New Delhi News: ਸੁਭਾਸ਼ੂ ਸ਼ੁਕਲਾ ਸਮੇਤ ਚਾਰ ਪੁਲਾੜ ਯਾਤਰੀ 20 ਦਿਨ ਪੁਲਾੜ ਵਿੱਚ ਬਿਤਾਉਣ ਤੋਂ ਬਾਅਦ ਧਰਤੀ ਤੇ ਵਾਪਸ ਆ ਗਏ ਹਨ। ਡਰੈਗਨ ਪੁਲਾੜ ਯਾਨ 23 ਘੰਟਿਆਂ ਦੇ ਸਫਰ ਤੋਂ ਬਾਅਦ ਅੱਜ ਦੁਪਹਿਰ 3 ਵਜੇ ਕੈਲੀਫੋਰਨੀਆ ਦੇ ਤੱਟ ਤੇ ਉਤਰਿਆ। ਸਾਰੇ ਪੁਲਾੜ ਯਾਤਰੀ 26 ਜੂਨ ਨੂੰ ਭਾਰਤੀ ਸਮੇਂ ਅਨੁਸਾਰ 4:01 ਵਜੇ ਆਈ .ਐਸ .ਐਸ ਪਹੁੰਚੇ ਸੀ। ਉਹ 25 ਜੂਨ ਨੂੰ ਦੁਪਹਿਰ 12 ਵਜੇ ਐਕਸੀਐਮ ਮਿਸ਼ਨ ਚਾਰ ਦੇ ਤਹਿਤ ਰਵਾਨਾ ਹੋਏ। ਉਹਨਾਂ ਨੇ ਸਪੇਸਐਕਸ ਦੇ ਫਾਲਕਨ -9 ਰਾਕਟ ਨਾਲ ਜੁੜੇ ਇੱਕ ਡਰੈਗਨ ਕੈਪਸੂਲ ਵਿੱਚ ਕਨੇਡੀ ਸਪੇਸ ਸੈਂਟਰ ਤੋਂ ਉਡਾਨ ਭਰੀ। ਸੁਭਾਸ਼ੂ ਸ਼ੁਕਲਾ ਨੇ ਮਿਸ਼ਨ ਦੌਰਾਨ 60 ਤੋਂ ਵੱਧ ਵਿਗਿਆਨਿਕ ਪ੍ਰਯੋਗਾਂ ਵਿੱਚ ਹਿੱਸਾ ਲਿਆ।
ਇਹ ਵੀ ਪੜ੍ਹੋ ਫਾਜ਼ਿਲਕਾ ਪੁਲਿਸ ਦੀ ਸੋਸ਼ਲ ਮੀਡੀਆ ਤੇ ਹਥਿਆਰਾਂ ਦਾ ਪ੍ਰਦਰਸ਼ਨ ਕਰਨ ਵਾਲਿਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ
ਇਹਨਾਂ ਪ੍ਰਯੋਗਾਂ ਵਿੱਚ ਭਾਰਤ ਦੇ ਸੱਤ ਪ੍ਰਯੋਗ ਸ਼ਾਮਿਲ ਸਨ। ਉਸਨੇ ਪੁਲਾੜ ਵਿੱਚ ਮੂੰਗੀ ਅਤੇ ਮੇਥੀ ਦੇ ਬੀਜ ਉਗਾਏ ।ਸੁਭਾਸੂ ਨੇ ਪੁਲਾੜ ਵਿੱਚ ਹੱਡੀਆਂ ਦੀ ਸਿਹਤ ਤੇ ਵੀ ਪ੍ਰਯੋਗ ਕੀਤੇ।ਸੁਭਾਸੂ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਵਿਚ ਜਾਣ ਵਾਲੇ ਪਹਿਲੇ ਭਾਰਤੀ ਅਤੇ ਪੁਲਾੜ ਵਿੱਚ ਜਾਣ ਵਾਲੇ ਦੂਜੇ ਭਾਰਤੀ ਹਨ।41 ਸਾਲ ਪਹਿਲਾਂ ਰਾਕੇਸ਼ ਸ਼ਰਮਾ ਨੇ ਪੁਲਾੜ ਦੀ ਯਾਤਰਾ ਕੀਤੀ ਸੀ। ਸੁਭਾਸ਼ੂ ਦੀ ਵਾਪਸੀ ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਟਵੀਟ ਕਰ ਕਿਹਾ ,”ਮੈਂ ਪੂਰੇ ਰਾਸ਼ਟਰ ਨਾਲ ਸਮੂਹ ਕੈਪਟਨ ਸੁਭਾਸ਼ੂ ਸ਼ੁਕਲਾ ਦਾ ਵਾਪਸੀ ਤੇ ਸਵਾਗਤ ਕਰਦਾ ਹਾਂ। ਉਹ ਆਪਣੇ ਇਤਿਹਾਸਿਕ ਪੁਲਾੜ ਮਿਸ਼ਨ ਤੋਂ ਧਰਤੀ ਤੇ ਵਾਪਸ ਆ ਗਏ ਹਨ।”
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
