👉ਚੱਲਦੇ ਵਿਵਾਦ ਦੌਰਾਨ ਸਭਾ ਦੇ ਜਨਰਲ ਸਕੱਤਰ ਨੇ ਦਿੱਤਾ ਅਸਤੀਫ਼ਾ
Bathinda News: ਸ਼ਹਿਰ ਦਾ ਦਿਲ ਮੰਨੇ ਜਾਂਦੇ ਗੋਲ ਡਿੱਗੀ ਇਲਾਕੇ ਦੇ ਸਾਹਮਣੇ ‘ਪ੍ਰਾਈਮ’ਜਗ੍ਹਾਂ ਦੀ ਮਲਕੀਅਤ ਨੂੰ ਲੈ ਕੇ ਐਸਐਸਡੀ ਸਭਾ ਦੇ ਨਾਲ ਉੱਠੇ ਵਿਵਾਦ ਦੌਰਾਨ ਨਗਰ ਨਿਗਮ ਨੇ ਹੁਣ ਪੱਕੇ ਪੈਰੀ ਕਾਰਵਾਈ ਦੀ ਤਿਆਰੀ ਕਰ ਲਈ ਹੈ। ਇਸ ਜਗ੍ਹਾਂ ‘ਤੇ ਆਪਣੀ ਮਾਲਕੀ ਦਾ ਦਾਅਵਾ ਕਰਦੀ ਆ ਰਹੀ ਸਭਾ ਦੇ ਅਹੁੱਦੇਦਾਰਾਂ ਨੂੰ ਨਿਗਮ ਵੱਲੋਂ ਲੀਜ਼ ਦਾ ਰਿਕਾਰਡ ਸੌਪਦਿਆਂ 3 ਨਵੰਬਰ ਨੂੰ ਜਵਾਬ ਮੰਗਿਆ ਹੈ। ਇਸ ਵਿਵਾਦ ਦੌਰਾਨ ਹੀ ਸਭਾ ਦੇ ਜਨਰਲ ਸਕੱਤਰ ਐਡਵੋਕੇਟ ਅਨਿਲ ਗੁਪਤਾ ਵੱਲੋਂ ਆਪਣੇ ਅਹੁੱਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਗਿਆ ਹੈ। ਸ਼੍ਰੀ ਗੁਪਤਾ ਨੇ ਇਸਦੀ ਪੁਸ਼ਟੀ ਕਰਦਿਆ ਇਸ ਵੈਬਸਾਈਟ ਦੇ ਪੱਤਰਕਾਰ ਨੂੰ ਦਸਿਆ ਕਿ,”ਨਿੱਜੀ ਕਾਰਨਾਂ ਦੇ ਚੱਲਦੇ ਉਨ੍ਹਾਂ ਵੱਲੋਂ ਆਪਣਾ ਅਸਤੀਫ਼ਾ ਸਭਾ ਦੇ ਪ੍ਰਧਾਨ ਨੂੰ ਸੌਪਿਆਂ ਹੈ ਪ੍ਰੰਤੂ ਹਾਲੇ ਤੱਕ ਇਸਦੇ ਉੱਪਰ ਫੈਸਲਾ ਪੈਡਿੰਗ ਹੈ। ”
ਇਹ ਵੀ ਪੜ੍ਹੋ AAP ਆਗੂ ‘ਤੇ ਗੋ+ਲੀ+ਆਂ ਚਲਾਉਣ ਵਾਲਾ ਸਾਬਕਾ DSP ਪੁਲਿਸ ਵੱਲੋਂ ਗ੍ਰਿਫਤਾਰ
ਦਸਣਾ ਬਣਦਾ ਹੈ ਕਿ ਨਗਰ ਨਿਗਮ ਵੱਲੋਂ ਗੋਲ ਡਿੱਗੀ ਦੇ ਸਾਹਮਣੇ ਐਸਐਸਡੀ ਸਕੂਲ ਲਈ ਜਮੀਨ ਨੂੰ ਲੀਜ਼ ‘ਤੇ ਦਿੱਤਾ ਹੋਇਆ ਸੀ, ਜਿਸਦੀ ਲੀਜ਼ ਮਨੀ ਵੀ 1949 ਤੋਂ ਲੈ ਕੇ 2017 ਤੱਕ ਭਰੀ ਜਾਂਦੀ ਰਹੀ। ਨਿਗਮ ਦੇ ਸੂਤਰਾਂ ਮੁਤਾਬਕ ਉਸਤੋਂ ਬਾਅਦ ਅਸਲ ਫ਼ਾਈਲ ਨੂੰ ਗਾਇਬ ਕਰਕੇ ਨਵੀਂ ਫ਼ਾਈਲ ਤਿਆਰ ਕਰ ਦਿੱਤੀ ਗਈ, ਜਿਸ ਵਿਚ ਬਹੁਤ ਘੱਟ ਜਗ੍ਹਾਂ ਲੀਜ਼ ਉਪਰ ਦਿਖਾਈ ਗਈ। ਇਸ ਮਾਮਲੇ ਵਿਚ ਕੁੱਝ ਸਮਾਂ ਪਹਿਲਾਂ ਨਿਗਮ ਕਮਿਸ਼ਨਰ ਵੱਲੋਂ ਸੁਪਰਡੈਂਟ ਵਿਰੁਧ ਵੀ ਕਾਰਵਾਈ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ DIG ਭੁੱਲਰ ਵਿਰੂਧ ਇੱਕ ਹੋਰ ਕੇਸ ਦਰਜ਼, ਬਠਿੰਡਾ ਨਾਲ ਵੀ ਤਾਰਾਂ ਜੁੜੀਆਂ
ਜਿਕਰਯੋਗ ਹੈ ਕਿ ਨਗਰ ਨਿਗਮ ਤੋਂ ਲੀਜ਼ ‘ਤੇ ਜਗ੍ਹਾਂ ਲੈ ਕੇ ਸਨਾਤਨ ਧਰਮ ਸਭਾ ਵੱਲੋਂ ਚਲਾਏ ਜਾ ਰਹੇ ਐਸਐਸਡੀ ਸਕੂਲ ਦੇ ਨਾਲ ਲੱਗਦੀ ਮਾਰਕੀਟ ਬਣਾਈ ਹੋਈ ਹੈ, ਜਿੱਥੇ ਦਰਜ਼ਨਾਂ ਦੁਕਾਨਾਂ ਬਣੀਆਂ ਹੋਈਆਂ ਹਨ।ਇੰਨ੍ਹਾਂ ਦੁਕਾਨਾਂ ਦੇ ਕਿਰਾਏ ਵਧਾਉਣ ਦੇ ਕੇਸ ਵੀ ਅਦਾਲਤਾਂ ਵਿਚ ਚੱਲ ਰਹੇ ਹਨ।ਪ੍ਰੰਤੂ ਇਸ ਦੌਰਾਨ ਹੀ ਨਿਗਮ ਵੱਲੋਂ ਲੀਜ਼ ਵਿਚ ਦਿੱਤੀ ਜਗ੍ਹਾਂ ਘਟਾਉਣ ਨੂੰ ਲੈ ਕੇ ਐਸਐਸਡੀ ਸਭਾ ਨੂੰ ਘੇਰਿਆ ਹੋਇਆ। ਹਾਲਾਂਕਿ ਸਭਾ ਦੇ ਅਹੁੱਦੇਦਾਰਾਂ ਨੇ ਐਡਵੋਕੇਟ ਅਭੈ ਸਿੰਗਲਾ ਦੀ ਅਗਵਾਈ ਹੇਠ ਲੰਘੀ 27 ਸਤੰਬਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਵਿਚ ਦਾਅਵਾ ਕੀਤਾ ਕਿ ਉਨ੍ਹਾਂ ਵੱਲੋਂ ਕੋਈ ਘਪਲੇਬਾਜ਼ੀ ਨਹੀਂ ਕੀਤੀ ਗਈ। ਜਦਕਿ ਦੁਕਾਨਦਾਰਾਂ ਨੇ ਇਸ ਘਪਲੇ ਦੀ ਪੰਜਾਬ ਵਿਜੀਲੈਂਸ ਤੋਂ ਉੱਚ ਪੱਧਰੀ ਜਾਂਚ ਦੀ ਮੰਗ ਕੀਤੀ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
