Bathinda News: Bathinda MC Elections; ‘‘ਸਿਆਸਤ ਵਿਚ ਕਦੇ ਪੱਕੀ ਦੋਸਤੀ ਜਾਂ ਦੁਸਮਣੀ ਨਹੀਂ ਹੁੰਦੀ ਤੇ ਨਾਂ ਹੀ ਰਿਸ਼ਤੇ,”। ਇਹ ਕਹਾਵਤ ਬਠਿੰਡਾ ਨਗਰ ਨਿਗਮ ਦੀਆਂ ਹਾਲ ਹੀ ਵਿਚ ਹੋਈਆਂ ਚੋਣਾਂ ਦੌਰਾਨ ਸੱਚ ਸਾਬਤ ਹੋਈ ਹੈ। ਬਠਿੰਡਾ ਸ਼ਹਿਰ ਦੇ ਚਰਚਿਤ ਵਾਰਡ ਨੰਬਰ 35 ਵਿਚ ਹੋਏ ਦਿਲਚਸਪ ਮੁਕਾਬਲੇ ਦੌਰਾਨ ਇੱਕ ਜਠਾਣੀ ਨੇ ਆਪਣੀ ਹੀ ਦਰਾਣੀ ਨੂੰ ਹਰਾਇਆ ਹੈ। ਹਾਲਾਂਕਿ ਜਿੱਤਣ ਤੇ ਹਰਨ ਵਾਲੇ ਦੋਨੋਂ ਹੀ ਭਰਾਵਾਂ ਵਿਚ ਚੰਗਾ ਪਿਆਰ ਹੈ ਪ੍ਰੰਤੂ ਮਰਹੂਮ ਪਿਤਾ ਦੀ ਵਿਰਾਸਤ ਨੂੰ ਅੱਗੇ ਵਧਾਉਣ ਲਈ ਦੋਨਾਂ ਭਰਾਵਾਂ ਦੀਆਂ ਪਤਨੀਆਂ ਵਿਚਕਾਰ ਇਹ ਮੁਕਾਬਲਾ ਹੋਇਆ, ਜਿਸਦੇ ਵਿਚ ਵੱਡਾ ਭਰਾ ਜੇਤੂ ਰਿਹਾ।
ਇਹ ਵੀ ਪੜ੍ਹੋ 👉Punjab News : BJP ਦੀ ਨਵੀਂ ਰਣਨੀਤੀ! ਰਾਜ ਸਭਾ ਲਈ ਬਿੱਟੂ ਦਾ ਨਾਮ ਤੈਅ?
ਹਾਲਾਂਕਿ ਹਾਰਨ ਵਾਲੀ ‘ਦਰਾਣੀ’ ਮਮਤਾ ਸੈਣੀ ਪਤਨੀ ਵਿਨੋਦ ਸੈਣੀ, ਇਸਤੋਂ ਪਹਿਲੇ ਪਲਾਨ ਵਿਚ ਕਾਂਗਰਸ ਦੀ ਟਿਕਟ ‘ਤੇ ਜਿੱਤ ਕੇ ਕੋਂਸਲਰ ਰਹਿ ਚੁੱਕੀ ਹੈ ਪ੍ਰੰਤੂ ਹੁਣ ਉਹ ਆਮ ਆਦਮੀ ਪਾਰਟੀ ਦੀ ਟਿਕਟ ਤੋਂ ਚੋਣ ਲੜ ਰਹੀ ਸੀ। ਜਦਕਿ ਜਠਾਣੀ ਬੇਬੀ ਸੈਣੀ ਤੇ ਉਸਦਾ ਪਤੀ ਸੰਜੀਵ ਸੈਣੀ ਉਰਫ਼ ਸੋਨੂੰ ਕਾਂਗਰਸ ਦੀ ਟਿਕਟ ‘ਤੇ ਚੋਣ ਲੜ ਕੇ ਆਪਣੇ ਮਰਹੂਮ ਪਿਤਾ ਤੇ ਟਕਸਾਲੀ ਕਾਂਗਰਸੀ ਰਾਮ ਜੀ ਦਾਸ ਹਲਵਾਈ ਦੀ ਸੋਚ ‘ਤੇ ਪਹਿਰਾ ਦਿੰਦੇ ਨਜ਼ਰ ਆਏ।
ਇਹ ਵੀ ਪੜ੍ਹੋ 👉Bathinda MC Elections; Bathinda ‘ਚ ਚੱਲਿਆ ਝਾੜੂ, AAP ਨੂੰ ਮਿਲੀ ਇਤਿਹਾਸਕ ਜਿੱਤ
ਜਿਸਦੇ ਫ਼ਲਸਰੂਪ ਆਪਣੇ ਪਿਤਾ ਦੀ ਵਿਰਾਸਤ ਲਈ ਜਦੋ-ਜਹਿਦ ਕਰ ਰਹੇ ਦੋਨਾਂ ਭਰਾਵਾਂ ਵਿਚੋਂ ਵਾਰਡ ਦੇ ਲੋਕਾਂ ਨੇ ਵੱਡੇ ਭਰਾ ਸੋਨੂੰ ਦਾ ਸਾਥ ਦਿੱਤਾ ਤੇ ਇੱਕ ਪਾਸੜ ਜਿੱਤ ਦਿਵਾਈ। ਚੋਣ ਨਤੀਜਿਆਂ ਮੁਤਾਬਕ ਬੇਬੀ ਸੈਣੀ ਨੇ ਆਪਣੀ ਦਰਾਣੀ ਮਮਤਾ ਸੈਣੀ ਨੂੰ 1271 ਵੋਟਾਂ ਦੇ ਅੰਤਰ ਨਾਲ ਹਰਾਇਆ। ਜਦਕਿ ਇਸ ਵਾਰਡ ਲਈ ਕੁੱਲ 3111 ਵੋਟਾਂ ਹੀ ਪੋਲ ਹੋਈਆਂ ਸਨ। ਇਸ ਵਾਰਡ ਵਿਚ ‘ਦਰਾਣੀ’ ਤੇ ‘ਜਠਾਣੀ’ ਵਿਚਕਾਰ ਹੋਏ ਮੁਕਾਬਲੇ ਦੀ ਸ਼ਹਿਰ ਵਿਚ ਚਰਚਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
