Bathinda News: ਕਰੀਬ ਦੋ ਮਹੀਨੇ ਪਹਿਲਾਂ ਆਪਣੀ ਕਾਲੀ ‘ਥਾਰ’ ਵਿਚ ਚਿੱਟੇ ਸਹਿਤ ਫ਼ੜੀ ਗਈ ਪੰਜਾਬ ਪੁਲਿਸ ਦੀ ਬਰਖ਼ਾਸਤ ਮਹਿਲਾ ਕਾਂਸਟੇਬਲ ਅਮਨਦੀਪ ਕੌਰ ਦੀ ਚਰਚਿਤ ਕੋਠੀ ਦੀ ਅੱਜ ਮੰਗਲਵਾਰ ਨੂੰ ਵਿਜੀਲੈਂਸ ਦੀ ਤਕਨੀਕੀ ਟੀਮ ਵੱਲੋਂ ਪੈਮਾਇਸ਼ ਕੀਤੀ ਗਈ। ਬੀਤੇ ਕੱਲ ਹੀ ਆਮਦਨ ਤੋਂ ਵੱਧ ਜਾਇਦਾਦ ਦੇ ਦੋਸ਼ਾਂ ਹੇਠ ਗ੍ਰਿਫਤਾਰ ਕੀਤੀ ਗਈ ਅਮਨਦੀਪ ਕੌਰ ਵਿਜੀਲੈਂਸ ਵੱਲੋਂ ਸਵੇਰੇ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਸੀ, ਜਿੱਥੇ ਅਦਾਲਤ ਵਿਚ ਤਿੰਨ ਦਿਨਾਂ ਰਿਮਾਂਡ ਮਿਲਿਆ ਹੈ। ਇਸਤੋਂ ਇਲਾਵਾ ਵਿਜੀਲੈਂਸ ਵੱਲੋਂ ਇਸ ਕਾਂਸਟੇਬਲ ਦੀ ਜਾਇਦਾਦ ਦੀ ਤਕਨੀਕੀ ਪੜਤਾਲ ਕਰਨ ਲਈ ਅਦਾਲਤ ਕੋਲੋਂ ਸਰਚ ਵਾਰੰਟ ਵੀ ਹਾਸਲ ਕੀਤਾ ਗਿਆ।
ਇਹ ਵੀ ਪੜ੍ਹੋ 30,000 ਰੁਪਏ ਰਿਸ਼ਵਤ ਲੈਣ ਵਾਲਾ ਸਿਵਲ ਸਰਜਨ ਦਫ਼ਤਰ ਦਾ ਕਲਰਕ ਵਿਜੀਲੈਂਸ ਬਿਊਰੋ ਵੱਲੋਂ ਕਾਬੂ
ਜਿਸਤੋਂ ਬਾਅਦ ਬਾਅਦ ਦੁਪਿਹਰ ਵਿਜੀਲੈਂਸ ਦੀ ਇੱਕ ਟੀਮ ਭਾਰੀ ਸੁਰੱਖਿਆ ਹੇਠ ਅਮਨਦੀਪ ਕੌਰ ਨੂੰ ਲੈ ਕੇ ਉਸਦੀ ਮੁਲਤਾਨੀਆ ਰੋਡ ’ਤੇ ਸਥਿਤ ਵਿਰਾਨ ਗਰੀਨ ਕਲੌਨੀ ਵਿਚਲੀ ਕੋਠੀ ’ਚ ਪੁੱਜੀ। ਇਸ ਦੌਰਾਨ ਤਕਨੀਕੀ ਟੀਮ ਵੱਲੋਂ ਘਰ ਵਿਚ ਪਈ ਕੱਲੀ-ਕੱਲੀ ਵਸਤੂ ਦੀ ਪੈਮਾਇਸ਼ ਕੀਤੀ ਗਈ ਤੇ ਉਸਦੇ ਬਿੱਲਾਂ ਆਦਿ ਬਾਰੇ ਪੜਤਾਲ ਕੀਤੀ । ਕਾਫ਼ੀ ਲੰਮੀ ਪੜਤਾਲ ਤੋਂ ਬਾਅਦ ਵਿਜੀਲੈਂਸ ਮੁੜ ਅਮਨਦੀਪ ਕੌਰ ਨੂੰ ਵਾਪਸ ਆਪਣੇ ਦਫ਼ਤਰ ਲੈ ਗਈ, ਜਿੱਥੇ ਹੁਣ ਉਸਤੋਂ ਕੋਠੀ ਵਿਚ ਮਿਲੇ ਕੀਮਤੀ ਸਮਾਨ ਬਾਰੇ ਸਵਾਲ-ਜਵਾਬ ਕੀਤੇ ਜਾਣਗੇ। ਦਸਣਾ ਬਣਦਾ ਹੈ ਕਿ ਚਿੱਟੇ ’ਚ ਗ੍ਰਿਫਤਾਰੀ ਤੋਂ ਬਾਅਦ ਬੇਸ਼ੱਕ ਅਮਨਦੀਪ ਕੌਰ ਨੂੰ ਜਮਾਨਤ ਮਿਲ ਗਈ ਸੀ ਪ੍ਰੰਤੂ ਜ਼ਿਲ੍ਹਾ ਪੁਲਿਸ ਵੱਲੋਂ ਇਸ ਸਮੇਂ ਦੌਰਾਨ ਉਸਦੀ ਕਰੋੜਾਂ ਦੀ ਜਾਇਦਾਦ ਨੂੰ ਫ਼ਰੀਜ ਕਰਵਾ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ PSPCL ਦਾ SDO 50,000 ਰੁਪਏ ਤੇ ਲਾਈਨਮੈਂਨ 15000 ਰੁਪਏ ਦੀ ਰਿਸ਼ਵਤ ਲੈਂਦੇ ਵਿਜੀਲੈਂਸ ਵੱਲੋਂ ਕਾਬੂ
ਅੱਜ ਮੰਗਲਵਾਰ ਸਵੇਰ ਹੀ ਜਿਲ੍ਹਾ ਪੁਲਿਸ ਦੀ ਟੀਮ ਵੱਲੋ ਉਸਦੀ ਕੋਠੀ ਦੇ ਬਾਹਰ ਫਰੀਜਿੰਗ ਦੇ ਹੁਕਮ ਚਿਪਕਾਏ ਗਏ ਸਨ। ਦਸਣਾ ਬਣਦਾ ਹੈ ਕਿ ਪੰਜਾਬ ਬਿਊਰੋ ਆਫ਼ ਇੰਨਵੈਸੀਗੇਸ਼ਨ ਦੀ ਸਿਫ਼ਾਰਸ ’ਤੇ ਵਿਜੀਲੈਂਸ ਵੱਲੋਂ ਇਸ ਬਰਖਾਸਤ ਮੁਲਾਜਮ ਖਿਲਾਫ਼ ਸ਼ੁਰੂ ਕੀਤੀ ਪੜਤਾਲ ਦੌਰਾਨ ਸਾਲ 2018 ਤੋਂ 2025 ਦਰਮਿਆਨ ਕੁੱਲ ਆਮਦਨ ਅਤੇ ਬਣਾਈਆਂ ਗਈਆਂ ਚੱਲ ਅਤੇ ਅਚੱਲ ਜਾਇਦਾਦਾਂ ਦੇ ਵੇਰਵਿਆਂ ਦੀ ਜਾਂਚ ਕੀਤੀ ਗਈ ਹੈ। ਇਸ ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਅਮਨਦੀਪ ਕੌਰ ਦੀ ਕੁੱਲ ਆਮਦਨ 1,08,37,550 ਰੁਪਏ ਸੀ ਤੇ ਉਸਦੇ ਮੁਕਾਬਲੇ ਖਰਚ 1,39,64,802.97 ਰੁਪਏ ਕੀਤਾ ਗਿਆ। ਜਿਸਦੇ ਚੱਲਦੇ ਆਮਦਨ ਤੇ ਖ਼ਰਚ ਵਿਚਕਾਰ 31,27,252.97 ਰੁਪਏ ਦੇ ਪਾੜੇ ਬਾਰੇ ਹੁਣ ਵਿਜੀਲੈਂਸ ਦੀ ਸੂਈ ਅਟਕੀ ਹੋਈ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
