Punjabi Khabarsaar
ਬਠਿੰਡਾ

ਵਿਤ ਮੰਤਰੀ ਦੇ ਹਾਰਨ ਦੀ ਖ਼ੁਸੀ ’ਚ ਬਠਿੰਡਾ ਦੇ ਮੁਲਾਜਮ 14 ਮਾਰਚ ਨੂੰ ਕੱਢਣਗੇ ਜੇਤੂੁ ਮਾਰਚ

whtesting
0Shares

ਸੁਖਜਿੰਦਰ ਮਾਨ
ਬਠਿੰਡਾ, 11 ਮਾਰਚ: ਲਗਾਤਾਰ ਪੰਜ ਸਾਲ ਮੁਲਾਜਮਾਂ ਦੇ ਨਿਸ਼ਾਨੇ ’ਤੇ ਰਹੇ ਵਿਤ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੂੰ ਮਿਲੀ ਹਾਰ ਦੀ ਖ਼ੁਸੀ ਵਿਚ ਬਠਿੰਡਾ ਦੇ ਮੁਲਾਜਮਾਂ ਨੇ ਆਗਾਮੀ 14 ਮਾਰਚ ਨੂੰ ਸ਼ਹਿਰ ਵਿਚ ਜੇਤੂ ਮਾਰਚ ਕੱਢਣ ਦਾ ਐਲਾਨ ਕੀਤਾ ਹੈ। ਅੱਜ ਇੱਥੇ ਕੀਤੀ ਇੱਕ ਪ੍ਰੈਸ ਕਾਨਫਰੰਸ ਵਿਚ ਮਨਿਸਟਰੀਅਲ ਸਰਵਿਸਜ਼ ਯੂਨੀਅਨ ਦੇ ਆਗੂਆਂ ਮੇਘ ਸਿੰਘ ਧਾਲੀਵਾਲ, ਰਾਜਵੀਰ ਸਿੰਘ ਮਾਨ, ਕੁਲਦੀਪ ਸ਼ਰਮਾ, ਸੁਰਜੀਤ ਸਿੰਘ ਆਦਿ ਨੇ ਦਾਅਵਾ ਕੀਤਾ ਕਿ ਵਿਤ ਮੰਤਰੀ ਰਹਿੰਦਿਆਂ ਮੁਲਾਜਮ ਵਿਰੋਧੀ ਫੈਸਲਾ ਲੈਣ ਵਾਲੇ ਸ: ਬਾਦਲ ਅਤੇ ਉਸਦੇ ਪੁੱਤਰ ਨੇ ਚੋਣਾਂ ਦੌਰਾਨ ਵੀ ਮੁਲਾਜਮਾਂ ਨੂੰ ਦੋ ਫ਼ੀਸਦੀ ਦਸਦਿਆਂ ਇੱਕ ਤਰ੍ਹਾਂ ਨਾਲ ਚੁਣੌਤੀ ਦਿੱਤੀ ਸੀ। ਮੁਲਾਜਮ ਆਗੂਆਂ ਮੁਤਾਬਕ ਬਠਿੰਡਾ ਸ਼ਹਿਰ ਵਿਚ ਵਿਤ ਮੰਤਰੀ ਦੀ ਹਾਰ ਪਿੱਛੇ ਮੁਲਾਜਮ ਵਰਗ ਦਾ ਵੱਡਾ ਯੋਗਦਾਨ ਹੈ। ਜਿਸਦੇ ਚੱਲਦੇ ਮੁਲਾਜਮ ਵਰਗ ਦੀ ਭਰਵੀਂ ਸਮੂਲੀਅਤ ਵਾਲਾ ਇਹ ਮਾਰਚ ਸਥਾਨਕ ਸ਼ਹਿਰ ਦੇ ਮੁੱਖ ਬਾਜ਼ਾਰਾਂ ਵਿਚੋਂ ਦੀ ਹੁੰਦਾ ਹੋਇਆ ਦਾਣਾ ਮੰਡੀ ਵਿਚ ਆ ਕੇ ਸਮਾਪਤ ਹੋਵੇਗਾ। ਮੁਲਾਜਮ ਆਗੂਆਂ ਨੇ ਦੋਸ਼ ਲਗਾਇਆ ਕਿ ਪਿਛਲੀ ਸਰਕਾਰ ਨੇ ਮੁਲਾਜ਼ਮਾਂ ਦੀਆਂ ਹੱਕੀ ਮੰਗਾਂ ਮੰਨਣ ਦੀ ਬਜਾਏ ਆਖਰ ਤਕ ਲਾਰਿਆਂ ਵਿਚ ਰੱਖਿਆ। ਹਾਲਾਂਕਿ ਬਠਿੰਡਾ ਸ਼ਹਿਰ ਤੋਂ ਨੁਮਾਇੰਦਾ ਹੋਣ ਕਾਰਨ ਦਰਜਨਾਂ ਵਾਰ ਮੁਲਾਜ਼ਮ ਆਗੂ ਮਨਪ੍ਰੀਤ ਸਿੰਘ ਬਾਦਲ ਨੂੰ ਮਿਲ ਚੁੱਕੇ ਸਨ ਪ੍ਰੰਤੂ ੳਨਾਂ ਨੂੰ ਹਰ ਵਾਰ ਟਰਕਾ ਦਿੱਤਾ ਜਾਂਦਾ ਰਿਹਾ। ਜਿਸਦੇ ਚੱਲਦੇ ਸਮੂਹ ਮੁਲਾਜ਼ਮ ਜਥੇਬੰਦੀਆਂ ਨੇ ਫ਼ੈਸਲਾ ਕੀਤਾ ਸੀ ਕਿ ਕਾਂਗਰਸ ਪਾਰਟੀ ਨੂੰ ਵਿਧਾਨ ਸਭਾ ਦੀਆਂ ਪੌੜੀਆਂ ਨਹੀਂ ਚੜ੍ਹਨ ਦਿੱਤੀਆਂ ਜਾਣਗੀਆਂ। ਇਸ ਮੌਕੇ ਆਗੂਆਂ ਨੇ ਸਮੂਹ ਮੁਲਾਜ਼ਮ ਵਰਗ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਵਲੋਂ ਇਕਜੁਟਤਾ ਦਿਖਾਉਂਦਿਆਂ ਆਮ ਆਦਮੀ ਪਾਰਟੀ ਨੂੰ ਵੋਟ ਪਾਈ ਹੈ।

0Shares

Related posts

ਬੱਚਿਆਂ ਦੇ ਮਾਮਲੇ ਨੂੰ ਗੰਭੀਰਤਾ ਨਾਲ ਜਾਵੇ ਲਿਆ : ਡਿਪਟੀ ਕਮਿਸ਼ਨਰ

punjabusernewssite

ਬੇਅਦਬੀ ਮਾਮਲੇ ’ਚ ਐੱਸ ਆਈ ਟੀ ਦੀ ਰਿਪੋਰਟ ਜਨਤਕ ਹੋਣ ਤੋਂ ਬਾਅਦ ਅਕਾਲੀਆਂ ਨੇ ਕੀਤੀ ਮੀਟਿੰਗ

punjabusernewssite

ਬੀਸੀਐੱਲ ਇੰਡਸਟਰੀ ਬਠਿੰਡਾ ਨੇ ਦੇਸ਼ ਭਰ ’ਚ ਕੁਲ ਰੈਵਨਿਊ ਕੈਟਾਗਰੀਜ਼ ’ਚ 550 ਵਾਂ ਰੈਂਕ ਕੀਤਾ ਹਾਸਿਲ

punjabusernewssite

Leave a Comment