Patiala News: ਪੈਸੇ ਚੋਰੀ ਦੇ ਦੋਸ਼ਾਂ ਹੇਠ ਆਪਣੇ ਟਰੱਕ ਦੇ ਡਰਾਈਵਰ ਅਤੇ ਕੰਡਕਟਰ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕਰਕੇ ਉਨ੍ਹਾਂ ਨੂੰ ਮਰਨ ਲਈ ਮਜਬੂਰ ਕਰਨ ਵਾਲੇ ਥਾਣੇਦਾਰ ਸਹਿਤ ਪੰਜ ਮੁਲਜਮਾਂ ਵਿਰੁਧ ਪਟਿਆਲਾ ਪੁਲਿਸ ਨੇ ਪਰਚਾ ਦਰਜ਼ ਕਰ ਲਿਆ ਹੈ।ਉਧਰ, ਮ੍ਰਿਤਕਾਂ ਦੇ ਪ੍ਰਵਾਰਾਂ ਨੇ ਮੁਲਜਮਾਂ ਦੀ ਗ੍ਰਿਫਤਾਰੀ ਤੱਕ ਅੰਤਿਮ ਸੰਸਕਾਰ ਕਰਨ ਤੋਂ ਇੰਨਕਾਰ ਕਰ ਦਿੱਤਾ ਹੈ।
ਮਰਨ ਤੋਂ ਪਹਿਲਾਂ ਗਰੀਬ ਡਰਾਈਵਰ ਤੇ ਕੰਡਕਟਰ ਵੱਲੋਂ ਇਕ ਵੀਡੀਓ ਵੀ ਆਪਣੇ ਮੋਬਾਇਲ ‘ਤੇ ਬਣਾਈ ਗਈ ਸੀ, ਜਿਸਦੇ ਵਿਚ ਉਨ੍ਹਾਂ ਆਪਣੇ ਟਰੱਕ ਦੇ ਮਾਲਕ ਲਖਵਿੰਦਰ ਸਿੰਘ ਸਹਿਤ ਉਸਦੇ ਭਰਾ, ਭਤੀਜ਼ੇ ਤੇ ਡਰਾਈਵਰ ਸਹਿਤ ਇੱਕ ਹੋਰ ਵਿਅਕਤੀ ਵਿਰੁਧ ਗੰਭੀਰ ਦੋਸ਼ ਲਗਾਏ ਸਨ।
ਇਹ ਵੀ ਪੜ੍ਹੋ ਕੈਪਟਨ ਦੀ ਮਜੀਠੀਆ ਦੇ ਹੱਕ ਵਿੱਚ ਪਾਈ ਫੇਸਬੁੱਕ ਪੋਸਟ ‘ਤੇ ਆਪ ਆਗੂਆਂ ਨੇ ਚੁੱਕੇ ਸਵਾਲ
ਇਹ ਵੀਡੀਓ ਸ਼ੋਸਲ ਮੀਡੀਆ ‘ਤੇ ਕਾਫ਼ੀ ਵਾਈਰਲ ਹੋਈ ਸੀ ਤੇ ਲੋਕਾਂ ਨੇ ਇਸ ਘਟਨਾ ਉਪਰ ਅਫ਼ਸੋਸ ਜਤਾਉਂਦਿਆਂ ਮੁਲਜਮਾਂ ਵਿਰੁਧ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਸੀ।
ਉਧਰ ਆਪਣੇ ਪੁੱਤਰ ਦਾ ਪੋਸਟਮਾਰਟਮ ਕਰਵਾਉਣ ਪੁੱਜੇ ਮਲਕੀਤ ਸਿੰਘ ਵਾਸੀ ਪਿੰਡ ਨਯਾਲ ਨੇ ਦਸਿਆ ਕਿ ਉਸਦਾ ਪੁੱਤਰ ਦਵਿੰਦਰ ਸਿੰਘ ਤੇ ਉਸਦਾ ਭਤੀਜਾ ਹਰਪ੍ਰੀਤ ਸਿੰਘ ਪਿੰਡ ਹਰਿਆਉ ਕਲਾਂ ਦੇ ਪੁਲਿਸ ਮੁਲਾਜਮ ਲਖਵਿੰਦਰ ਸਿੰਘ ਦੇ ਟਰੱਕ ਉਪਰ ਡਰਾਈਵਰ ਤੇ ਹੈਲਪਰ ਵਜੋਂ ਕੰਮ ਕਰਦੇ ਸਨ।
ਤਿੰਨ ਦਿਨ ਪਹਿਲਾਂ ਦੋਨੋਂ ਲੁਧਿਆਣਾ ਤੋਂ ਟਰੱਕ ਵਿਚ ਮਾਲ ਭਰ ਕੇ ਬੰਗਲੁਰੂ ਗਏ ਸਨ, ਜਿੱਥੇ ਵਾਪਸੀ ਦਾ ਹੁਸ਼ਿਆਰਪੁਰ ਲਈ ਮਾਲ ਲੈ ਕੇ ਆਏ ਸਨ। ਇਸ ਦੌਰਾਨ ਰਾਤ ਨੂੰ ਫ਼ਗਵਾੜੇ ਆ ਕੇ ਰੁਕ ਗਏ ਤੇ ਜਦ ਸਵੇਰੇ ਉੱਠੇ ਤਾਂ ਕਿਰਾਏ ਵਜੋਂ ਮਿਲੇ 65000 ਰੁਪਏ ਟਰੱਕ ਵਿਚੋਂ ਗਾਇਬ ਸਨ।
ਇਹ ਵੀ ਪੜ੍ਹੋ ਮਹਿਲਾ ਸਬ ਇੰਸਪੈਕਟਰ ਨੇ ਫਾਹਾ ਲੈ ਕੇ ਕੀਤੀ ਜੀਵਨ ਲੀਲਾ ਸਮਾਪਤ, ਸਾਹਮਣੇ ਆਇਆ ਇਹ ਕਾਰਨ
ਇੰਨ੍ਹਾਂ ਇਸਦੀ ਸੂਚਨਾ ਤੁਰੰਤ ਆਪਣੇ ਮਾਲਕ ਨੂੰ ਦਿੱਤੀ, ਜਿਸਨੇ ਪਾਤੜਾ ਪੁੱਜਣ ਲਈ ਕਿਹਾ। ਮਲਕੀਤ ਸਿੰਘ ਮੁਤਾਬਕ ਜਦ ਦਵਿੰਦਰ ਤੇ ਹਰਪ੍ਰੀਤ ਗੱਡੀ ਲੈ ਕੇ ਪਾੜਤਾ ਇੱਕ ਮੋਟਰ ਗੈਰਿਜ਼ ਵਿਚ ਪੁੱਜੇ ਤਾਂ ਲਖਵਿੰਦਰ ਸਿੰਘ ਤੇ ਉਸਦੇ ਡਰਾਈਵਰ ਦੇਸਾ ਸਿੰਘ ਤੋਂ ਇਲਾਵਾ ਤਿੰਨ ਹੋਰਨਾਂ ਬੰਦਿਆਂ ਨੇ ਉਨ੍ਹਾਂ ਦੀ ਭਾਰੀ ਕੁੱਟਮਾਰ ਕੀਤੀ ਤੇ ਜਬਰੀ ਪੈਸੇ ਦੇਣ ਦੀ ਗੱਲ ਮੰਨਵਾਈ।
ਇਸ ਘਟਨਾ ਤੋਂ ਦੁਖੀ ਹੋੲ ਦੋਨਾਂ ਜਣਿਆਂ ਨੇ ਜ਼ਹਿਰ ਨਿਗਲ ਲੈ ਕੇ ਆਤਮਹੱਤਿਆ ਕਰ ਲਈ। ਉਧਰ, ਇਸ ਮਾਮਲੇ ਦੀ ਪੜਤਾਲ ਕਰ ਰਹੇ ਥਾਣਾ ਪਾਤੜਾ ਦੇ ਥਾਣੇਦਾਰ ਜਗਦੀਸ਼ ਨੇ ਪੱਤਰਕਾਰਾਂ ਨੂੰ ਦਸਿਆ ਕਿ ਮ੍ਰਿਤਕ ਦੇ ਵਾਰਸਾਂ ‘ਤੇ ਪੀਏਪੀ ਮੁਲਾਜਮ ਲਖਵਿੰਦਰ ਸਿੰਘ ਤੇ ਉਸਦੇ ਡਰਾਈਵਰ ਦੇਸਾ ਸਿੰਘ ਵਾਸੀ ਹਰਿਆਓ ਕਲਾਂ ਤੋਂ ਇਲਾਵਾ ਤਿੰਨ ਹੋਰ ਜਣਿਆਂ ਵਿਰੁਧ ਮਰਨ ਲਈ ਮਜਬੂਰ ਕਰਨ ਦੇ ਦੋਸ਼ਾਂ ਹੇਠ ਪਰਚਾ ਦਰਜ਼ ਕਰ ਲਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
