ਬਠਿੰਡਾ, 28 ਮਾਰਚ: ਆਗਾਮੀ ਲੋਕ ਸਭਾ ਚੋਣਾਂ ਦੇ ਮੱਦੇਨਜ਼ਰ ਜਿੱਥੇ ਚੋਟੀ ਦੇ ਲੀਡਰਾਂ ਦੀਆਂ ਦਲ-ਬਦਲੀਆਂ ਦਾ ਦੌਰ ਪੂਰੇ ਜੋਰਾਂ-ਸੋਰਾਂ ਨਾਲ ਚੱਲ ਰਿਹਾ ਹੈ, ਉਥੇ ਬੀਤੇ ਕੱਲ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵੱਲੋਂ ਅਕਾਲੀ ਦਲ ਵਿਚ ਸ਼ਾਮਲ ਕਰਵਾਏ ਆਪ ਆਗੂਆਂ ਤੇ ਵਲੰਟੀਅਰਾਂ ਵਿਚੋਂ ਇੱਕ ਮਹਿਲਾ ਆਗੂ ਨੇ ਸ਼ਾਮ ਨੂੰ ਹੀ ਘਰ ਵਾਪਸੀ ਕਰ ਲਈ ਹੈ। ਇਸ ਸਿਆਸੀ ਘਟਨਾ ਦੀ ਇਲਾਕੇ ਵਿਚ ਕਾਫ਼ੀ ਚਰਚਾ ਚੱਲ ਰਹੀ ਹੈ। ਸੂਚਨਾ ਮੁਤਾਬਕ ਬਠਿੰਡਾ ਸ਼ਹਿਰੀ ਹਲਕੇ ਨਾਲ ਸਬੰਧਤ ਕੁੱਝ ਆਗੂ ਆਗੂਆਂ ਤੇ ਵਲੰਟੀਅਰਾਂ ਦੀ ਬਠਿੰਡਾ ਸ਼ਹਿਰੀ ਜਥੇਬੰਦੀ ਵੱਲੋਂ ਸ਼੍ਰੋਮਣੀ ਅਕਾਲੀ ਦਲ ਵਿਚ ਸਮੂਲੀਅਤ ਕਰਵਾਈ ਗਈ ਸੀ।ਇੰਨ੍ਹਾਂ ਆਗੂਆਂ ਨੂੰ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵੱਲੋਂ ਪਾਰਟੀ ਦੇ ਝੰਡੇ ਵਾਲੇ ਸਿਰੋਪੇ ਦੇ ਕੇ ਜੀ ਆਇਆ ਕਿਹਾ ਸੀ।
ਧਨੀ ਚੰਦ ਨਾਂ ਦਾ ਪਟਵਾਰੀ 500 ਰੁਪਏ ਲੈਂਦਾ ਵਿਜੀਲੈਂਸ ਨੇ ਫ਼ੜਿਆ
ਇਸ ਦੌਰਾਨ ਇੰਨ੍ਹਾਂ ਵਿਚ ਸ਼ਾਮਲ ਹੋਈ ਆਪ ਮਹਿਲਾ ਮੋਰਚੇ ਦੀ ਉਪ ਚੇਅਰਮੈਨ ਕਹੀ ਜਾ ਰਹੀ ਰਜਿੰਦਰ ਕੌਰ ਨੇ ਮੁੜ ਸ਼ਾਮ ਨੂੰ ਆਪ ਵਿਚ ਘਰ ਵਾਪਸੀ ਕਰ ਲਈ। ਆਪ ਆਗੂ ਨੂੰ ਘਰ ਵਾਪਸ ਲਿਆਉਣ ਵਿਚ ਜ਼ਿਲ੍ਹਾ ਮਹਿਲਾ ਮੋਰਚੇ ਦੀ ਸਾਬਕਾ ਪ੍ਰਧਾਨ ਸਤਵੀਰ ਕੌਰ ਵੱਲੋਂ ਵੱਡੀ ਭੂਮਿਕਾ ਨਿਭਾਈ ਗਈ। ਸਤਵੀਰ ਕੌਰ ਨੇ ਇਸਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ‘‘ ਬੀਬੀ ਰਜਿੰਦਰ ਕੌਰ ਸ਼ੁਰੂ ਤੋਂ ਪਾਰਟੀ ਨਾਲ ਜੁੜੇ ਹੋੲੈ ਹਨ ਤੇ ਉਨ੍ਹਾਂ ਪਾਰਟੀ ਨੂੰ ਚੜ੍ਹਦੀ ਕਲਾਂ ਵਿਚ ਲਿਜਾਣ ਲਈ ਵੱਡਾ ਯੋਗਦਾਨ ਪਾਇਆ ਹੈ ਪ੍ਰੰਤੂ ਕੁੱਝ ਗਲਤਫ਼ਹਿਮੀਆਂ ਤੇ ਮਨਮੁਟਾਵ ਕਾਰਨ ਉਨ੍ਹਾਂ ਪਾਰਟੀ ਛੱਡਣ ਦਾ ਫੈਸਲਾ ਲੈ ਲਿਆ ਸੀ, ਜਿਸਨੂੰ ਦਰੁਸਤ ਕਰ ਲਿਆ ਗਿਆ ਹੈ। ’’
Share the post "ਸੁਖਬੀਰ ਬਾਦਲ ਵੱਲੋਂ ਸਵੇਰੇ ਸ਼ਾਮਲ ਕਰਵਾਈ ਆਪ ਦੀ ਮਹਿਲਾ ਆਗੂ ਨੇ ਸ਼ਾਮ ਨੂੰ ਕੀਤੀ ਘਰ ਵਾਪਸੀ"
