👉ਮੁਹਾਲੀ ਦੇ ਬਿਲਡਰ ਤੋਂ ਲੈਣੇ ਸਨ ਪੈਸੇ, ਪੈਸੇ ਨਾ ਮਿਲਣ ਕਾਰਨ ਸੀ ਪ੍ਰੇਸ਼ਾਨ
Bathinda News: Bathinda ਜ਼ਿਲ੍ਹੇ ਦੇ ਹਲਕਾ ਮੋੜ ਦੇ ਧੜੱਲੇਦਾਰ ਕਾਂਗਰਸੀ ਆਗੂ ਰਹੇ ਮਰਹੂਮ ਸੁਖਰਾਜ ਸਿੰਘ ਨੱਤ ਦੇ ਨੌਜਵਾਨ ਪੁੱਤ ਵੱਲੋਂ ਖੁਦ*ਕੁਸ਼ੀ ਕਰਨ ਦੀ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਮ੍ਰਿਤਕ ਦੀ ਪਹਿਚਾਣ ਦਵਿੰਦਰ ਪਾਲ ਸਿੰਘ ਨੱਤ (32 ਸਾਲ) ਵਜੋਂ ਹੋਈ ਹੈ, ਜੋਕਿ ਪੇਸ਼ੇ ਵਜੋਂ ਵਕੀਲ ਸੀ ਅਤੇ ਸਥਾਨਕ ਗਣਪਤੀ ਇਨਕਲੇਵ ਵਿਚ ਰਹਿ ਰਿਹਾ ਸੀ। ਮ੍ਰਿਤਕ ਵੱਲੋਂ ਇਹ ਆਖ਼ਰੀ ਕਦਮ ਚੁੱਕਣ ਤੋਂ ਪਹਿਲਾਂ ਕਰੀਬ 9 ਮਿੰਟ ਦੀ ਇੱਕ ਵੀਡੀਓ ਵੀ ਬਣਾਈ ਗਈ ਤੇ ਨਾਲ ਹੀ ਇੱਕ ਪੰਨੇ ਦਾ ਖੁਦਕਸ਼ੀ ਨੋਟ ਵੀ ਛੱਡਿਆ ਗਿਆ।
ਇਹ ਵੀ ਪੜ੍ਹੋ ਮਾਂ-ਧੀ ‘ਤੇ ਪਰਚਾ ਦਰਜ਼ ਕਰਨ ਦਾ ਡਰਾਵਾਂ ਦੇ ਕੇ 15,000 ਰੁਪਏ ਦੀ ਰਿਸ਼ਵਤ ਲੈਂਦੇ ASI ਨੂੰ Vigilance ਨੇ ਕੀਤਾ ਕਾਬੂ
ਜਿਸਦੇ ਵਿਚ ਉਸਨੇ ਆਪਣੀ ਮੌਤ ਲਈ ਜੀਰਕਪੁਰ ਦੇ ਨਾਮੀ ਬਿਲਡਰ ਬਿੰਦਰਪਾਲ ਮਿੱਤਲ,ਉਸਦੇ ਪੁੱਤਰ ਪ੍ਰਤੀਕ ਮਿੱਤਲ ਤੇ ਭਰਤ ਮਿੱਤਲ ਨੂੰ ਜਿੰਮੇਵਾਰ ਠਹਿਰਾਇਆ ਹੈ। ਵੀਡੀਓ ਮੁਤਾਬਕ ਐਡਵੋਕੇਟ ਦਵਿੰਦਰਪਾਲ ਨੱਤ ਨੇ ਉਕਤ ਬਿਲਡਰਜ਼ ਤੋਂ ਕਰੀਬ ਸਾਢੇ 5 ਕਰੋੜ ਰੁਪਏ ਲੈਣੇ ਸਨ। ਇਸੇ ਤਰ੍ਹਾਂ ਦਵਿੰਦਰਪਾਲ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਸਨੇ ਇਸ ਬਿਲਡਰਜ਼ ਦੇ ਕਹਿਣ ‘ਤੇ ਆਪਣੇ ਦੋਸਤਾਂ ਨੂੰ ਵੀ ਕਹਿ ਕੇ 6-7 ਕਰੋੜ ਰੁਪਏ ਇੰਨ੍ਹਾਂ ਦੀ ਫ਼ਰਮ ਵਿਚ ਇਨਵੇਸਟ ਕਰਵਾਏ ਸਨ ਪ੍ਰੰਤੁ ਹੁਣ ਉਹ ਪੈਸੇ ਵਾਪਸ ਨਹੀਂ ਕਰ ਰਿਹਾ ਸੀ। ਜਿਸ ਕਾਰਨ ਉਸਨੂੰ ਇਹ ਕਦਮ ਚੁੱਕਣ ਲਈ ਮਜਬੂਰ ਹੋਣਾ ਪੈ ਰਿਹਾ।
ਇਹ ਵੀ ਪੜ੍ਹੋ ਮੰਦਭਾਗੀ ਖ਼ਬਰ; ਤਿੰਨ ਭੈਣਾਂ ਦੇ ਇਕਲੌਤੇ ਭਰਾ ਦੀ ਸੜਕ ਹਾਦਸੇ ‘ਚ ਹੋਈ ਮੌ/ਤ
ਆਪਣੀ ਵੀਡੀਓ ਵਿਚ ਦਵਿੰਦਰਪਾਲ ਨੱਤ ਨੇ ਆਪਣੇ ਪਿਤਾ ਸੁਖਰਾਜ ਸਿੰਘ ਨੱਤ ਨੂੰ ਚਾਹੁਣ ਵਾਲਿਆਂ, ਆਪਣੇ ਵਕੀਲ ਭਾਈਚਾਰੇ ਅਤੇ ਆਮ ਲੋਕਾਂ ਤੋਂ ਇਨਸਾਫ਼ ਦਿਵਾਉਣ ਦੀ ਮੰਗ ਵਿਚ ਸਹਿਯੋਗ ਕਰਨ ਦੀ ਅਪੀਲ ਵੀ ਕੀਤੀ ਹੈ। ਦਸਣਾ ਬਣਦਾ ਹੈ ਕਿ ਸੁਖਰਾਜ ਸਿੰਘ ਨੱਤ ਮੋੜ ਹਲਕੇ ਤੋਂ ਤਿੰਨ ਵਾਰ ਚੋਣ ਲੜ ਚੁੱਕੇ ਸਨ। ਉਨ੍ਹਾਂ ਨੂੰ ਕਾਂਗਰਸ ਸਰਕਾਰ ਦੌਰਾਨ ਵੈਵਕੋ ਦਾ ਚੇਅਰਮੈਨ ਵੀ ਬਣਾਇਆ ਗਿਆ ਸੀ। ਮ੍ਰਿਤਕ ਇਕਲੌਤਾ ਪੁੱਤਰ ਸੀ ਤੇ ਹੁਣ ਆਪਣੈ ਪਿੱਛੇ ਬਜ਼ੁਰਗ ਮਾਂ ਤੇ ਬੀਮਾਰ ਪਤਨੀ ਛੱਡ ਗਿਆ ਹੈ। ਦਸਿਆ ਜਾ ਰਿਹਾ ਕਿ ਉਸਦੇ ਕੋਈ ਬੱਚਾ ਵੀ ਨਹੀਂ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
