਾਲਦਿਆਂ ਦਾਅਵਾ ਕੀਤਾ ਕਿ ‘‘ ਤਿ੍ਰਵੈਣੀ ਵਲੋਂ ਕੰਮ ਨਾ ਕਰਨ ’ਤੇ ਸੀਵਰੇਜ਼ ਬੋਰਡ ਵਲੋਂ ਉਕਤ ਕੰਪਨੀ ਦੇ ਖ਼ਰਚੇ ’ਤੇ ਕੰਮ ਕਰਵਾਏ ਜਾ ਰਹੇ ਹਨ। ’’ ਮੀਟਿੰਗ ਦੌਰਾਨ ਕੋਂਸਲਰ ਗਿੱਲ ਵਲੋਂ ਹਾਊਸ ਦੇ ਇੱਕ ਮੈਂਬਰ ਵਲੋਂ ਇੱਕ ਭਾਈਚਾਰੇ ਬਾਰੇ ਕੀਤੀਆਂ ਟਿੱਪਣੀਆਂ ਦਾ ਮੁੱਦਾ ਵੀ ਲਿਆਂਦਾ ਪ੍ਰੰਤੂ ਸੱਤਾਧਿਰ ਨੇ ਉਸਨੂੰ ਅਣਸੁਣਿਆਂ ਕਰ ਦਿੱਤਾ। ਕੋਂਸਲਰ ਉਮੇਸ਼ ਗੋਗੀ ਨੇ ਅਪਣੇ ਇਲਾਕੇ ਦੀਆਂ ਸਮੱਸਿਆ ਦਾ ਮੁੱਦਾ ਚੁੱਕਿਆ ਜਦੋਂਕਿ ਕੋਂਸਲਰ ਬਲਰਾਜ ਪੱਕਾ ਨੇ ਨਿਗਮ ਦਾ ਖੇਤਰ ਬਣਾਉਣ ਲਈ ਬਣਨ ਵਾਲੀ ਕਮੇਟੀ ’ਚ ਬਾਹਰਲੇ ਇਲਾਕਿਆਂ ਦੇ ਕੋਂਸਲਰਾਂ ਨੂੰ ਸ਼ਾਮਲ ਕਰਨ ਦੀ ਮੰਗ ਕੀਤੀ। ਕੋਂਸਲਰ ਸੁਖਦੀਪ ਢਿੱਲੋਂ ਨੇ ਅਪਣੇ ਇਲਾਕੇ ਵਿਚ ਆਰ.ਓ, ਸੀਵਰੇਜ਼ ਤੇ ਸੜਕਾਂ ਦਾ ਮੁੱਦਾ ਰੱਖਦਿਆਂ ਹੱਲ ਕਰਨ ਦੀ ਅਪੀਲ ਕੀਤੀ। ਮੀਟਿੰਗ ਦੇ ਆਖ਼ਰ ਵਿਚ ਪਾਣੀ ਦੀ ਨਿਕਾਸੀ ਦੇ ਮਾਮਲੇ ’ਚ ਅਪਣੀ ਪਿੱਠ ਥਾਪੜਦਿਆਂ ਸੀਨੀ ਡਿਪਟੀ ਮੇਅਰ ਨੇ ਸਰਾਹਨਾ ਮਤਾ ਪਾਸ ਕੀਤਾ ਤੇ ਨਾਲ ਹੀ ਮੀਂਹ ’ਚ ਡਿਸਪੋਜ਼ਲ ’ਤੇ ਨਾ ਪੁੱਜਣ ਵਾਲੇ ਅਧਿਕਾਰੀਆਂ ਵਿਰੁਧ ਕਾਰਵਾਈ ਦੀ ਵੀ ਮੰਗ ਕੀਤੀ।

Related posts

ਲਾਈਨੋਂ ਪਾਰ ਇਲਾਕੇ ਵਿੱਚ ਸਿੰਗਲਾ ਪਰਿਵਾਰ ਨੂੰ ਮਿਲੀ ਵੱਡੀ ਤਾਕਤ ਬਾਬੇ ਕੇ ਪਰਿਵਾਰ ਨੇ ਫੜੀ ਤੱਕੜੀ

punjabusernewssite

ਬਠਿੰਡਾ ਤੋਂ ਹਰਸਿਮਰਤ ਕੌਰ ਬਾਦਲ ਨੇ ਮੁੜ ਵਿੱਢੀ ਚੋਣ ਮੁਹਿੰਮ, ਸ਼ਹਿਰ ਕਈ ਮੀਟਿੰਗਾਂ ਨੂੰ ਕੀਤਾ ਸੰਬੋਧਨ

punjabusernewssite

ਪਾਣੀ ਦੀ ਬੱਚਤ ਲਈ ਸਿੱਧੀ ਬਿਜਾਈ ਸਬੰਧੀ ਖੇਤੀਬਾੜੀ ਵਿਭਾਗ ਵੱਲੋਂ ਕੈਂਪਾਂ ਦਾ ਆਯੋਜਨ

punjabusernewssite