👉ਰਜਿਸਟ੍ਰੇਸ਼ਨ ਕਰਵਾਓ, ਲੋੜੀਂਦਾ ਸਮਾਨ ਘਰ ਪਹੁੰਚੇਗਾ,ਕੈਂਪ ਦੀ ਖਾਸੀਅਤ
Ferozepur News;ਹੜ੍ਹ ਪੀੜਿਤਾਂ ਲਈ ਸ਼੍ਰੋਮਣੀ ਅਕਾਲੀ ਦਲ ਪ੍ਰਧਾਨ ਗਿਆਨੀ ਹਰਪ੍ਰੀਤ ਸਿੰਘ ਵੱਲੋਂ ਪਾਰਟੀ ਵਰਕਰਾਂ ਅਤੇ ਹੋਰ ਸੰਸਥਾਵਾਂ ਦੇ ਸਹਿਯੋਗ ਨਾਲ ਫਿਰੋਜ਼ਪੁਰ ਜਿਲ੍ਹੇ ਦੇ ਪਿੰਡ ਬੱਗੇਵਾਲਾ ਵਿਖੇ ਬਣਾਏ ਗਏ ਬੇਸ ਕੈਂਪ ਨੂੰ ਆਸ ਦੀ ਕਿਰਨ ਨਾਲ ਵੇਖਿਆ ਜਾ ਰਿਹਾ ਹੈ। ਹੜ੍ਹ ਪੀੜਤਾਂ ਲਈ ਇਹ ਕੈਂਪ ਆਪਣੇ ਆਪ ਵਿੱਚ ਵੱਡੀ ਰਾਹਤ ਪੇਸ਼ ਕਰਦਾ ਹੈ। ਇਸ ਕੈਂਪ ਵਿੱਚ ਰੋਜ਼ਾਨਾ ਜੀਵਨ ਲੋੜੀਂਦੀਆਂ ਵਸਤੂਆਂ ਸਮੇਤ ਮੈਡੀਕਲ ਸਹੂਲਤਾਂ, ਦਵਾਈਆਂ, ਤਰਪਾਲਾਂ, ਪਸੂਆਂ ਲਈ ਸੁੱਕੇ ਚਾਰੇ ਦਾ ਵਿਸ਼ੇਸ਼ ਪ੍ਰਬੰਧ ਹੈ।ਬੱਗੇਵਾਲਾ ਕੈਂਪ ਦਾ ਨਿਰੀਖਣ ਕਰਨ ਲਈ ਸ੍ਰੋਮਣੀ ਅਕਾਲੀ ਦਲ ਪ੍ਰਧਾਨ ਗਿਆਨੀ ਹਰਪ੍ਰੀਤ ਸਿੰਘ ਵਿਸ਼ੇਸ਼ ਤੌਰ ਤੇ ਆਪਣੇ ਸਾਥੀਆਂ ਸਮੇਤ ਪਹੁੰਚੇ।
ਇਹ ਵੀ ਪੜ੍ਹੋ ਪੰਜਾਬ ‘ਚ ਹੜ੍ਹ ਪੀੜਤਾਂ ਦੀ ਮਦਦ ਕਰਨ ਵਾਲੇ ਸਮਾਜ ਸੇਵੀਆਂ ਦਾ ਮੁੱਖ ਮੰਤਰੀ ਨੇ ਕੀਤਾ ਧੰਨਵਾਦ
ਗਿਆਨੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ, ਇਸ ਬੇਸ ਕੈਂਪ ਦਾ ਮੁੱਖ ਮਕਸਦ ਲੋੜਵੰਦਾਂ ਤੱਕ ਸਹੀਂ ਸਮੇਂ ਤੇ ਸਹੀਂ ਅਤੇ ਲੋੜੀਂਦਾ ਸਮਾਨ ਪਹੁੰਚਾਉਣਾ ਹੈ। ਓਹਨਾ ਕਿਹਾ ਕਿ ਇਸ ਕੈਂਪ ਦੀ ਵਲੱਖਣਤਾ ਹੈ ਕਿ ਇਥੇ ਕੋਈ ਵੀ ਹੜ੍ਹ ਪੀੜਤ, ਆਪਣੀ ਲੋੜੀਦੀ ਜਰੂਰਤ ਨੂੰ ਪੂਰਾ ਕਰਨ ਲਈ ਇੱਕ ਰਜਿਸਟਰੇਸ਼ਨ ਦੇ ਅਧਾਰ ਤੇ ਸੇਵਾ ਲੈ ਸਕਦਾ ਹੈ। ਇਸ ਕੈਂਪ ਦਾ ਪ੍ਰਬੰਧ ਸਥਾਨਕ ਇਲਾਕੇ ਨੌਜਵਾਨ ਕੋਲ ਹੈ ਤਾਂ ਜੋ ਰਜਿਸਟਰੇਸ਼ਨ ਦੇ ਅਧਾਰ ਤੇ ਆਈ ਮੰਗ ਨੂੰ ਪੀੜਤ ਦੇ ਘਰ ਜਾ ਕੇ ਪੂਰਾ ਕੀਤਾ ਜਾ ਸਕੇ।ਉਹਨਾਂ ਇਹ ਸੇਵਾ ਕਾਰਜ ਕਰ ਰਹੇ ਸੇਵਾਦਾਰਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ, ਅੱਜ ਲੋੜ ਹੈ ਨੌਜਵਾਨਾਂ ਨੂੰ ਵੱਧ ਤੋਂ ਵੱਧ ਇਸ ਕਾਰਜ ਵਿੱਚ ਜੁਟਣ ਦੀ ਤਾਂ ਜੋ ਪੰਜਾਬ ਨੂੰ ਔਖੀ ਸਥਿਤੀ ਚੋ ਬਾਹਰ ਲਿਆਂਦਾ ਜਾ ਸਕੇ।
ਇਹ ਵੀ ਪੜ੍ਹੋ Patiala ‘ਚ ਸਵਾਰੀਆਂ ਨਾਲ ਨੱਕੋ-ਨੱਕ ਭਰੀ PRTC ਦੀ ਬੱਸ ਖਤਾਨਾਂ ‘ਚ ਪਲਟੀ, ਦਰਜ਼ਨਾਂ ਜਖ਼ਮੀ
ਕੈਂਪ ਦੇ ਸੰਚਾਲਕ ਭਾਈ ਪਰਮਪਾਲ ਸਿੰਘ ਸਭਰਾ, ਬਲਦੇਵ ਸਿੰਘ ਮੱਲ੍ਹੀ ਉਸਮਾਨ ,ਸਰਦਾਰ ਕਾਬਲ ਸਿੰਘ,ਸਰਦਾਰ ਪਿਆਰਾ ਸਿੰਘ ਦੀ ਸ਼ਲਾਘਾ ਕਰਦੇ ਹੋਏ ਗਿਆਨੀ ਹਰਪ੍ਰੀਤ ਸਿੰਘ ਨੇ ਓਹਨਾ ਨੇ ਨੇਕ ਕਾਰਜ ਕਰਨ ਲਈ ਵਧਾਈ ਵੀ ਦਿੱਤੀ।ਇਸ ਮੌਕੇ ਓਹਨਾ ਦੇ ਨਾਲ ਸਾਬਕਾ ਮੰਤਰੀ ਸਰਦਾਰ ਸੁਰਜੀਤ ਸਿੰਘ ਰੱਖੜਾ, ਸਾਬਕਾ ਐਸਜੀਪੀਸੀ ਪ੍ਰਧਾਨ ਭਾਈ ਗੋਬਿੰਦ ਸਿੰਘ ਲੌਂਗੋਵਾਲ,ਸਤਵਿੰਦਰ ਸਿੰਘ ਟੌਹੜਾ ਮੈਬਰ ਐਸਜੀਪੀਸੀ,ਗਗਨਦੀਪ ਸਿੰਘ ਧਾਲੀਵਾਲ,ਅਮਰਿੰਦਰ ਸਿੰਘ ਬਨੀ ਬਰਾੜ,ਮਨਪ੍ਰੀਤ ਸਿੰਘ ਭੋਲੂਵਾਲਾ ਹਾਜ਼ਰ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
