Bathinda News:3 ਪੰਜਾਬ ਨੇਵਲ ਯੂਨਿਟ ਐਨਸੀਸੀ ਬਠਿੰਡਾ ਵੱਲੋਂ ਐਸ.ਵੀ.ਐਮ. ਸਕੂਲ ਭੀਖੀ ਜ਼ਿਲ੍ਹਾ ਮਾਨਸਾ ਵਿਖੇ 10 ਰੋਜਾ ਸਾਲਾਨਾ ਐਨ.ਸੀ.ਸੀ. ਸਿਖਲਾਈ ਕੈਂਪ ਕਮਾਂਡਿੰਗ ਅਫਸਰ ਕੈਪਟਨ ਇਸ਼ਰਾਜ ਸਿੰਘ ਹੋਰਾਂ ਦੀ ਰਹਿਨੁਮਾਈ ਹੇਠ ਲਗਾਇਆ ਗਿਆ। ਇਹ ਕੈਡਿਟਾਂ ਦੇ ਜੀਵਨ ਦਾ ਇੱਕ ਵਧੀਆ ਸਿੱਖਣ ਵਾਲਾ ਹਿੱਸਾ ਸੀ, ਜਿਸ ਵਿੱਚ ਜਲ ਸੈਨਾ, ਹਥਿਆਰਾਂ ਦੀ ਸਿਖਲਾਈ, ਸਮੁੰਦਰੀ ਜਹਾਜਾਂ ਬਾਰੇ ਜਾਣਕਾਰੀ, ਨੇਵੀਗੇਸ਼ਨ, ਸਮੁੰਦਰੀ ਸੰਚਾਰ, ਸੈਨਾ ਦੇ ਰੈਂਕ, ਐਨਸੀਸੀ ਵਿੱਚ ਏਕਤਾ ਅਤੇ ਅਨੁਸ਼ਾਸਨ, ਲੀਡਰਸ਼ਿਪ ਗੁਣਵੱਤਾ, ਸ਼ਖਸੀਅਤ ਵਿਕਾਸ, ਆਫ਼ਤ ਪ੍ਰਬੰਧਨ, ਅੱਗ ਬੁਝਾਉਣ, ਟ੍ਰੈਫਿਕ ਨਿਯਮ, ਸਾਈਬਰ ਅਪਰਾਧ, ਸਿਹਤ-ਸਫਾਈ, ਡ੍ਰਿਲ-ਪਰੇਡ, ਸਰੀਰਕ ਕਸਰਤਾਂ, ਵਾਤਾਵਰਨ ਰੱਖ-ਰਖਾਵ ਅਤੇ ਸਮਾਜ ਕਲਿਆਣ ਸਬੰਧੀ ਗਤੀਵਿਧੀਆਂ ਆਦਿ ਸ਼ਾਮਲ ਸਨ।
ਇਹ ਵੀ ਪੜ੍ਹੋ ‘ਮਾਸਟਰ ਜੀ’ ਤੋਂ 20000 ਰੁਪਏ ਰਿਸ਼ਵਤ ਲੈਂਦਾ DEO ਦਫ਼ਤਰ ਦਾ ਕਲਰਕ ਰੰਗੇ ਹੱਥੀਂ ਕਾਬੂ
ਸਿਲਵਰ ਓਕਸ ਸਕੂਲ ਦੇ 18 ਐਨਸੀਸੀ ਕੈਡਿਟਾਂ ਨੇ ਇਸ ਸਿਖਲਾਈ ਕੈਂਪ ਦੌਰਾਨ ਕੇਅਰਟੇਕਰ ਸੰਦੀਪ ਸ਼ੇਰਗਿੱਲ ਦੀ ਸੰਗਤ ਵਿੱਚ ਵੱਖ-ਵੱਖ ਗਤੀਵਿਧੀਆਂ ਵਿੱਚ ਹਿੱਸਾ ਲਿਆ ਜਿਵੇਂ ਕਿ ਅੰਤਰਰਾਸ਼ਟਰੀ ਯੋਗਾ ਦਿਵਸ ਵਿੱਚ ਹਿੱਸੇਦਾਰੀ, ਐਂਟੀ ਡਰੱਗ ਅਬਿਊਜ ਦਿਵਸ, ਰੱਸਾਕਸ਼ੀ, ਵਾਲੀਬਾਲ ਖੇਡ, ਰੁਟੀਨ ਕਲਾਸਰੂਮ ਲੈਕਚਰ, ਮਹਿਮਾਨਾਂ ਦੁਆਰਾ ਵੱਖ ਵੱਖ ਵਿਸ਼ਿਆਂ ਤੇ ਭਾਸ਼ਣ, ਪਰੇਡ, ਸੱਭਿਆਚਾਰਕ ਗਤੀਵਿਧੀਆਂ ਆਦਿ। ਇਸੇ ਸਕੂਲ ਦੇ ਨੌਵੀਂ ਜਮਾਤ ਦੇ ਵਿਦਿਆਰਥੀ ਜੋਸ਼ਮਨਪ੍ਰੀਤ ਸਿੰਘ ਗਿੱਲ ਨੇ ਵਾਲੀਬਾਲ ਖੇਡ ਵਿੱਚ ਦੂਜਾ ਸਥਾਨ ਪ੍ਰਾਪਤ ਕਰਕੇ ਸਿਲਵਰ ਮੈਡਲ ਹਾਸਿਲ ਕੀਤਾ ਅਤੇ ਸਕੂਲ ਦਾ ਨਾਮ ਰੁਸ਼ਨਾਇਆ।ਇਸ 10 ਰੋਜਾ ਐਨਸੀਸੀ ਸਿਖਲਾਈ ਕੈਂਪ ਦੀ ਸਫਲਤਾ ਲਈ ਸਿਲਵਰ ਓਕਸ ਸਕੂਲ ਦੇ ਪ੍ਰਿੰਸੀਪਲ ਮੈਡਮ ਨੀਤੂ ਅਰੋੜਾ ਅਤੇ ਸਕੂਲ ਦੇ ਡਾਇਰੈਕਟਰ ਸ਼੍ਰੀਮਤੀ ਬਨਿੰਦਰ ਪਾਲ ਸੇਖੋਂ ਨੇ ਐਨਸੀਸੀ ਕੈਡਿਟਾਂ ਦੀ ਸਫਲ ਕਰਗੁਜ਼ਾਰੀ ਲਈ ਸ਼ਲਾਘਾ ਕੀਤੀ ਅਤੇ ਵਿਦਿਆਰਥੀਆਂ ਅਤੇ ਮਾਪਿਆਂ ਨੂੰ ਵਧਾਈ ਦਿੱਤੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
