ਬਠਿੰਡਾ, 28 ਮਾਰਚ: ਪੰਜਾਬ ਰਾਜ ਰੈੱਡ ਕਰਾਸ ਚੰਡੀਗੜ੍ਹ ਦੀਆਂ ਹਦਾਇਤਾਂ ਤਹਿਤ ਸ੍ਰੀਮਤੀ ਮੋਨਿਕਾ ਕਪੂਰ (ਵਾਈ.ਆਰ.ਸੀ. ਕਾਉਂਸਲਰ) ਅਤੇ ਐਸ.ਐਸ.ਡੀ ਗਰਲਜ਼ ਕਾਲਜ ਦੇ ਸੱਤ ਵਾਈ.ਆਰ.ਸੀ ਵਲੰਟੀਅਰਾਂ ਨੇ ਐਸ.ਡੀ. ਵਿੱਚ ਰਾਜ ਪੱਧਰੀ ਯੂਥ ਰੈੱਡ ਕਰਾਸ ਸਟੱਡੀ-ਕਮ-ਸਿਖਲਾਈ ਕੈਂਪ ਵਿੱਚ ਭਾਗ ਲਿਆ। ਸਰਵਹਿਤਕਾਰੀ ਵਿਦਿਆ ਮੰਦਰ ਤਲਵਾੜਾ ਜਿਲਾ. ਹੁਸ਼ਿਆਰਪੁਰ ਵਿੱਚ ਪੰਜਾਬ ਖੇਤਰ ਦੇ ਵੱਖ-ਵੱਖ ਖੇਤਰਾਂ ਤੋਂ ਕੁੱਲ 140 ਵਲੰਟੀਅਰਾਂ ਅਤੇ 27 ਕੌਂਸਲਰਾਂ ਨੇ ਭਾਗ ਲਿਆ। ਇਸ ਕੈਂਪ ਵਿੱਚ ਰੈੱਡ ਕਰਾਸ ਦਾ ਇਤਿਹਾਸ ਅਤੇ ਸਮਾਜ ਲਈ ਇਸ ਦੀ ਮਹੱਤਤਾ, ਖੂਨਦਾਨ, ਤੰਦਰੁਸਤ ਮਨ, ਤੰਦਰੁਸਤ ਭਾਰਤ ਬਾਰੇ ਜਾਣਕਾਰੀ ਦਿੱਤੀ ਗਈ।
ਬਠਿੰਡਾ ਦੇ ਕੈਮਿਸਟ ਦੀ ਧੀ ਬਣੀ ਜੱਜ, ਵਧਾਈਆਂ ਦੇਣ ਵਾਲਿਆਂ ਦਾ ਲੱਗਿਆ ਤਾਂਤਾ
ਵਲੰਟੀਅਰਾਂ ਨੇ ਪੋਸਟਰ ਮੇਕਿੰਗ, ਕਵਿਤਾ ਪਾਠ, ਲਿਖਤੀ ਕੁਇਜ਼, ਸੋਲੋ ਲੋਕ ਗੀਤ, ਸਮੂਹ ਗੀਤ ਅਤੇ ਗਰੁੱਪ ਡਾਂਸ ਵਰਗੇ ਛੇ ਮੁਕਾਬਲਿਆਂ ਵਿੱਚ ਭਾਗ ਲਿਆ । ਕਾਲਜ ਦੀ ਵਾਈ.ਆਰ.ਸੀ. ਟੀਮ ਨੇ ਗਰੁੱਪ ਡਾਂਸ ਵਿੱਚ ਤੀਜਾ ਸਥਾਨ ਹਾਸਿਲ ਕੀਤਾ। ਇਸ ਤੋਂ ਇਲਾਵਾ ਕੈਂਪ ਪ੍ਰਬੰਧਕਾਂ ਅਧੀਨ ਵਲੰਟੀਅਰਾਂ ਲਈ ਪੌਂਗ ਡੈਮ (ਤਲਵਾੜਾ) ਦੇ ਦੌਰੇ ਦਾ ਵੀ ਪ੍ਰਬੰਧ ਕੀਤਾ ਗਿਆ। ਇਸ ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਸ਼ਿਵਦੁਲਾਰ ਸਿੰਘ ਢਿੱਲੋਂ ਸਕੱਤਰ ਪੰਜਾਬ ਰੈੱਡ ਕਰਾਸ ਨੇ ਜੇਤੂਆਂ ਨੂੰ ਇਨਾਮ ਵੰਡੇ। ਕਾਲਜ ਕਮੇਟੀ ਦੇ ਪ੍ਰਧਾਨ ਸੰਜੇ ਗੋਇਲ, ਸਕੱਤਰ ਵਿਕਾਸ ਗਰਗ ਅਤੇ ਪ੍ਰਿੰਸੀਪਲ ਡਾ: ਨੀਰੂ ਗਰਗ ਨੇ ਵਾਈਆਰਸੀ ਕੌਂਸਲਰਾਂ ਅਤੇ ਵਲੰਟੀਅਰਾਂ ਨੂੰ ਵਧਾਈ ਦਿੱਤੀ।
