ਹਰਿਆਣਾ ’ਚ ਆਂਗਨਵਾੜੀ ਵਰਕਰਾਂ ਨੂੰ ਮਿਲਦਾ ਹੈ ਕਿ ਸਭ ਤੋਂ ਵੱਧ ਮਾਣਭੱਤਾ: ਮੁੱਖ ਮੰਤਰੀ ਖੱਟਰ

ਸੁਖਜਿੰਦਰ ਮਾਨ
ਚੰਡੀਗੜ੍ਹ, 24 ਫਰਵਰੀ: ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟੜ ਨੇ ਦਾਅਵਾ ਕੀਤਾ ਹੈ ਕਿ ਪਿਛਲੇ ਸੱਤ ਸਾਲਾਂ ਵਿਚ ਰਾਜ ਸਰਕਾਰ ਆਂਗਨਵਾੜੀ ਕਾਰਜਕਰਤਾਵਾਂ ਅਤੇ ਹੈਲਪਰਾਂ ਨੂੰ ਸਭ ਤੋਂ ਵੱਧ ਮਾਣਭੱਤਾ ਦੇ ਰਹੀ ਹੈ। ਅੱਜ ਇੱਥੇ ਇੱਕ ਪ੍ਰੈਸ ਕਾਨਫ੍ਰੈਂਸ ਨੂੰ ਸੰਬੋਧਿਤ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਪਿਛਲੇ ਦਸੰਬਰ ਮਹੀਨੇ ਵਿਚ ਵੀ ਆਂਗਨਵਾੜੀ ਕਾਰਜਕਰਤਾਵਾਂ ਦੇ ਮਾਣਭੱਤੇ ਵਿਚ 850 ਰੁਪਏ ਅਤੇ ਸਹਾਇਕਾਂ ਦੇ ਮਾਣਭੱਤੇ ਵਿਚ 736 ਰੁਪਏ ਵਾਧਾ ਕੀਤਾ ਗਿਆ ਸੀ। ਇਸ ਮੌਕੇ ‘ਤੇ ਗ੍ਰਹਿ ਅਤੇ ਸਿਹਤ ਮੰਤਰੀ ਸ੍ਰੀ ਅਨਿਲ ਵਿਜ ਵੀ ਮੌਜੂਦ ਰਹੇ। ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾ ਦੇਸ਼ ਦਾ ਪਹਿਲੇ ਤਿੰਨ ਸੂਬਿਆਂ ਵਿਚ ਹੈ, ਜਿੱਥੇ ਆਂਗਨਵਾੜੀ ਵਰਕਰਸ ਤੇ ਹੈਲਪਰਸ ਨੂੰ ਸੱਭ ਤੋਂ ਵੱਧ ਮਾਣਭੱਤੇ ਦਿੱਤੇ ਜਾ ਰਹੇ ਹਨ, ਜਦੋਂ ਕਿ ਉੱਤਰ ਭਾਰਤ ਦੇ ਸੂਬਿਆਂ ਵਿਚ ਤਾਂ ਹਰਿਆਣਾ ਪਹਿਲੇ ਸਥਾਨ ‘ਤੇ ਹੈ। ਹੋਰ ਸੂਬਿਆਂ ਵਿਚ ਦਿੱਤੇ ਜਾ ਰਹੇ ਮਾਨਭੱਤੇ ਨਾਲ ਤੁਲਣਾ ਕਰਦੇ ਹੋਏ ਮੁੱਖ ਮੰਤਰੀ ਨੇ ਕਿਹਾ ਕਿ ਹਰਿਆਣਾ ਵਿਚ ਦੱਸ ਸਾਲ ਤੋਂ ਵੱਧ ਤਜਰਬੇ ਵਾਲੀ ਆਂਗਨਵਾੜੀ ਵਰਕਰਸ 12661 ਰੁਪਏ, 10 ਸਾਲ ਤੋਂ ਘੱਟ ਤਜਰਬੇ ਵਾਲੀ ਆਂਗਨਵਾੜੀ ਵਰਕਰਸ ਅਤੇ ਮਿਨੀ ਆਂਗਨਵਾੜੀ ਵਰਕਰਸ ਨੂੰ 11401 ਰੁਪਏ ਦਿੱਤੇ ਜਾ ਰਹੇ ਹਨ। ਜਦੋਂ ਕਿ ਆਂਗਨਵਾੜੀ ਵਰਕਰਸ ਨੂੰ ਪੰਜਾਬ ਵਿਚ 9500, ਛਤੀਸਗੜ੍ਹ ਵਿਚ 6500, ਮੱਧ ਪ੍ਰਦੇਸ਼ ਵਿਜ 10000, ਦਿੱਲੀ ਵਿਚ 9678, ਰਾਜਸਤਾਨ ਵਿਚ 10500, ਪਾਂਡੂਚਰੀ ਵਿਚ 6540, ਪੱਛਮ ਬੰਗਾਲ ਵਿਚ 6750 ਰੁਪਏ ਦਿੱਤੇ ਜਾ ਰਹੇ ਹਨ। ਇਸ ਤਰ੍ਹਾ ਆਂਗਨਵਾੜੀ ਹੈਲਪਰਸ ਨੂੰ ਹਰਿਆਣਾ ਵਿਚ 6781 ਰੁਪਏ ਦਿੱਤੇ ਜਾ ਰਹੇ ਹਨ, ਜਦੋਂ ਕਿ ਪੰਜਾਬ ਵਿਚ 4750, ਛਤੀਸਗੜ੍ਹ ਵਿਚ 3250, ਮੱਧ ਪ੍ਰਦੇਸ਼ ਵਿਚ 5000, ਦਿੱਲੀ ਵਿਚ 4889, ਰਾਜਸਤਾਨ ਵਿਚ 5800, ਪਾਂਡੂਚਰੀ ਵਿਚ 4375, ਪੱਛਮ ਬੰਗਾਲ ਵਿਚ 4800 ਰੁਪਏ ਦਿੱਤੇ ਜਾ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਸਮੇਂ-ਸਮੇਂ ‘ਤੇ ਆਂਗਨਵਾੜੀ ਵਰਕਰਸ ਤੇ ਹੈਲਪਰਸ ਦਾ ਮਾਣਭੱਤਾ ਵਧਾਇਆ ਹੈ। ਸਾਲ 2014 ਵਿਚ ਆਂਗਨਵਾੜੀ ਵਰਕਰਸ ਦਾ ਮਾਣਭੱਤਾ 7500 ਰੁਪਏ ਮਹੀਨਾ ਸੀ, ਜੋ ਹੁਣ 12,661 ਰੁਪਏ ਹੋ ਗਿਆ ਹੈ। ਇਸੀ ਤਰ੍ਹਾ ਹੈਲਪਰਸ ਦਾ ਮਾਣਭੱਤਾ ਸਾਲ 2014 ਵਿਚ 3500 ਰੁਪਏ ਮਹੀਨਾ ਸੀ, ਜੋ ਹੁਣ 6,781 ਰੁਪਏ ਹੋ ਗਿਆ ਹੈ। ਅਸੀਂ ਆਂਗਨਾੜੀ ਵਰਕਰਸ ਤੇ ਹੈਲਪਰਸ ਨੂੰ ਪਦੋਓਨਤੀ ਦੇ ਨਾਲ-ਨਾਲ ਸੇਵਾਮੁਕਤੀ ਦੇ ਸਮੇਂ ਵੀ ਇਕਮੁਸ਼ਤ ਰਕਮ ਦੇਣ ਦੀ ਵਿਸਥਾ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਆਂਗਨਵਾੜੀ ਕਾਰਜਕਰਤਾਵਾਂ ਨੂੰ ਸੇਵਾਮੁਕਤ ‘ਤੇ 30 ਹਜਾਰ ਰੁਪਏ ਐਕਸਗੇ੍ਰਸ਼ੀਆ ਮਿਲਦਾ ਸੀ, ਜਿਸ ਨੂੰ ਵਧਾ ਦੇ 1 ਲੱਖ ਰੁਪਏ ਅਤੇ ਆਂਗਨਵਾੜੀ ਹੈਲਪਰਾਂ ਦਾ 50 ਹਜਾਰ ਰੁਪਏ ਕੀਤਾ ਗਿਆ ਹੈ। ਆਂਗਨਾੜੀ ਵਰਕਰਾਂ ਤੇ ਹੈਲਪਰਾਂ ਨੂੰ ਦੁਰਘਟਨਾ ਨਾਲ ਮੌਤ ਹੋਣ ਦੀ ਸਥਿਤੀ ਵਿਚ 2 ਲੱਖ ਰੁਪਏ ਦੇਣ ਦਾ ਪ੍ਰਾਵਧਾਨ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਆਂਗਨਵਾਙੀ ਕਾਰਜਕਰਤਾਵਾਂ ਅਤੇ ਹੈਲਪਰਾਂ ਵੱਲੋਂ ਚੁੱਕੀ ਗਈ ਲਗਭਗ ਸਾਰੀ ਮੰਗਾਂ ਨੂੰ ਪੂਰਾ ਕੀਤਾ ਹੈ।
ਬਾਕਸ
ਮੈਰਿਟ ਦੇ ਆਧਾਰ ‘ਤੇ ਜਾਰੀ ਰਹੇਗੀ ਭਰਤੀ
ਚੰਡੀਗੜ੍ਹ: ਮੁੱਖ ਮੰਤਰੀ ਨੇ ਸਰਕਾਰੀ ਭਰਤੀ ਵਿਚ ਘੋਟਾਲੇ ਦੇ ਸਬੰਧ ਵਿਚ ਕੀਤੀ ਗਈ ਗਿਰਫਤਾਰੀ ਅਤੇ ਦਰਜ ਮਾਮਲਿਆਂ ਦੇ ਆਂਕੜੇ ਸਾਂਝਾ ਕਰਦੇ ਹੋਏ ਕਿਹਾ ਕਿ ਰਾਜ ਸਰਕਾਰ ਵੱਲੋਂ ਦੇਸ਼ਭਰ ਵਿਚ ਫੈਲੇ ਵੱਖ-ਵੱਖ ਗਿਰੋਹਾਂ ਦਾ ਪਰਦਾਫਾਸ਼ ਕੀਤਾ ਗਿਆ ਹੈ। ਪੁਲਿਸ ਕਾਂਸਟੇਬਲ ਭਰਤੀ ਘੋਟਾਲੇ ਵਿਚ ਸਰਕਾਰੀ ਆਂਕੜਿਆਂ ਦੇ ਮੁਤਾਬਕ ਹੁਣ ਤਕ 70 ਦੋਸ਼ੀਆਂ ਨੂੰ ਗਿਰਫਤਾਰ ਕੀਤਾ ਜਾ ਚੁੱਕਾ ਹੈ, ਜਦੋਂ ਕਿ ਪਿਛਲੇ ਕੁੱਝ ਮਹੀਨਿਆਂ ਵਿਚ ਇਸ ਘੋਟਾਲੇ ਵਿਚ ਤਿੰਨ ਵੱਡੇ ਗਿਰੋਹ ਅਤੇ 26 ਦੋਸ਼ੀਆਂ ਨੂੰ ਐਸਟੀਐਫ ਨੇ ਫੜਿਆ ਹੈ। ਇਸ ਤੋਂ ਇਲਾਵਾ ਪਟਵਾਰੀ ਪ੍ਰੀਖਿਆ ਵਿਚ ਦਰਜ ਸੱਤ ਮਾਮਲਿਆਂ ਵਿਚ 64 ਦੋਸ਼ੀਆਂ ਨੂੰ ਗਿਰਫਤਾਰ ਕੀਤਾ ਗਿਆ ਹੈ। ਪ੍ਰਤੀਰੂਪਣ ਘਟਨਾਵਾਂ ਵੀ ਵੱਡੀ ਗਿਣਤੀ ਵਿਚ ਫੜੀਆਂ ਗਈਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਯਕੀਨ ਹੈ ਕਿ ਹੁਣ ਜਦੋਂ ਵੀ ਕੋਈ ਭਰਤੀ ਪ੍ਰੀਅਿਾ ਹੋਵੇਗੀ, ਅਜਿਹੇ ਕੋਈ ਘਟਨਾ ਮੁੜ ਨਹੀਂ ਹੋਵੇਗੀ।