ਖਪਤਕਾਰ ਅਦਾਲਤ ਨੇ ਟਰੈਵਲਰ ਕੰਪਨੀ ਨੂੰ ਕੀਤਾ ਜੁਰਮਾਨਾ

ਸੁਖਜਿੰਦਰ ਮਾਨ
ਬਠਿੰਡਾ 16 ਦਸੰਬਰ: ਸਥਾਨਕ ਜ਼ਿਲ੍ਹਾ ਖਪਤਕਾਰ ਅਦਾਲਤ ਨੇ ਇੱਕ ਟੂਰ ਐਂਡ ਟਰੈਵਲਰ ਕੰਪਨੀ ਨੂੰ 10 ਹਜ਼ਾਰ ਰੁਪਏ ਜੁਰਮਾਨਾ ਲਗਾਉਂਦਿਆਂ ਪੀੜ੍ਹਤ ਵਿਅਕਤੀਆਂ ਵਲੋਂ ਦਿੱਤੇ ਪੈਸਿਆਂ ਨੂੰ 9 ਫ਼ੀਸਦੀ ਵਿਆਜ਼ ਸਹਿਤ ਵਾਪਸ ਕਰਨ ਦੇ ਹੁਕਮ ਦਿੱਤੇ ਹਨ। ਜਾਣਕਾਰੀ ਦਿੰਦਿਆਂ ਸਿਕਾਇਤਕਰਤਾ ਘਨਸਅਿਾਮ ਦੇ ਵਕੀਲ ਵਰੁਣ ਬਾਂਸਲ ਨੇ ਦਸਿਆ ਕਿ ਉਨ੍ਹਾਂ ਦੇ ਕਲਾਇੰਟਾਂ ਵਲੋਂ 2019 ‘ਚ ਇੱਕ ਟਿ੍ਰਪ ਬੁੱਕ ਕੀਤਾ ਗਿਆ ਸੀ ਤੇ ਜਿਸਦੇ ਬਦਲੇ ਕੰਪਨੀ ਨੂੰ 1,60,000 ਰੁਪਏ ਦੀ ਰਕਮ ਐਡਵਾਂਸ ਵਿੱਚ ਵੀ ਜਮ੍ਹਾਂ ਕਰਵਾਈ ਸੀ। ਕੰਪਨੀ ਨੇ ਉਸ ਨੂੰ 10 ਦਿਨਾਂ ਦੀ ਯਾਤਰਾ ਦਾ ਹੋਟਲ ਦੇਣ ਦਾ ਭਰੋਸਾ ਦਿੱਤਾ ਸੀ ਪ੍ਰੰਤੂ ਕੁਝ ਦਿਨਾਂ ਬਾਅਦ ਕੰਪਨੀ ਨੇ 4 ਲੱਖ ਦੀ ਮੰਗ ਕਰਨੀ ਸੁਰੂ ਕਰ ਦਿੱਤੀ, ਜਦੋਂ ਕਿ ਉਨ੍ਹਾਂ ਨੇ ਨਾ ਤਾਂ ਹੋਟਲ ਬੁੱਕ ਕਰਵਾਏ ਸਨ, ਨਾ ਹੀ ਯਾਤਰਾ ਲਈ ਵੀਜਾ ਸੀ ਅਤੇ ਨਾ ਹੀ ਹਵਾਈ ਟਿਕਟਾਂ ਬੁੱਕ ਕਰਵਾਈਆਂ ਸਨ। ਜੋਰ ਦੇਣ ’ਤੇ ਕੰਪਨੀ ਨੇ ਜਾਅਲੀ ਟਿਕਟ ਬਣਾ ਕੇ ਦੇ ਦਿੱਤੀ ਅਤੇ ਫਿਰ ਬਾਕੀ ਪੈਸੇ ਮੰਗਣ ਲੱਗੇ। ਘਨਸਅਿਾਮ ਦੀ ਵੀਜਾ ਫਾਈਲ ਅਜੇ ਕਲੀਅਰ ਨਹੀਂ ਹੋਈ ਸੀ, ਇਸ ਲਈ ਉਸਨੂੰ ਸੱਕ ਹੋਇਆ ਅਤੇ ਉਨ੍ਹਾਂ ਨੇ ਵਰੁਣ ਬਾਂਸਲ ਵਕੀਲ ਦੁਆਰਾ ਹਵਾਈ ਜਹਾਜ ਵਿਭਾਗ ਨੂੰ ਦਿੱਤੀ ਆਰਟੀਆਈ ਅਰਜੀ ਪ੍ਰਾਪਤ ਕੀਤੀ ਅਤੇ ਜਹਾਜ ਦੀਆਂ ਟਿਕਟਾਂ ਦਾ ਸਟੇਟਸ ਪੁੱਛਿਆ।ਹੈਰਾਨੀ ਦੀ ਗੱਲ ਇਹ ਹੈ ਕਿ ਵਿਭਾਗ ਨੇ ਜਵਾਬ ਦਿੱਤਾ ਕਿ ਇਹ ਟਿਕਟਾਂ ਫਰਜੀ ਹਨ ਅਤੇ ਤੁਹਾਡੇ ਨਾਂ ‘ਤੇ ਕੋਈ ਬੁਕਿੰਗ ਨਹੀਂ ਹੋਈ ਹੈ। ਇਸ ਤੋਂ ਬਾਅਦ ਕੰਪਨੀ ਨੂੰ ਕਾਨੂੰਨੀ ਨੋਟਿਸ ਭੇਜਿਆ ਗਿਆ, ਉਨ੍ਹਾਂ ਨੂੰ ਪੈਸੇ ਵਾਪਸ ਕਰਨ ਦੀ ਸਲਾਹ ਦਿੱਤੀ ਗਈ, ਪਰ ਕੰਪਨੀ ਨੇ ਪੈਸੇ ਵਾਪਸ ਨਹੀਂ ਕੀਤੇ, ਜਿਸ ਕਾਰਨ ਪੀੜਤ ਨੇ ਖ਼ਪਤਕਾਰ ਅਦਾਲਤ ਵਿਚ ਕੇਸ ਦਾਈਰ ਕੀਤਾ। ਸੁਣਵਾਈ ਤੋਂ ਬਾਅਦ ਫ਼ੋਰਮ ਨੇ ਫੈਸਲਾ ਸੁਣਾਉਂਦੇ ਹੋਏ ਕੰਪਨੀ ਨੂੰ 1,60,000 ਰੁਪਏ 9% ਵਿਆਜ ਸਮੇਤ ਜਮਾਂ ਹੋਣ ਦੀ ਮਿਤੀ ਤੋਂ ਭੁਗਤਾਨ ਕਰਨ ਦੇ ਨਾਲ ਨਾਲ 10,000 ਰੁਪਏ ਜੁਰਮਾਨਾ ਅਦਾ ਕਰਨ ਲਈ ਵੀ ਕਿਹਾ ਹੈ।