Firozpur News: ਪਹਿਲਗਾਮ ਅੱਤਵਾਦੀ ਹਮਲੇ ਤੋਂ ਬਾਅਦ ਮਈ ਮਹੀਨੇ ‘ਚ ਭਾਰਤੀ ਫ਼ੌਜ ਵੱਲੋਂ ਚਲਾਏ ਅਪ੍ਰੇਸ਼ਨ ਸੰਧੂਰ ਦੌਰਾਨ ਚਰਚਾ ਵਿਚ ਆਏ ਫ਼ਿਰੋਜਪੁਰ ਦੇ 10 ਸਾਲਾਂ ਸਰਵਣ ਸਿੰਘ ਨੂੰ ਹੁਣ ਦੇਸ਼ ਦੇ ਸਭ ਤੋਂ ਵੱਡੇ ਰਾਸਟਰੀ ਬਾਲ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਜਾ ਰਿਹਾ। ਭਲਕੇ ਦਿੱਲੀ ਵਿਚ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਵੱਲੋਂ ਇਹ ਪੁਰਸਕਾਰ ਉਸਨੂੰ ਦਿੱਤਾ ਜਾਵੇਗਾ, ਜਿਸਦੇ ਲਈ ਸਰਵਣ ਸਿੰਘ ਆਪਣੇ ਪਿਤਾ ਨਾਲ ਬੀਤੇ ਕੱਲ ਹੀ ਦਿੱਲੀ ਪੁੱਜ ਗਿਆ। ਜਿੱਥੇ ਆਉਣ-ਜਾਣ ਤੋਂ ਲੈ ਕੇ ਰਹਿਣ-ਸਹਿਣ ਦਾ ਸਾਰਾ ਖਰਚਾ ਸਰਕਾਰ ਵੱਲੋਂ ਕੀਤਾ ਜਾਵੇਗਾ। ਜਿਕਰਯੋਗ ਹੈ ਕਿ ਇਸਤੋਂ ਪਹਿਲਾਂ ਭਾਰਤੀ ਫ਼ੌਜ ਵੱਲੋਂ ਵੀ ਸਰਵਣ ਸਿੰਘ ਨੂੰ ਨਾਂ ਸਿਰਫ਼ ਸਨਮਾਨਿਤ ਕੀਤਾ ਜਾ ਚੁੱਕਿਆ, ਬਲਕਿ ਉਸਨੂੰ ‘ਗੋਦ’ਵੀ ਲਿਆ ਚੁੱਕਿਆ।
ਇਹ ਵੀ ਪੜ੍ਹੋ ਦੋ ਦਿਨ ਵੈਟਰਨਰੀ ਡਾਕਟਰਾਂ ਦੀਆਂ ਸੇਵਾਵਾਂ ਰਹੀਆਂ ਠੱਪ, ਪਸ਼ੂ ਪਾਲਕਾਂ ਨੂੰ ਮੁਸ਼ਕਿਲਾਂ ਦਰਪੇਸ਼
ਜਿਸਤੋਂ ਬਾਅਦ ਹੁਣ ਉਸਦੀ ਪੜਾਈ-ਲਿਖਾਈ ਤੋਂ ਲੈ ਕੇ ਸਾਰਾ ਖਰਚ ਭਾਂਰਤੀ ਫ਼ੌਜ ਵੱਲੋਂ ਕੀਤਾ ਜਾ ਰਿਹਾ। ਫ਼ੌਜ ਦੇ ਉੱਦਮ ਸਦਕਾ ਹੀ ਚੱਕ ਤਾਰਾ ਸਿੰਘ ਵਾਲਾ ਦੇ ਸਕੂਲ ਤੋਂ ਹਟਾ ਕੇ ਸਰਵਣ ਸਿੰਘ ਨੂੰ ਫ਼ਿਰੋਜਪੁਰ ਦੇ ਸਿਟੀ ਹਾਰਟ ਸਕੂਲ ਵਿਚ ਦਾਖਲ ਕਰਵਾਇਆ ਗਿਆ। ਦਸਣਾ ਬਣਦਾ ਹੈ ਕਿ ਮਈ ਮਹੀਨੇ ਹੋਏ ਅਪ੍ਰੇਸ਼ਨ ਸਿੰਧੂਰ ਦੌਰਾਨ ਬਾਰਡਰਾਂ ‘ਤੇ ਪੁੱਜੀ ਭਾਰਤੀ ਫ਼ੌਜ ਦੀ ਸਰਵਣ ਸਿੰਘ ਨੇ ਪੂਰੇ ਤਨ-ਮਨ ਨਾਲ ਸੇਵਾ ਕੀਤੀ ਸੀ। ਸਰਵਣ ਸਿੰਘ ਦੇ ਮਾਪਿਆਂ ਦਾ ਘਰ ਬਾਰਡਰ ਦੇ ਬਿਲਕੁੱਲ ਹੀ ਨਜ਼ਦੀਕ ਹੈ ਤੇ 10 ਸਾਲਾਂ ਇਸ ਬੱਚੇ ਨੇ ਬਿਨ੍ਹਾਂ ਕਿਸੇ ਭੈਅ ਦੇ ਬਾਰਡਰ ‘ਤੇ ਬੈਠੇ ਫ਼ੌਜੀਆਂ ਨੂੰ ਆਪਣੇ ਘਰੋਂ ਚਾਹ, ਲੱਸੀ, ਬਰਫ਼, ਰੋਟੀ ਆਦਿ ਲਿਜਾਂਦਾ ਰਿਹਾ। ਸਰਵਣ ਦੇ ਮਾਪਿਆਂ ਮੁਤਾਬਕ ਉਹ ਫ਼ੌਜੀਆਂ ਨਾਲ ਇੰਨ੍ਹਾਂ ਰਚ-ਮਿਚ ਗਿਆ ਸੀ ਕਿ ਸਕੂਲ ਵਿਚ ਛੁੱਟੀਆਂ ਹੋਣ ਕਾਰਨ ਸਾਰਾ-ਸਾਰਾ ਦਿਨ ਉਨ੍ਹਾਂ ਕੋਲ ਮੋਰਚਿਆਂ ਵਿਚ ਬੈਠਾ ਰਹਿੰਦਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
