ਕਿਹਾ, ਇਸ ਵਾਰ ਵੋਟਰਾਂ ਬਾਦਲਾਂ ਦੇ ਘੁਮੰਡ ਦੇ ਨਾਲ-ਨਾਲ ਝਾੜੂ ਦਾ ਵੀ ਤੀਲਾ-ਤੀਲਾ ਕਰ ਦੇਣਗੇ
ਲੰਬੀ, 13 ਮਈ: ਬਠਿੰਡਾ ਲੋਕ ਸਭਾ ਹਲਕੇ ਵਿਚ ਕਾਂਗਰਸੀ ਉਮੀਦਵਾਰ ਜੀਤਮਹਿੰਦਰ ਸਿੰਘ ਵੱਲੋਂ ਸੋਮਵਾਰ ਨੂੰ ਲੰਬੀ ਵਿਧਾਨ ਸਭਾ ਹਲਕੇ ਦੇ ਇੱਕ ਦਰਜ਼ਨ ਪਿੰਡਾਂ ਦਾ ਤੁਫ਼ਾਨੀ ਚੋਣ ਦੌਰਾ ਕਰਦਿਆਂ ਐਲਾਨ ਕੀਤਾ ਕਿ ਇਸ ਵਾਰ ਹਲਕੇ ਦੇ ਵੋਟਰ ਬਾਦਲਾਂ ਦੇ ਘੁਮੰਡ ਦੇ ਨਾਲ ਝਾੜੂ ਦਾ ਵੀ ਤੀਲਾ-ਤੀਲਾ ਕਰ ਦੇਣਗੇ। ਲੰਬੀ ਦੇ ਪਿੰਡਾਂ ਛਾਪਿਆਵਲੀ, ਕੋਲਿਆਵਾਲੀ, ਬਲੋਚਖੇੜਾ, ਮਾਹਣੀ ਖੇੜਾ, ਡੱਬਵਾਲੀ ਢਾਬ, ਗੁਰੂਸਰ ਜੋਧਾ, ਪੱਕੀ ਟਿੱਬੀ, ਕੱਟਿਆਵਾਲੀ, ਸਰਾਵਾਂ ਬੋਦਲਾ, ਰਾਣੀਆਲਾ, ਪੰਨੀਆਲਾ, ਆਲਮਵਾਲਾ, ਭਗਵਾਨਪੁਰਾ, ਮਾਹੂਆਣਾ, ਲੰਬੀ ਤੇ ਖਿਊਵਾਲੀ ਆਦਿ ਪਿੰਡਾਂ ’ਚ ਚੋਣ ਮੁਹਿੰਮ ਭਖਾਉਂਦਿਆਂ ਵੋਟਰਾਂ ਨੂੰ ਸੰਬੋਧਨ ਕੀਤਾ। ਇਸ ਦੌਰਾਨ ਲੰਬੀ ਹਲਕੇ ਦੇ ਵੋਟਰਾਂ ਨੇ ਵੀ ਕਾਂਗਰਸ ਪਾਰਟੀ ਨਾਲ ਡਟ ਕੇ ਖ਼ੜਣ ਦਾ ਭਰੋਸਾ ਦਿਵਾਉਂਦਿਆਂ ਜੀਤਮਹਿੰਦਰ ਸਿੰਘ ਸਿੱਧੂ ਦਾ ਥਾਂ-ਥਾਂ ਭਰਵਾਂ ਸਵਾਗਤ ਕੀਤਾ। ਅਪਣੇ ਭਾਸ਼ਣ ਵਿਚ ਕਾਂਗਰਸੀ ਉਮੀਦਵਾਰ ਸ: ਸਿੱਧੂ ਨੇ ਦੋਸ਼ ਲਗਾਇਆ ਕਿ ‘‘ ਲੋਕਤੰਤਰੀ ਪ੍ਰਣਾਲੀ ਵਿਚ ਅੱਜ ਵੀ ਬਾਦਲ ਪ੍ਰਵਾਰ ਲੰਬੀ ਹਲਕੇ ਨੂੰ ਅਪਣੀ ਜੰਗੀਰ ਸਮਝ ਰਿਹਾ।
ਸ਼ਕਤੀ ਪ੍ਰਦਰਸ਼ਨ ਤੋਂ ਬਾਅਦ ਭਾਜਪਾ ਉਮੀਦਵਾਰ ਨੇ ਦਾਖਲ ਕੀਤੇ ਕਾਗਜ
’’ ਉਨ੍ਹਾਂ ਕਿਹਾ ਕਿ ਅਪਣੇ ਨਿੱਜੀ ਵਿਕਾਸ ਨੂੰ ਇਹ ਪ੍ਰਵਾਰ ਪੂਰੇ ਬਠਿੰਡੇ ਦਾ ਵਿਕਾਸ ਦੱਸ ਰਿਹਾ। ਝਾੜੂ ਪਾਰਟੀ ’ਤੇ ਤਿੱਖੇ ਨਿਸ਼ਾਨੇ ਵਿੰਨਦਿਆਂ ਜੀਤਮਹਿੰਦਰ ਸਿੰਘ ਸਿੱਧੂ ਨੇ ਕਿਹਾ ਕਿ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਚੁਟਕੀ ਵਿਚ ਕਿਸਾਨਾਂ ਨੂੰ ਸਾਰੀਆਂ ਫ਼ਸਲਾਂ ‘ਤੇ ਐਮ.ਐਸ.ਪੀ ਦੇਣ ਅਤੇ ਤਿੰਨ ਮਹੀਨਿਆਂ ‘ਚ ਨਸ਼ਾ ਬੰਦ ਕਰਨ ਵਾਲੀ ਇਹ ਪਾਰਟੀ ਸਭ ਤੋਂ ਮਾੜੀ ਨਿਕਲੀ ਹੈ, ਜਿੰਨ੍ਹਾਂ ਵੋਟਰਾਂ ਨੂੰ ਬਦਲਾਅ ਦੇ ਨਾਅਰੇ ਹੇਠ ਠੱਗ ਲਿਆ। ਇਸ ਦੌਰਾਨ ਇਸ ਹਲਕੇ ਦੇਵੱਖ ਵੱਖ ਪਿੰਡਾਂ ਨਾਲ ਸਬੰਧਤ ਦਰਜ਼ਨਾਂ ਵਰਕਰਾਂ ਵੱਲੋਂ ਕਾਂਗਰਸ ਪਾਰਟੀ ਵਿਚ ਸਮੂਲੀਅਤ ਕੀਤੀ ਗਈ। ਹਲਕੇ ਦੇ ਵੱਡੇ ਪਿੰਡ ਕਿੱਲਿਆਵਾਲੀ ਵਿਖੇ ਇੱਕ ਸਮਾਗਮ ਦੌਰਾਨ ਕਾਂਗਰਸੀ ਉਮੀਦਵਾਰ ਜੀਤਮਹਿੰਦਰ ਸਿੰਘ ਸਿੱਧੂ ਵੱਲੋਂ ਇੰਨ੍ਹਾਂ ਵਰਕਰਾਂ ਨੂੰ ਜੀ ਆਇਆ ਕਹਿੰਦਿਆਂ ਪਾਰਟੀ ਦਾ ਚਿੰਨ ਭੇਂਟ ਕਰਦਿਆਂ ਸਵਾਗਤ ਕੀਤਾ। ਇਸ ਮੌਕੇ ਉਨ੍ਹਾਂ ਨਾਲ ਸੀਨੀਅਰ ਕਾਂਗਰਸੀ ਆਗੂ ਜਗਪਾਲ ਸਿੰਘ ਅਬੁਲਖੁਰਾਣਾ, ਫ਼ਤਿਹ ਸਿੰਘ ਬਾਦਲ ਤੇ ਹੋਰ ਆਗੂ ਹਾਜ਼ਰ ਰਹੇ।
Share the post "ਕਾਂਗਰਸੀ ਉਮੀਦਵਾਰ ਜੀਤਮਹਿੰਦਰ ਸਿੱਧੂ ਨੇ ਲੰਬੀ ਹਲਕੇ ’ਚ ਤੁਫ਼ਾਨੀ ਚੋਣ ਦੌਰਾ"