ਵਫਦ ਅਨਾਜਾਂ ਦੀ ਖਰੀਦ ਪ੍ਰਣਾਲੀ ਤੇ ਅਨਾਜ ਦੇ ਸਟੋਰੇਜ ਲਈ ਖੇਤੀਬਾੜੀ-ਭੰਡਾਰ ਅਤੇ ਸਾਈਲੋ ਨਾਲ ਸਬੰਧਿਤ ਉਭਰਤੀ ਤਕਨਾਲੋਜੀਆਂ ਦਾ ਅਧਿਐਨ ਕਰੇਗਾ
ਸੁਖਜਿੰਦਰ ਮਾਨ
ਚੰਡੀਗੜ੍ਹ, 2 ਜੁਲਾਈ:- ਹਰਿਆਣਾ ਦੇ ਸਹਿਕਾਰਤਾ ਮੰਤਰੀ ਡਾ. ਬਨਵਾਰੀ ਲਾਲ ਦੀ ਅਗਵਾਈ ਹੇਠ ਪੰਜ ਮੈਂਬਰੀ ਵਫਦ ਇਟਲੀ ਅਤੇ ਜਰਮਨੀ ਦੇ ਦੌਰੇ ‘ਤੇ ਹੈ। ਇਸ ਯਾਤਰਾ ਦੌਰਾਨ ਵਫਦ ਅਨਾਜ ਦੀ ਖਰੀਦ ਪ੍ਰਣਾਲੀ ਦਾ ਅਧਿਐਨ ਕਰੇਗਾ ਅਤੇ ਅਨਾਜ ਦੀ ਸਟੋਰੇਜ ਲਈ ਖੇਤੀਬਾੜੀ -ਭੰਡਾਰ ਅਤੇ ਸਾਈਲੋ ਨਾਲ ਸਬੰਧਿਤ ਉਭਰਦੀ ਤਕਨਾਲੋਜੀਆਂ ਦੇ ਬਾਰੇ ਵਿਚ ਜਾਣਕਾਰੀ ਹਾਸਲ ਕਰੇਗਾ। ਇਸ ਤੋਂ ਇਲਾਵਾ, ਵਫਦ ਅਨਾਜ ਦੇ ਇਛਿਤ ਆਯਾਤਕਾਂ ਦੇ ਨਾਲ ਕਾਰੋਬਾਰੀ ਮੀਟਿੰਗਾਂ ਵੀ ਕਰੇਗਾ। ਵਫਦ ਵਿਚ ਵਿਧਾਇਕ ਸ੍ਰੀ ਦੀਪਕ ਮੰਗਲਾ, ਹੈਫੇਡ ਦੇ ਚੇਅਰਮੈਨ ਕੈਲਾਸ਼ ਭਗਤ, ਹੈਫੇਦ ਦੇ ਪ੍ਰਬੰਧ ਨਿਦੇਸ਼ਕ ਏ. ਸ੍ਰੀਨਿਵਾਸ, ਸਹਿਕਾਰਤਾ ਵਿਭਾਗ ਦੀ ਉੱਪ ਸਕੱਤਰ ਸ੍ਰੀਮਤੀ ਸ਼ਿਵਜੀਤ ਭਾਰਤੀ, ਹੈਫੇਡ ਦੇ ਮਹਾਪ੍ਰਬੰਧਕ ਅਰੁਣ ਕੁਮਾਰ ਆਹੂਜਾ ਸ਼ਾਮਿਲ ਹਨ।
ਸਹਿਕਾਰਤਾ ਮੰਤਰੀ ਡਾ. ਬਨਵਾਰੀ ਲਾਲ ਨੇ ਇਸ ਸਬੰਧ ਵੱਧ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਭਾਰਤ ਸਰਕਾਰ ਨੇ ਕਣਕ ਨੂੰ ਵਿਗਿਆਨਕ ਰੂਪ ਨਾਲ ਢਕੇ ਹੋਏ ਸਟੋਰੇਜ ਸਥਾਨ ਵਿਚ ਹੀ ਸਟੋਰ ਕਰਨ ‘ਤੇ ਜੋਰ ਦਿੱਤਾ ਹੈ। ਢਕੇ ਹੋਏ ਪਾਰੰਪਰਿਕ ਸਟੋਰੇਜ ਸਥਾਨਾਂ ਦੀ ਕਮੀ ਦੇ ਕਾਰਨ ਸਾਈਲੋ ਇਕ ਸੁਰੱਖਿਅਤ, ਕਿਫਾਇਤੀ ਅਤੇ ਲਾਭਦਾਇਕ ਢੰਗ ਹੈ। ਸਾਈਲੋ ਨੂੰ ਜਮੀਨ ਦੀ ਸਹੀ ਵਰਤੋ ਅਤੇ ਅਨਾਜਾਂ ਦੀ ਗੁਣਵੱਤਾ ਨੂੰ ਪ੍ਰਭਾਵਿਤ ਕੀਤੇ ਬਿਨ੍ਹਾਂ ਲੰਬੇ ਸਮੇਂ ਲਈ ਉਨ੍ਹਾਂ ਦੇ ਬਿਹਤਰ ਸਰੰਖਣ ਤਹਿਤ ਡਿਜਾਇਨ ਕੀਤਾ ਗਿਆ ਹੈ।
ਮਿਲਾਨ, ਇਟਲੀ ਵਿਚ ਕਾਊਂਸਲੇਟ ਜਨਰਲ ਆਫ ਇੰਡੀਆ ਟੀ ਅਜੰਗਲਾ ਜਮੀਰ ਦੇ ਨਾਲ ਵਫਦ ਨੇ ਅੱਜ ਉੱਤਰੀ ਇਟਲੀ ਵਿਚ ਸਾਈਲੋ ਤਕਨਾਲੋਜੀ ਨਿਰਮਾਣ ਕੇਂਦਰਾਂ ਦਾ ਦੌਰਾ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਹਰਿਆਣਾ ਵਿਚ ਵੀ ਸਮਾਨ ਢਾਂਚਿਆਂ ਦੀ ਸਥਾਪਨਾ ਵਿਚ ਸਹਿਯੋਗ ਦੇ ਖੇਤਰਾਂ ਦੀ ਸੰਭਾਵਨਾਵਾਂ ‘ਤ ਵਿਚਾਰ-ਵਟਾਂਦਰਾਂ ਕੀਤਾ। ਸਹਿਕਾਰਤਾ ਮੰਤਰੀ ਡਾ. ਬਨਵਾਰੀ ਲਾਲ ਦੀ ਅਗਵਾਈ ਹੇਠ ਹਰਿਆਣਾ ਰਾਜ ਸਹਿਕਾਰੀ ਸਪਲਾਈ ਅਤੇ ਮਾਰਕਟਿੰਗ ਫੈਡਰੇਸ਼ਨ ਲਿਮੀਟੇਡ (ਹੈਫੇਡ) ਰਾਜ ਦੇ ਕਿਸਾਲਾਂ ਦੀ ਸੇਵਾ ਲਈ ਪ੍ਰਤੀਬੱਧ ਹੈ। ਇਸੀ ਦਿਸ਼ਾ ਵਿਚ ਅੱਗੇ ਵੱਧਦੇ ਹੋਏ ਉੱਚ ਪੱਧਰੀ ਵਫਦ ਇਟਲੀ ਅਤੇ ਜਰਮਨੀ ਦੇ ਦੌਰੇ ‘ਤੇ ਗਿਆਨ ਹੈ, ਤਾਂ ਜੋ ਵਿਕਸਿਤ ਦੇਸ਼ਾਂ ਵੱਲੋਂ ਆਪਣੇ ਕਿਸਾਨ ਕੰਮਿਯੂਨਿਟੀਆਂ ਲਈ ਵਰਤੋ ਕੀਤੀ ਜਾ ਰਹੀ ਨਵੀਨਤਮ ਤਕਨੀਕਾਂ ਨੂੰ ਹਰਿਾਣਾ ਦੇ ਕਿਸਾਨਾਂ ਦੇ ਨਾਲ ਸਾਂਝਾ ਕਰ ਸਕਣ।
Share the post "ਹਰਿਆਣਾ ਦੇ ਸਹਿਕਾਰਤਾ ਮੰਤਰੀ ਦੀ ਅਗਵਾਈ ਹੇਠ ਪੰਜ ਮੈਂਬਰ ਟੀਮ ਪਹੁੰਚੀ ਜਰਮਨੀ ਅਤੇ ਇਟਲੀ ਦੇ ਦੌਰੇ ‘ਤੇ"
