👉ਮੁਲਜਮ ਬਣਾਏ ਮ੍ਰਿਤਕ ਨੌਜਵਾਨ ਦੇ ਦੋਸਤ ਦੀ ਵੀਡੀਓ ਵਾਈਰਲ, ਕਿਹਾ ਸੀਆਈਏ ਸਟਾਫ਼ ’ਚ ਕਰੰਟ ਲਗਾ-ਲਗਾ ਕੇ ਮਾਰਿਆ
Bathinda News: ਬਠਿੰਡਾ ਦੇ ਵਿਚ ਇੱਕ ਨੌਜਵਾਨ ਦੀ ਕਥਿਤ ਤੌਰ ’ਤੇ ਪੁਲਿਸ ਹਿਰਾਸਤ ਵਿਚ ਮੌਤ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਹਾਲਾਂਕਿ ਪੁਲਿਸ ਇਸ ਦਾਅਵਿਆਂ ਨੂੰ ਪੂਰੀ ਤਰ੍ਹਾਂ ਨਕਾਰ ਰਹੀ ਹੈ ਪ੍ਰੰਤੂ ਮ੍ਰਿਤਕ ਨੌਜਵਾਨ ਦੇ ਪਿਤਾ ਦੇ ਬਿਆਨਾਂ ਉਪਰ ਥਾਣਾ ਕੈਨਾਲ ਕਲੌਨੀ ਦੀ ਪੁਲਿਸ ਨੇ ਬਠਿੰਡਾ ਦੇ ਸੀਆਈਏ-2 ਸਟਾਫ਼ ਦੇ ਇੱਕ ਥਾਣੇਦਾਰ ਸਹਿਤ ਤਿੰਨ ਜਣਿਆਂ ਵਿਰੁਧ ਪਰਚਾ ਦਰਜ਼ ਕਰ ਲਿਆ ਹੈ। ਡੀਐਸਪੀ ਸਿਟੀ ਹਰਬੰਸ ਸਿੰਘ ਧਾਲੀਵਾਲ ਵੱਲੋਂ ਜ਼ਿਲ੍ਹਾ ਪੁਲਿਸ ਦੇ ਸੋਸਲ ਮੀਡੀਆ ਉਪਰ ਇੱਕ ਵੀਡੀਓ ਪਾ ਕੇ ਨੌਜਵਾਨ ਨਰਿੰਦਰ ਸਿੰਘ ਉਰਫ਼ ਨੰਨੁੂ ਦੀ ਮੌਤ ਸਬੰਧੀ ਉਸਦੇ ਪਿਤਾ ਡਾ ਰਣਜੀਤ ਸਿੰਘ ਵਾਸੀ ਓਮਕੇਸ ਸਿਟੀ ਗੋਨਿਆਣਾ ਦੇ ਬਿਆਨਾਂ ਉਪਰ ਥਾਣਾ ਕੈਨਾਲ ਕਲੌਨੀ ਵਿਚ ਬੀਐਨਐਸ ਦੀ ਧਾਰਾ 105 ਤਹਿਤ ਗਗਨਦੀਪ ਸਿੰਘ, ਹੈਪੀ ਲੁੱਥਲਾ ਅਤੇ ਸੀਆਈਏ-2 ਸਟਾਫ਼ ਦੇ ਅਵਤਾਰ ਸਿੰਘ ਤਾਰੀ ਵਿਰੁਧ ਪਰਚਾ ਦਰਜ਼ ਕਰਨ ਦੀ ਪੁਸ਼ਟੀ ਕੀਤੀ ਹੈ।
ਇਹ ਵੀ ਪੜ੍ਹੋ ਬਠਿੰਡਾ ਦੀ ਜ਼ਿਲ੍ਹਾ ਪ੍ਰੀਸ਼ਦ ’ਚ ਜਾਅਲੀ ਆਰਡਰਾਂ ਦੇ ਨਾਲ ਨਿਯੁਕਤੀਆਂ ਦਾ ਮਾਮਲਾ ਮੁੜ ਭਖਿਆ!
ਥਾਣੇਦਾਰ ਤੋਂ ਇਲਾਵਾ ਮੁਲਜਮ ਬਣਾਏ ਬਾਕੀ ਦੋ ਨੌਜਵਾਨ ਮ੍ਰਿਤਕ ਦੇ ਦੋਸਤ ਦੱਸੇ ਜਾ ਰਹੇ ਹਨ, ਜਿੰਨ੍ਹਾਂ ਵਿਚੋਂ ਇੱਕ ਦੀ ਬੀਤੇ ਕੱਲ ਤੋਂ ਵੀਡੀਓ ਸੋਸਲ ਮੀਡੀਆ ’ਤੇ ਖੂਬ ਵਾਈਰਲ ਹੋ ਰਹੀ ਹੈ, ਜਿਸਦੇ ਵਿਚ ਉਹ ਆਪਣੇ ਦੋਸਤ ਦੀ ਮੌਤ ਲਈ ਸੀਆਈਏ-2 ਦੇ ਮੁਲਾਜਮਾਂ ਨੂੰ ਜਿੰਮੇਵਾਰ ਠਹਿਰਾ ਰਿਹਾ। ਇਸ ਵੀਡੀਓ(ਅਦਾਰਾ ਪੰਜਾਬੀ ਖ਼ਬਰਸਾਰ ਇਸ ਵੀਡੀਓ ਦੇ ਸਹੀ ਹੋਣ ਦੀ ਪੁਸ਼ਟੀ ਨਹੀਂ ਕਰਦਾ) ਗਗਨਦੀਪ ਸਿੰਘ ਵਾਸੀ ਗੁਰੂ ਗੋਬਿੰਦ ਸਿੰਘ ਨਗਰ ਬਠਿੰਡਾ ਦਾਅਵਾ ਕਰ ਰਿਹਾ ਕਿ ਸੀਆਈਏ-2 ਦੇ ਮੁਲਾਜਮਾਂ ਵੱਲੋਂ ਉਨ੍ਹਾਂ ਨੂੰ ਬਠਿੰਡਾ-ਡੱਬਵਾਲੀ ਰੋਡ ’ਤੇ ਸਥਿਤ ਡੱਬਵਾਲੀ ਪੁਲਿਸ ਦੇ ਉਪਰੋਂ ਚੁੱਕਿਆ ਸੀ ਤੇ ਮੁੜ ਸਟਾਫ਼ ਦੇ ਵਿਚ ਲਿਆ ਕੇ ਉਨ੍ਹਾਂ ਦੀ ਭਾਰੀ ਕੁੱਟਮਾਰ ਕੀਤੀ ਗਈ ਤੇ ਉਨ੍ਹਾਂ ਦੋਨਾਂ ਦੇ ਸਿਰ ਅਤੇ ਗੁਪਤ ਅੰਗਾਂ ਉਪਰ ਬਿਜਲੀ ਦਾ ਕਰੰਟ ਲਗਾ ਕੇ ਚਿੱਟਾ ਬਰਾਮਦ ਕਰਵਾਉਣ ਲਈ ਦਬਾਅ ਪਾਇਆ ਗਿਆ ਜਦਕਿ ਉਹ ਫ਼ਿਰੋਜਪੁਰ ਤੋਂ ਕਿਸੇ ਹੋਰ ਕੰਮ ਜਾ ਕੇ ਵਾਪਸ ਆ ਰਹੇ ਸਨ।
ਇਹ ਵੀ ਪੜ੍ਹੋ PCMS Association ਦੀ ਦਖਲਅੰਦਾਜ਼ੀ ਤੋਂ ਬਾਅਦ ਬਠਿੰਡਾ ਦੇ SMO ਤੇ Doct0r ਦਾ ਆਪਸੀ ਵਿਵਾਦ ਨਿਪਟਿਆ
ਗਗਨਦੀਪ ਸਿੰਘ ਦੀ ਵਾਈਰਲ ਵੀਡੀਓ ਵਿਚ ਦਾਅਵਾ ਕੀਤਾ ਜਾ ਰਿਹਾ ਕਿ, ਉਹ ਮ੍ਰਿਤਕ ਨੌਜਵਾਨ ਨਰਿੰਦਰਜੀਤ ਸਿੰਘ ਦੇ ਨਾਲ ਫਿਰੋਜ਼ਪੁਰ ਜਾ ਕੇ ਕਿਸੇ ਦੀ ਪੈਮੇਟ ਦੇ ਕੇ ਵਾਪਸ ਆ ਰਹੇ ਸਨ ਕਿ ਜਦ ਉਹ ਸੀਆਈਏ ਸਟਾਫ਼ ਦੇ ਦਫ਼ਤਰ ਤੋਂ ਕ੍ਰਾਸ ਕਰਕੇ ਵੇਰਕਾ ਵੱਲ ਜਾ ਰਹੇ ਸਨ ਤੇ ਸੀਆਈਏ ਵਾਲਿਆਂ ਨੇ ਗੱਡੀਆਂ ਪਿਛਲੇ ਲਾ ਕੇ ਉਨ੍ਹਾਂ ਨੂੰ ਹਾਊਸਫੈੱਡ ਵਾਲੇ ਪੁਲ ਉੱਤੇ ਘੇਰ ਕੇ ਵਾਪਸ ਸੀਆਈਏ ਦਫ਼ਤਰ ਲਿਆਂਦਾ। ਇਸ ਦੌਰਾਨ ਉਹਨਾਂ ਦੇ ਫ਼ੋਨ ਬੰਦ ਕਰ ਦਿੱਤੇ ਤੇ ਬੁਰੀ ਤਰ੍ਹੀਕੇ ਨਾਲ ਕੁੱਟਮਾਰ ਕੀਤੀ। ਗਗਨਦੀਪ ਦੇ ਦਾਅਵੇ ਮੁਤਾਬਕ ਕੁੱਟਮਾਰ ਦੌਰਾਨ ਉਹ ਫ਼ਿਰੌਜਪੁਰ ਤੋਂ ਲਿਆਂਦੇ ਸਮਾਨ ਨੂੰ ਦੱਸਣ ਲਈ ਕਹਿ ਰਹੇ ਸਨ ਜਦਕਿ ਉਹ ਕੋਈ ਨਸ਼ਾ ਵਗੈਰਾ ਨਹੀਂ ਲੈ ਕੇ ਆਏ ਸਨ।
ਇਹ ਵੀ ਪੜ੍ਹੋ ਪੰਜਾਬ ’ਚ ਤੜਕਸਾਰ ਵਾਪਰਿਆਂ ਭਿਆਨਕ ਹਾਦਸਾ; 1 ਦੀ ਹੋਈ ਮੌ+ਤ, ਡਰਾਈਵਰ ਸਹਿਤ 4 ਜਖ਼ਮੀ
ਇਸ ਦੌਰਾਨ ਨਰਿੰਦਰ ਦੀ ਕਰੰਟ ਲੱਗਣ ਤੇ ਜਿਆਦਾ ਕੁੱਟਮਾਰ ਕਾਰਨ ਸੀਆਈਏ ਸਟਾਫ਼ ਵਿਚ ਹੀ ਮੌਤ ਹੋ ਗਈ। ਜਿਸਤੋਂ ਬਾਅਦ ਉਸਨੂੰ ਡਰਾਇਆ ਗਿਆ ਕਿ ਉਹ ਇਸ ਮੌਤ ਨੂੰ ਐਕਸੀਡੈਂਟ ਬਣਾ ਦੇਵੇ ਅਤੇ ਮ੍ਰਿਤਕ ਨੌਜਵਾਨ ਦੇ ਪ੍ਰਵਾਰ ਵਾਲਿਆਂ ਨੂੰ ਦੱਸੇ ਕਿ ਇਹ ਨਸ਼ੇ ਦੀ ਓਵਰਡੋਜ਼ ਕਾਰਨ ਹੋਇਆ। ਗਗਨਦੀਪ ਮੁਤਾਬਕ ਜਿਸਤੋਂ ਬਾਅਦ ਉਸਨੇ ਪ੍ਰਵਾਰ ਨੂੰ ਤਾਂ ਸੂਚਿਤ ਕਰ ਦਿੱਤਾ ਪ੍ਰੰਤੂ ਬਾਅਦ ਵਿਚ ਡਰਦਾ ਮਾਰਾ ਉਥੋਂ ਚਲਾ ਗਿਆ। ਮ੍ਰਿਤਕ ਨੌਜਵਾਨ ਨਰਿੰਦਰਜੀਤ ਸਿੰਘ ਆਪਣੇ ਮਾਪਿਆਂ ਦਾ ਇਕੱਲਾ ਪੁੱਤਰ ਸੀ ਤੇ ਬਠਿੰਡਾ ਦੇ ਇੱਕ ਆਈਲੈਟਸ ਇੰਸਟੀਚਿਉੂਟ ਵਿਚ ਪੜਾਉਂਦਾ ਸੀ। ਉਧਰ, ਪਤਾ ਚੱਲਿਆ ਹੈ ਕਿ ਮ੍ਰਿਤਕ ਨੌਜਵਾਨ ਦੇ ਮਾਪਿਆਂ ਦੀ ਮੰਗ ’ਤੇ ਉਸਦੀ ਲਾਸ਼ ਦਾ ਪੋਸਟਮਾਰਟਮ ਬਠਿੰਡਾ ਏਮਜ਼ ਦੇ ਡਾਕਟਰਾਂ ਦੇ ਬੋਰਡ ਵੱਲੋਂ ਕੀਤਾ ਗਿਆ ਹੈ, ਜਿਸਦੀ ਰੀਪੋਰਟ ਹਾਲੇ ਆਉਣੀ ਬਾਕੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
