ਭਾਜਪਾ ਨੇ ਧਰਨਾ ਤੇ ਪੁਤਲਾ ਸਾੜ ਸਰਕਾਰ ਵਿਰੁੱਧ ਕੀਤਾ ਪ੍ਰਦਰਸ਼ਨ

ਬਠਿੰਡਾ, 11 ਜਨਵਰੀ:ਅੱਜ ਪੂਰੇ ਪੰਜਾਬ ਵਿਚ ਪੰਜਾਬ ਦੀ ਆਮ ਆਦਮੀ ਪਾਰਟੀ ਸਰਕਾਰ ਖਿਲਾਫ ਬਠਿੰਡਾ ਵਿਖੇ ਭਾਰਤੀ ਜਨਤਾ ਪਾਰਟੀ ਜਿਲਾ ਬਠਿੰਡਾ ਸ਼ਹਿਰੀ ਵੱਲੋਂ ਜਿਲ੍ਹਾ ਪ੍ਰਧਾਨ ਸ੍ਰੀ ਸਰੂਪ ਸਿੰਗਲਾ ਦੀ ਅਗਵਾਈ ਹੇਠ  ਧਰਨਾ ਅਤੇ ਪੁਤਲਾ ਸਾੜ ਪ੍ਰਦਰਸ਼ਨ  ਕੀਤਾ ਗਿਆ। ਇਸ ਪ੍ਰਦਰਸ਼ਨ ਦੀ ਅਗਵਾਈ ਕਰਦੇ ਹੋਏ ਜਿਲ੍ਹਾ ਪ੍ਰਧਾਨ ਸ੍ਰੀ ਸਰੂਪ ਸਿੰਗਲਾ ਕਿਹਾ ਕਿ ਇਸ ਭ੍ਰਿਸ਼ਟ, ਨਿਕੱਮੀ ਅਤੇ ਫੇਲ੍ਹ ਸਰਕਾਰ ਦੇ ਖ਼ਿਲਾਫ਼ ਸਮੁੱਚੇ  ਪ੍ਰਸ਼ਾਸਨਿਕ ਅਧਿਕਾਰੀਆਂ (ਆਈ.ਏ.ਐਸ, ਪੀ.ਸੀ.ਐਸ ਅਧਿਕਾਰੀ ਅਤੇ ਸਟਾਫ਼ ) ਦੇ ਹੜਤਾਲ ਤੇ ਜਾਣ ਕਾਰਨ ਆਮ ਲੋਕਾਂ ਦੇ ਕੰਮ ਕਾਜ ਰੁਕ ਗਏ ਹਨ। ਪੰਜਾਬ ਦੇ ਅੱਜ ਤੱਕ ਦੇ ਇਤਿਹਾਸ ਵਿਚ ਇਹ ਪਹਿਲੀ ਸਰਕਾਰ ਹੈ ਜਿਸ ਦੇ ਕਾਰਜਕਾਲ ਵਿੱਚ ਪੰਜਾਬ ਦੇ ਤਮਾਮ ਆਈ.ਏ.ਐਸ, ਪੀ.ਸੀ.ਐਸ ਅਧਿਕਾਰੀ ਅਤੇ ਸਟਾਫ਼ ਪੰਜਾਬ ਸਰਕਾਰ ਦੇ ਖਿਲਾਫ ਸਮੂਹਿਕ ਛੁੱਟੀ ਤੇ ਚਲੇ ਗਏ ਹਨ। ਜਿਸ ਦਾ ਖਮਿਆਜਾ ਆਮ ਜਨਤਾ ਨੂੰ ਭੁਗਤਨਾ ਪੈ ਰਿਹਾ ਹੈ ਅਤੇ ਲੋਗ ਆਪਣੇ ਕੰਮਾਂ ਲਈ ਭਟਕ ਰਹੇ ਹਨ। ਇਸ ਪ੍ਰਦਰਸ਼ਨ ਵਿਚ ਪੰਜਾਬ ਭਾਜਪਾ ਤੋਂ ਸਟੇਟ ਉਪ ਪ੍ਰਧਾਨ ਦਿਆਲ ਸੋਢੀ , ਸਟੇਟ ਪ੍ਰੈਸ ਸਕੱਤਰ ਸੁਨੀਲ ਸਿੰਗਲਾ , ਸੀਨੀਅਰ ਆਗੂ ਮੋਹਨ ਲਾਲ ਗਰਗ, ਸਾਬਕਾ ਜਿਲਾ ਪ੍ਰਧਾਨ ਵਿਨੋਦ ਬਿੰਟਾ,ਨਰਿੰਦਰ ਮਿੱਤਲ, ਗੁਲਸ਼ਨ ਵਧਵਾ, ਕੁਲਵੰਤ ਪੂਹਲਾ, ਅਸ਼ੋਕ ਬਾਲਿਆਂਵਾਲੀ,ਉਮੇਸ਼ ਸ਼ਰਮਾ, ਰਾਜੇਸ਼ ਨੋਨੀ,ਨਰੇਸ਼ ਮਹਿਤਾ,ਜਯੰਤ ਸ਼ਰਮਾ, ਵਰਿੰਦਰ ਸ਼ਰਮਾ, ਆਸ਼ੂਤੋਸ਼ ਤਿਵਾੜੀ, ਸੰਜੀਵ ਕੁਮਾਰ, ਰਾਕੇਸ਼ ਕੁਮਾਰ, ਸੰਦੀਪ ਅੱਗਰਵਾਲ, ਗੁਰਜਿੰਦਰ ਮਾਨ, ਪੁਸ਼ਪ ਗਰਗ, ਵਿਕਰਮ ਗਰਗ ਬਠਿੰਡਾ ਅਧੀਨ ਆਉਂਦੇ ਮੰਡਲਾਂ ਅਤੇ ਮਹਿਲਾ ਵਿੰਗ ਤੋਂ ਵੱਡੀ ਗਿਣਤੀ ਵਿੱਚ ਅਹੌਦੇਦਾਰ, ਵਰਕਰਾਂ ਨੇ ਸ਼ਮੂਲੀਅਤ ਕੀਤੀ।