👉ਬਠਿੰਡਾ ਦੇ ਬੀੜ ਤਲਾਬ ਤੇ ਪਿੰਡ ਤੂੰਗਵਾਲੀ ਸਹਿਤ ਕਈ ਥਾਂ ਹੋਏ ਧਮਾਕੇ
Bathinda/Punjab News: ਪਿਛਲੇ ਤਿੰਨ ਦਿਨਾਂ ਤੋਂ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਚੱਲ ਰਹੇ ਜੰਗ ਵਰਗੇ ਹਾਲਾਤਾਂ ਦੌਰਾਨ ਬੀਤੀ ਰਾਤ ਵੀ ਪਾਕਿਸਤਾਨੀ ਫ਼ੌਜ ਵੱਲੋਂ ਬਠਿੰਡਾ ਸਹਿਤ ਪੰਜਾਬ ਦੇ ਵੱਖ ਵੱਖ ਥਾਵਾਂ ‘ਤੇ ਧਮਾਕੇ ਹੋਣ ਦੀਆਂ ਖ਼ਬਰਾਂ ਸਾਹਮਣੇ ਆਈਆਂ ਹਨ। ਹਾਲਾਂਕਿ ਇਸ ਗੱਲ ਦਾ ਹਾਲੇ ਤੱਕ ਪਤਾ ਨਹੀਂ ਚੱਲ ਸਕਿਆ ਕਿ ਇਹ ਧਮਾਕੇ ਕਿਸੇ ਮਿਜਾਇਲ ਜਾਂ ਡਰੋਨ ਹਮਲੇ ਕਾਰਨ ਹੋਏ ਹਨ ਜਾਂ ਕਿਸੇ ਹੋਰ ਕਾਰਨ ਕਰਕੇ।
ਇਹ ਵੀ ਪੜ੍ਹੋ ਪੰਜਾਬ ਸਰਕਾਰ ਵੱਲੋਂ ਕੰਟਰੋਲ ਰੂਮ ਸਥਾਪਤ
ਪ੍ਰੰਤੂ ਜੋ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ, ਉਸਦੇ ਮੁਤਾਬਕ ਭਾਰਤੀ ਹਵਾਈ ਫ਼ੌਜ ਵੱਲੋਂ ਆਪਣੇ ਏਅਰ ਡਿਫ਼ੈਂਸ ਯੂਏਐਸ 400 ਸਿਸਟਮ ਨਾਲ ਇੰਨ੍ਹਾਂ ਹਮਲਿਆਂ ਨੂੰ ਪੂਰੀ ਤਰ੍ਹਾਂ ਨਾਕਾਮ ਕਰ ਦਿੱਤਾ। ਬਠਿੰਡਾ ’ਚ ਰਾਤ ਕਰੀਬ ਪੌਣੇ 11 ਵਜੇਂ ਇੱਕ ਤੋਂ ਇੱਕ ਬਾਅਦ ਲਗਾਤਾਰ 5 ਧਮਾਕੇ ਸੁਣਾਈ ਦਿੱਤੇ। ਆਸਮਾਨ ਦੇ ਵਿਚ ਅੱਗ ਦੇ ਗੋਲਿਆ ਦੀ ਤਰ੍ਹਾਂ ਇਹ ਵਸਤੂਆਂ ਦਿਖ਼ਾਈ ਦਿੱਤੀਆਂ, ਜਿਸ ਕਾਰਨ ਪੂਰੇ ਬਠਿੰਡਾ ’ਚ ਬਲੈਕਆਊਟ ਕਰ ਦਿੱਤਾ ਤੇ ਲੋਕ ਜਾਗ ਪਏ। ਇਸ ਦੌਰਾਨ ਪ੍ਰਸ਼ਾਸਨ ਵੱਲੋਂ ਵੀ ਸੂਚਨਾ ਜਾਰੀ ਕੀਤੀ ਗਈ ਕਿ ਘਬਰਾਉਣ ਦੀ ਲੋੜ ਨਹੀਂ ਪ੍ਰੰਤੂ ਸੂਚੇਤ ਰਹਿਣ ਦੀ ਜਰੂਰਤ ਹੈ।
ਇਹ ਵੀ ਪੜ੍ਹੋ ਦੁਖਦਾਈ ਖ਼ਬਰ; ਬਠਿੰਡਾ ’ਚ ਪਤੀ ਨੇ ਪਤਨੀ ਦਾ ਕ.ਤ+ਲ ਕਰਨ ਤੋਂ ਬਾਅਦ ਕੀਤੀ ਆ.ਤਮ+ਹੱਤਿ.ਆ
ਸ਼ੁੱਕਰਵਾਰ ਸਵੇਰ ਸਮੇਂ ਪਤਾ ਚੱਲਿਆ ਕਿ ਬਠਿੰਡਾ ਸ਼ਹਿਰ ਵਿਚ ਪੈਂਦੀ ਬੀੜ ਤਲਾਬ ਬਸਤੀ ਨੰਬਰ 4 ਅਤੇ ਪਿੰਡ ਤੂੰਗਵਾਲੀ ਵਿਚ ਸ਼ੱਕੀ ਵਸਤੂਆਂ ਬਰਾਮਦ ਹੋਈਆਂ ਹਨ, ਜਿਸਦੀ ਫ਼ੌਜ ਅਤੇ ਪੁਲਿਸ ਵੱਲੋਂ ਮਿਲਕੇ ਜਾਂਚ ਕੀਤੀ ਜਾ ਰਹੀ ਹੈ। ਦਸਣਾ ਬਣਦਾ ਹੈ ਕਿ ਬਠਿੰਡਾ ਤੋਂ ਇਲਾਵਾ ਅੰਮ੍ਰਿਤਸਰ ਤੇ ਪਠਾਨਕੋਟ ਆਦਿ ਖੇਤਰਾਂ ਵਿਚ ਵੀ ਹਮਲਿਆਂ ਦੀ ਸੂਚਨਾ ਆਉਂਦੀ ਰਹੀ, ਜਿਸਤੋਂ ਬਾਅਦ ਲਗਭਗ ਪੂਰੇ ਪੰਜਾਬ ਦੇ ਵਿਚ ਬਲੈਕਆਊਟ ਕੀਤਾ ਗਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
