Bathinda News: ਭਾਰਤੀ ਜਨਤਾ ਪਾਰਟੀ ਵੱਲੋਂ ਮੋਦੀ ਸਰਕਾਰ ਦੀਆਂ ਸਕੀਮਾਂ ਨੂੰ ਲੈ ਕੇ ਪਿੰਡ ਪਿੰਡ ਲਗਾਏ ਜਾ ਰਹੇ ਵਿੱਚ ਫਰੀ ਕੈਂਪਾਂ ਦੀ ਲੜੀ ਤਹਿਤ ਅੱਜ ਬਠਿੰਡਾ ਸ਼ਹਿਰੀ ਦੇ ਮੰਡਲ ਸੰਗਤ ਦੇ ਪਿੰਡ ਮੁਲਤਾਨੀਆ ਵਿੱਚ ਇੱਕ ਕੈਂਪ ਲਗਾਇਆ ਜਾਣਾ ਸੀ। ਪਾਰਟੀ ਦੇ ਆਗੂ ਵਰਿੰਦਰ ਸ਼ਰਮਾ ਨੇ ਜਾਰੀ ਪ੍ਰੈਸ ਨੋਟ ਰਾਹੀਂ ਦੋਸ਼ ਲਗਾਇਆ ਕਿ ਉਸਤੋਂ ਪਹਿਲਾਂ ਹੀ ਪੁਲਿਸ ਪ੍ਰਸ਼ਾਸਨ ਨੇ ਪੁੱਜ ਕੇ ਕੈਪ ਲਗਾਉਣ ਦੀ ਮਨਾਹੀ ਕਰਦਿਆਂ ਭਾਜਪਾ ਬਠਿੰਡਾ ਸ਼ਹਿਰੀ ਦੇ ਮੰਡਲ ਪ੍ਰਧਾਨ ਗੁਰਮੇਲ ਸਿੰਘ ਬੱਲੂਆਣਾ, ਰਾਣਾ ਸਰਪੰਚ ਅਤੇ ਉਹਨਾਂ ਦੇ ਮੰਡਲ ਦੀ ਟੀਮ ਦੇ ਅਹੁਦੇਦਾਰਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ।
ਇਹ ਵੀ ਪੜ੍ਹੋ ਸਾਬਕਾ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਮੰਗੀ ਮੁਆਫ਼ੀ; ਕਿਹਾ- ਇਹ ਮੈਨੂੰ ਵੀ ਮੰਨਜੂਰ ਨਹੀਂ
ਉਨ੍ਹਾਂ ਦਸਿਆ ਕਿ ਇਸਦਾ ਪਤਾ ਲੱਗਦੇ ਹੀ ਭਾਜਪਾ ਆਗੂਆਂ ਦੀ ਅਗਵਾਈ ਹੇਠ ਰੋਸ਼ ਵਜੋਂ ਬਠਿੰਡਾ ਸਦਰ ਥਾਣਾ ਨੂੰ ਘੇਰ ਕੇ ਆਪਣੇ ਸਾਥੀਆਂ ਨੂੰ ਰਿਹਾ ਕਰਵਾਇਆ ਗਿਆ। ਇਸ ਮੌਕੇ ਸ੍ਰੀ ਮੋਹਨ ਲਾਲ ਗਰਗ ਸਾਬਕਾ ਚੇਅਰਮੈਨ ਇੰਪਰੂਵਮੈਂਟ ਟਰਸਟ, ਜਿਲ੍ਹਾ ਜਨਰਲ ਸਕੱਤਰ ਉਮੇਸ਼ ਸ਼ਰਮਾ, ਪ੍ਰਦੇਸ਼ ਭਾਜਪਾ ਦੇ ਮੈਂਬਰ ਰਾਜੇਸ਼ ਨੋਨੀ, ਜਿਲਾ ਉਪ ਪ੍ਰਧਾਨ ਵਰਿੰਦਰ ਸ਼ਰਮਾ, ਜਿਲਾ ਮਹਾ ਮੰਤਰੀ ਅਸ਼ੋਕ ਵਾਲਿਆਂਵਾਲੀ, ਜਗਦੀਪ ਸਿੰਘ ਮੰਡਲ ਪ੍ਰਧਾਨ, ਜਗਦੀਪ ਸਿੰਘ ਜਰਨਲ ਸਕੱਤਰ ਮੰਡਲ ਸੰਗਤ,
ਇਹ ਵੀ ਪੜ੍ਹੋ ਕੈਂਪਾਂ ਨੂੰ ਲੈ ਕੇ ਭਾਜਪਾ ਤੇ ਸਰਕਾਰ ‘ਚ ਤਕਰਾਰ ਵਧਣ ਦੇ ਆਸਾਰ, ਪੰਜਾਬ ਪੁਲਿਸ ਨੇ ਪੰਜਾਬੀਆਂ ਨੂੰ ਕੀਤੀ ਇਹ ਅਪੀਲ
ਜਿਲਾ ਉੱਪ ਪ੍ਰਧਾਨ ਜਤਿੰਦਰ ਗੋਗੀ, ਭਾਜਪਾ ਬਠਿੰਡਾ ਦੇ ਜਿਲਾ ਸਕੱਤਰ ਆਸ਼ੂਤੋਸ ਤਿਵਾੜੀ, ਰਜੇਸ਼ ਬਾਂਸਲ ਬੋਬੀ ਕਾਲੀਆ ਬਲਦੇਵ ਸਿੰਘ ਆਕਲੀਆ, ਮਨੀਸ਼ ਗਰਗ ਸੰਗਤ ਅਤੇ ਹੋਰ ਭਾਰੀ ਗਿਣਤੀ ਵਿੱਚ ਭਾਜਪਾ ਵਰਕਰ ਮੌਜੂਦ ਸਨ, ਨੇ ਸਰਕਾਰ ਵਿਰੁਧ ਨਾਅਰੇਬਾਜ਼ੀ ਕੀਤੀ। ਇਸ ਮੌਕੇ ਬੋਲਦਿਆਂ ਸ੍ਰੀ ਮੋਹਨ ਲਾਲ ਗਰਗ ਨੇ ਕਿਹਾ ਕਿ ਭਾਜਪਾ ਦਾ ਵਰਕਰ ਨਾ ਕਿਸੇ ਤੋਂ ਦੱਬਦਾ ਹੈ ਨਾ ਕਿਸੇ ਅੱਗੇ ਝੁਕਦਾ ਹੈ। ਉਨ੍ਹਾਂ ਕਿਹਾ ਕਿ ਗਰੀਬ ਪਰਿਵਾਰਾਂ ਨੂੰ ਜੋ ਮੋਦੀ ਸਰਕਾਰ ਦੀਆਂ ਸਕੀਮਾਂ ਜਾਂ ਸਹੂਲਤਾਂ ਹਨ ਉਹ ਅਸੀਂ ਹਰ ਹਾਲ ਤੱਕ ਗਰੀਬ ਵਰਗ ਤੱਕ ਪਹੁੰਚਾ ਕੇ ਹਟਾਂਗੇ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
