ਜੈਕ ਨੇ ਪੰਜਾਬ ਸਰਕਾਰ ਨੂੰ 40% ਸ਼ੇਅਰ ਜਾਰੀ ਕਰਨ ਦੀ ਕੀਤੀ ਮੰਗ
ਸੁਖਜਿੰਦਰ ਮਾਨ
ਬਠਿੰਡਾ, 19 ਜਨਵਰੀ: ਕੇਂਦਰ ਸਰਕਾਰ ਨੇ ਸਾਲ 2021-2022 ਦੇ ਲਈ ਪੋਸਟ ਮੈਟਰਿਕ ਸਕਾਲਰਸਿਪ ਦੀ ਬਣਦੀ ਕੁੱਲ ਰਾਸ਼ੀ ਦਾ ਅਪਣਾ 60 ਫ਼ੀਸਦੀ ਹਿੱਸਾ ਜਾਰੀ ਕਰ ਦਿੱਤਾ ਹੈ। ਜਿਸਤੋਂ ਬਾਅਦ ਪ੍ਰਾਈਵੇਟ ਕਾਲਜ਼ਾਂ ਤੇ ਯੂਨੀਵਰਸਿਟੀਆਂ ਦੀ ਸੰਸਥਾ ਜੈਕ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਰਾਜ ਸਰਕਾਰ ਆਪਣਾ ਬਣਦਾ 40% ਹਿੱਸਾ ਵੀ ਵਿਦਿਆਰਥੀਆਂ ਨੂੰ ਤੁਰੰਤ ਜਾਰੀ ਕਰਨ ਤਾਂ ਜੋ ਉਹ ਕਾਲਜਾਂ ਵਿਚ ਆਪਣੀਆਂ ਫੀਸਾਂ ਜਮ੍ਹਾਂ ਕਰਵਾ ਸਕਣ। ਇੱਥੇ ਜਾਰੀ ਬਿਆਨ ਵਿਚ ਜੈਕ ਦੇ ਆਗੂ ਅੰਸੂ ਕਟਾਰੀਆ ਨੇ ਦਸਿਆ ਕਿ ਪੰਜਾਬ ਸਰਕਾਰ ਵੱਲ 2017-2018, 2018-2019 ਅਤੇ 2019-2020 ਦੇ ਪੋਸਟ ਮੈਟਿ੍ਰਕ ਸਕਾਲਰਸਿਪ ਦਾ 1850 ਕਰੋੜ ਰੁਪਏ ਦੀ ਰਾਸ਼ੀ ਬਕਾਇਆ ਹੈ, ਜਿਸ ਕਾਰਨ ਕਾਲਜਾਂ ਨੂੰ ਵਿੱਤੀ ਸੰਕਟ ਦਾ ਸਾਹਮਣਾ ਕਰਨਾ ਪੇ ਰਿਹਾ ਹੈ। ਜੈਕ ਨੇ ਮੰਗ ਕੀਤੀ ਹੈ ਕਿ ਮੰਤਰੀ ਮੰਡਲ ਦੁਆਰਾ ਇਹਨਾ ਤਿੰਨ ਸਾਲਾ ਲਈ ਪਾਸ 1850 ਕਰੋੜ ਰੁਪਏ ਦੀ ਰਕਮ ਵਿੱਚੋ ਰਾਜ ਸਰਕਾਰ ਨੂੰ ਵੀ ਆਪਣੇ ਵਚਨਬੱਧ 40% ਸੇਅਰ ਦੀ ਅਦਾਇਗੀ ਕਰਨੀ ਚਾਹਿਦੀ ਹੈ।
ਕੇਂਦਰ ਵਲੋਂ ਸਾਲ 2021-22 ਦਾ ਪੋਸਟ ਮੈਟਿ੍ਕ ਦਾ 60% ਹਿੱਸਾ ਜਾਰੀ
189 Views
