ਬਠਿੰਡਾ ਪੁਲਿਸ ਨੇ ਸੰਜੇ ਨਗਰ ਵਿਚ ਗੁੰਡਾਗਰਦੀ ਕਰਨ ਵਾਲੇ ਹੁੱਲੜਬਾਜਾਂ ਨੂੰ ਕੀਤਾ ਗ੍ਰਿਫਤਾਰ

ਬਠਿੰਡਾ 5 ਜੁਲਾਈ : ਲੰਘੀ 30 ਜੂਨ ਸਥਾਨਕ ਸ਼ਹਿਰ ਦੇ ਸੰਜੇ ਨਗਰ ਵਿਚ ਰਾਤ ਸਮੇਂ ਤੇਜਧਾਰ ਹਥਿਆਰਾਂ ਨਾਲ ਲੈਸ ਹੋ ਕੇ ਹੁੱਲੜਬਾਜ਼ੀ ਕਰਨ ਵਾਲੇ ਨੌਜਵਾਨਾਂ ਨੂੰ ਬਠਿੰਡਾ ਪੁਲਿਸ ਨੇ ਕਾਬੂ ਕਰ ਲਿਆ ਹੈ। ਇਸ ਸਬੰਧ ਵਿਚ 01.07.2024 ਨੂੰ ਥਾਣਾ ਕੈਨਾਲ ਕਲੋਨੀ ਵਿਖੇ ਇੰਨ੍ਹਾਂ ਵਿਰੁਧ ਅ/ਧ 109,118(1), 1152), 1913), 130,351 ਬੀਐਨਐਸ ਐਕਟ ਤਹਿਤ ਕੇਸ ਦਰਜ਼ ਕੀਤਾ ਗਿਆ ਸੀ। ਇਸ ਘਟਨਾ ਦੀ ਵਾਈਰਲ ਹੋਈ ਵੀਡੀਓ ਦੇ ਆਧਾਰ ’ਤੇ ਕਥਿਤ ਦੋਸ਼ੀਆਂ ਵਜੋਂ ਰੋਹਿਤ ਉਰਫ ਸਿੰਗੀ, ਫੈਂਸੀ, ਜਸਪ੍ਰੀਤ ਸਿੰਘ ਉਰਫ ਗੰਜਾ, ਵਿਸ਼ਾਲ, ਮਨਦੀਪ ਸਿੰਘ, ਗੁੱਲੀ ਵਾਸੀਆਨ ਬਠਿੰਡਾ ਦੀ ਸਿਨਾਖ਼ਤ ਕੀਤੀ ਗਈ ਸੀ।

ਬਠਿੰਡਾ ਪੁਲਿਸ ਵੱਲੋਂ ਤਿੰਨ ਪਿਸਤੌਲਾਂ ਤੇ ਇੱਕ ਦੇਸੀ ਕੱਟੇ ਸਹਿਤ ਇੱਕ ਕਾਬੂ

ਐਸ.ਪੀ ਸਿਟੀ ਨਰਿੰਦਰ ਸਿੰਘ ਨੇ ਦਸਿਆ ਕਥਿਤ ਦੋਸ਼ੀਆਂ ਨੇ ਕਿਰਪਾਨਾਂ ਅਤੇ ਮਾਰੂ ਹਥਿਆਰਾਂ ਲੈਸ ਹੋ ਕੇ ਹੁੱਲੜਬਾਜੀ ਕਰਦਿਆਂ ਬੂਟਾ ਸਿੰਘ ਪੁੱਤਰ ਮੰਦਰ ਸਿੰਘ ਵਾਸੀ ਗਲੀ ਨੰਬਰ 20 ਸੰਜੇ ਨਗਰ ਦੀ ਕੁੱਟਮਾਰ ਵੀ ਕੀਤੀ ਸੀ। ਜੋ ਇਲਾਜ ਲਈ ਹਸਪਤਾਲ ਵਿਚ ਦਾਖਲ ਹੈ। ਉਨ੍ਹਾਂ ਦਸਿਆ ਕਿ ਇਸ ਕੇਸ ਵਿਚ ਜਸਪ੍ਰੀਤ ਸਿੰਘ ਉਰਫ ਗੰਜਾ, ਵਿਨੇ ਕੁਮਾਰ ਉਰਫ ਰੋਹਿਤ ਉਰਫ ਫੈਂਸੀ, ਵਿਸ਼ਾਲ ਸਿੰਘ ਉਰਫ਼ ਸੂਟਰ, ਪ੍ਰਿੰਸ ਉਰਫ਼ ਮੋਟਾ ਅਤੇ ਅਭਿਸੇਕ ਉਰਫ ਕਾਕਾ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।