12 ਅਤੇ 13 ਅਕਤੂਬਰ ਨੂੰ ਅਮਰਪੁਰਾ ਬਸਤੀ ਕਰਾਸਿੰਗ ਵਾਲਾ ਰੇਲਵੇ ਫਾਟਕ ਦੋਨੋਂ ਪਾਸਿਓਂ ਰਹੇਗਾ ਬੰਦ

ਪੰਜਾਬੀ ਖ਼ਬਰਸਾਰ ਬਿਉਰੋ
ਬਠਿੰਡਾ, 11 ਅਕਤੂਬਰ: ਸਥਾਨਕ ਮੁੱਖ ਅਨਾਜ ਮੰਡੀ ਤੋਂ ਅਮਰਪੁਰਾ ਬਸਤੀ ਵਿਖੇ ਰੇਲਵੇ ਕਰਾਸਿੰਗ ਉਪਰ ਬਣ ਰਹੇ ਨਵੇਂ ਰੇਲਵੇ ਓਵਰ ਬਿ੍ਰਜ ਦੇ ਕੰਮ ਦੀ ਪ੍ਰਗਤੀ ਤਹਿਤ ਰੇਲਵੇ ਫਾਟਕ ਨੂੰ ਦੋਹਾਂ ਪਾਸਿਆਂ ਤੋਂ ਦੋ ਦਿਨਾਂ (12 ਅਤੇ 13 ਅਕਤੂਬਰ 2022) ਲਈ ਬੰਦ ਰੱਖਿਆ ਜਾਵੇਗਾ। ਡਿਪਟੀ ਕਮਿਸ਼ਨਰ ਸ੍ਰੀ ਸ਼ੌਕਤ ਅਹਿਮਦ ਪਰੇ ਨੇ ਆਮ ਲੋਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਇਸ ਰਸਤੇ ਤੇ ਜਾਣ ਵਾਲੇ ਰਾਹਗੀਰ 2 ਦਿਨਾਂ (12 ਅਤੇ 13 ਅਕਤੂਬਰ) ਲਈ ਕਿਸੇ ਹੋਰ ਬਦਲਵੇਂ ਰਸਤੇ ਰਾਹੀਂ ਆਪਣਾ ਸਫ਼ਰ ਕਰਨ ਤਾਂ ਜੋ ਕਿਸੇ ਅਣਸੁਖਾਵੀਂ ਘਟਨਾ ਤੋਂ ਬਚਿਆ ਜਾ ਸਕੇ।