ਵਿਧਾਇਕ ਕੁੰਵਰ ਵਿਜੇਪ੍ਰਤਾਪ ਸਿੰਘ ਨੇ ਕੀਤੀ ਇਨਸਾਫ਼ ਦੀ ਮੰਗ
ਚੰਡੀਗੜ੍ਹ, 4 ਸਤੰਬਰ: ਸ਼੍ਰੀ ਗੁਰੂ ਗਰੰਥ ਸਾਹਿਬ ਦੇ ਪਹਿਲੇ ਪ੍ਰਕਾਸ਼ ਪੂਰਬ ਮੌਕੇ ਅੱਜ ਪੰਜਾਬ ਵਿਧਾਨ ਸਭਾ ਵਿਚ ਸ਼੍ਰੀ ਗੁਰੂ ਗਰੰਥ ਸਾਹਿਬ ਦੀ ਬੇਅਦਬੀ ਦਾ ਮੁੱਦਾ ਮੁੜ ਗੂੰਜਿਆ। ਅੰਮ੍ਰਿਤਸਰ ਉੱਤਰੀ ਤੋਂ ਵਿਧਾਇਕ ਕੁੰਵਰ ਵਿਜੇਪ੍ਰਤਾਪ ਸਿੰਘ ਨੇ ਇਸ ਮੁੱਦੇ ਨੂੰ ਜੋਰ-ਸ਼ੋਰ ਢੰਗ ਨਾਲ ਚੁੱਕਦਿਆਂ ਕਿਹਾ ਕਿ ‘ਬੇਸ਼ੱਕ ਦੁਨਿਆਵੀਂ ਅਦਾਲਤਾਂ ਵਿਚ ਮੁਜਰਮ ਬਰੀ ਹੋਣ ਜਾਣ ਪ੍ਰੰਤੂ ਉਪਰਲੀ ਅਦਾਲਤ ਵਿਚ ਉਨ੍ਹਾਂ ਦਾ ਬਰੀ ਹੋਣਾ ਨਾ ਮੁਮਕਿਨ ਹੈ। ’ ਉਨ੍ਹਾਂ ਬੇਅਦਬੀ ਕਾਂਡ ਦੇ ਮਾਮਲੇ ਵਿਚ ਹੁਣ ਤੱਕ ਇਨਸਾਫ਼ ਨਾ ਕਰਨ ਵਾਲਿਆਂ ਦੇ ਹੋਏ ਸਿਆਸੀ ਹਾਲ ਦਾ ਅਸਿੱਧੇ ਢੰਗ ਨਾਲ ਜਿਕਰ ਕਰਦਿਆਂ ਕਿਹਾ ਕਿ ਇਸਤੋਂ ਸੇਧ ਲੈਣ ਦੀ ਲੋੜ ਹੈ।
ਹਰਿਆਣਾ ’ਚ ਮੁੜ Cong ਤੇ AAP ਦੇ ਇਕੱਠੇ ਹੋਣ ਦੀ ਉਮੀਦ ਬੱਝੀ,ਅੱਜ ਭਲਕ ਹੋ ਸਕਦਾ ਹੈ ਗਠਜੋੜ
ਵਿਧਾਇਕ ਕੁੰਵਰ ਵਿਜੇਪ੍ਰਤਾਪ ਸਿੰਘ ਨੇ ਦਸਿਆ ਕਿ 24 ਸਤੰਬਰ 2015 ਨੂੰ ਇੱਕ ਡੇਰਾ ਮੁਖੀ ਨੂੰ ਮੁਆਫ਼ੀ ਦੇ ਦਿੱਤੀ ਗਈ ਤੇ ਉਸਤੋਂ ਇੱਕ ਦਿਨ ਬਾਅਦ ਉਸ ਡੇਰੇ ਨਾਲ ਸਬੰਧਤ ਫ਼ਿਲਮ ਚਲਾ ਦਿੱਤੀ ਗਈ।ਪੁਲਿਸ ਅਫ਼ਸਰ ਤੋਂ ਸਿਆਸਤ ਵਿਚ ਆਏ ਕੁੰਵਰ ਪ੍ਰਤਾਪ ਸਿੰਘ ਨੇ ਆਪਣੇ ਵੱਲੋਂ ਪੜਤਾਲ ਕੀਤੀ ਬੇਅਬਦੀ ਕਾਂਡ ਦੀ ਰੀਪੋਰਟ ਨੂੰ ਸਦਨ ਵਿਚ ਰੱਖਣ ਦੀ ਵੀ ਮੰਗ ਕੀਤੀ ਤਾਂ ਕਿ ਇਸਦੇ ਉਪਰ ਪੈਰਾ-ਵਾਈਜ਼ ਚਰਚਾ ਹੋ ਸਕੇ। ਵਿਧਾਇਕ ਨੇ ਇਸ਼ਾਰਿਆਂ ਦੇ ਵਿਚ ਅਕਾਲੀ ਦਲ ਵਿਚ ਚੱਲ ਰਹੀ ਉਥਲ-ਪੁਥਲ ਦਾ ਜਿਕਰ ਕਰਦਿਆਂ ਪਿਛਲੇ ਦਿਨੀਂ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਤਨਖ਼ਾਹੀਆ ਦੇਣ ਦਾ ਮੁੱਦਾ ਵੀ ਚੁੱਕਿਆ ਤੇ ਜੋਰ ਦਿੱਤਾ ਕਿ ਅੱਜ ਜਰੂਰਤ ਇਸ ਮੁੱਦੇ ਨੂੰ ਗੰਭੀਰਤਾ ਨਾਲ ਲੈਣ ਦੀ ਹੈ ਕਿਉਂਕਿ ਅਜਿਹਾ ਨਾ ਕਰਨ ਵਾਲਿਆਂ ਦਾ ਹਾਲ ਪੂਰਾ ਪੰਜਾਬ ਦੇਖ ਚੁੱਕਾ ਹੈ।
Share the post "ਗੁਰੂ ਗਰੰਥ ਸਾਹਿਬ ਦੀ ਬੇਅਦਬੀ ਦਾ ਮੁੱਦਾ ਮੁੜ ਵਿਧਾਨ ਸਭਾ ਵਿਚ ਗੂੰਜਿਆ"