ਬਠਿੰਡਾ, 27 ਅਕਤੂਬਰ : ਕਾਂਗਰਸ ਪਾਰਟੀ ਲਈ ਪਿਛਲੇ ਲੰਮੇ ਸਮੇਂ ਤੋਂ ਕੰਮ ਕਰ ਰਹੇ ਲਾਈਨੋਪਾਰ ਦੇ ਦਲਿਤ ਆਗੂ ਵਿਪਨ ਕੁਮਾਰ ਮਿੱਤੂ ਨੂੰ ਬਠਿੰਡਾ ਬਲਾਕ 2 ਦਾ ਐਕਟਿੰਗ ਪ੍ਰਧਾਨ ਲਗਾਇਆ ਗਿਆ ਹੈ। ਇਸ ਸਬੰਧ ਵਿਚ ਨਵਨਿਯੁਕਤ ਐਕਟਿੰਗ ਪ੍ਰਧਾਨ ਪੰਜਾਬ ਕਾਂਗਰਸ ਦੇ ਦਫ਼ਤਰ ਇੰਚਾਰਜ਼ ਕੈਪਟਨ ਸੰਦੀਪ ਸੰਧੂ ਅਤੇ ਜ਼ਿਲ੍ਹਾ ਪ੍ਰਧਾਨ ਸ਼ਹਿਰੀ ਰਾਜਨ ਗਰਗ ਵਲੋਂ ਨਿਯੁਕਤੀ ਪੱਤਰ ਦਿੱਤਾ ਗਿਆ।
ਸ਼੍ਰੀ ਮਿੱਤੂ ਦੀ ਪਤਨੀ ਪੁਸਪਾ ਰਾਣੀ ਇਲਾਕੇ ਦੇ ਕੌਂਸਲਰ ਹਨ। ਸੂਚਨਾ ਮੁਤਾਬਕ ਪਾਰਟੀ ਨੇ ਇਹ ਫੈਸਲਾ ਮੌਜੂਦਾ ਬਲਾਕ ਪ੍ਰਧਾਨ ਹਰਵਿੰਦਰ ਸਿੰਘ ਲੱਡੂ ਦੀ ਸਹਿਮਤੀ ਨਾਲ ਲਿਆ ਹੈ। ਇਸ ਮੌਕੇ ਸੀਨੀਅਰ ਮੀਤ ਪ੍ਰਧਾਨ ਬਲਜਿੰਦਰ ਸਿੰਘ ਠੇਕੇਦਾਰ, ਬਲਾਕ ਪ੍ਰਧਾਨ ਬਲਰਾਜ ਸਿੰਘ ਪੱਕਾ ਤੇ ਹਰਵਿੰਦਰ ਸਿੰਘ ਲੱਡੂ ਆਦਿ ਵੀ ਮੌਜੂਦ ਰਹੇ।
