Bathinda News: ਬੀਤੇ ਕੱਲ ਬਠਿੰਡਾ ਸ਼ਹਿਰ ਦੇ ਕੋਤਵਾਲੀ ਇਲਾਕੇ ਵਿੱਚ ਡਾਕਟਰ ਤੋਂ ਹੌਡਾ ਇਮੇਜ ਕਾਰ ਅਤੇ ਇੱਕ ਨੌਜਵਾਨ ਤੋਂ ਸਕੂਟੀ ਖੋਹਣ ਦੇ ਮਾਮਲੇ ਵਿੱਚ ਬਠਿੰਡਾ ਪੁਲਿਸ ਨੇ ਵੱਡੀ ਕਾਰਵਾਈ ਕਰਦਿਆਂ ਦੋ ਮੁਲਜ਼ਮਾਂ ਨੂੰ ਕਾਬੂ ਕਰਕੇ ਉਹਨਾਂ ਕੋਲੋਂ ਖੋਹੀ ਹੋਈ ਕਾਰ ਅਤੇ ਸਕੂਟੀ ਬਰਾਮਦ ਕਰ ਲਈ ਹੈ। ਮੰਗਲਵਾਰ ਨੂੰ ਮਾਮਲੇ ਦੀ ਜਾਣਕਾਰੀ ਮੀਡੀਆ ਨੂੰ ਦਿੰਦਿਆਂ ਬਠਿੰਡਾ ਦੇ ਐਸਪੀ ਸਿਟੀ ਨਰਿੰਦਰ ਸਿੰਘ ਅਤੇ ਡੀਐਸਪੀ ਸਿਟੀ ਅੰਮ੍ਰਿਤਪਾਲ ਸਿੰਘ ਭਾਟੀ ਨੇ ਦੱਸਿਆ ਮਾੜੇ ਅਨਸਰਾਂ ਖਿਲਾਫ ਚਲਾਈ ਗਈ ਮੁਹਿੰਮ ਤਹਿਤ ਥਾਣਾ ਕੋਤਵਾਲੀ ਬਠਿੰਡਾ ਦੇ ਏਰੀਆ ਵਿੱਚ ਹੋਈਆਂ ਖੋਹਾਂ ਸਬੰਧੀ ਮਿਤੀ 16.03.2026 ਨੂੰ 02 ਮੁੱਕਦਮੇ ਅਤੇ ਮਿਤੀ 17.03.2026 ਨੂੰ 01 ਮੁਕੱਦਮਾ ਦਰਜ਼ ਰਜਿਸਟਰ ਕੀਤਾ ਗਿਆ ਸੀ। ਇਸ ਸਬੰਧੀ ਥਾਣਾ ਕੋਤਵਾਲੀ ਨੇ ਵੱਖ ਵੱਖ ਪੁਲਿਸ ਪਾਰਟੀਆਂ ਜਿਹਨਾਂ ਵਿੱਚ ਇੰਚਾਰਜ ਚੋਕੀ ਸਿਵਲ ਹਸਪਤਾਲ ਬਠਿੰਡਾ, ਇੰਚਾਰਜ ਬੱਸ ਸਟੈਡ ਬਠਿੰਡਾ ਅਤੇ ਪੀ.ਸੀ.ਆਰ. ਪਾਰਟੀਆਂ ਸ਼ਾਮਲ ਕਰਕੇ ਕੁੱਲ 04 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕਰਕੇ ਉਹਨਾਂ ਦੇ ਕਬਜੇ ਵਿੱਚੋਂ ਇੱਕ ਕਾਰ, ਇੱਕ ਸਕੂਟਰੀ, ਇੱਕ ਮੋਟਰਸਾਈਕਲ ਅਤੇ 1000/- ਭਾਰਤੀ ਕਰੰਸੀ ਨੋਟ ਬਰਾਮਦ ਕਰਕੇ ਵੱਡੀ ਸਫਲਤਾ ਹਾਸਲ ਕੀਤੀ।
ਇਹ ਵੀ ਪੜ੍ਹੋ ਬਾਉਂਸਰ ਵੱਲੋਂ ਕੀਤੀ ਆਤਮ/ਹੱਤਿ.ਆ ਦੇ ਮਾਮਲੇ ‘ਚ Bathinda Police ਵੱਲੋਂ ਦਰਜ਼ਨ ਵਿਰੁਧ ਪਰਚਾ ਦਰਜ਼
ਐਸਪੀ ਸਿਟੀ ਨੇ ਦੱਸਿਆ ਕਿ ਕੰਟਰੋਲ ਰੂਮ ਤੋਂ ਮਿਲੀਆਂ ਇਤਲਾਹਾਂ ਉਪਰ ਹੋਈਆਂ ਖੋਹ ਸਬੰਧੀ ਕ੍ਰਮਵਾਰ ਤਿੰਨ ਮੁਕੱਦਮੇ,ਜਿਹਨਾਂ ਵਿੱਚੋਂ ਮਿਤੀ 16-03-2026 ਨੂੰ ਮੁੱਕਦਮਾ ਨੰਬਰ 60 ਮਿਤੀ 16.03.2026 ਅ/ਧ 307,3(5) ਬੀ.ਐੱਨ.ਐੱਸ , ਥਾਣਾ ਕੋਤਵਾਲੀ ਬਠਿੰਡਾ ਕਾਰ ਨੰਬਰੀ ਪੀ.ਬੀ03 ਏ.ਐੱਮ-7980 ਮਾਰਕਾ ਹਾਂਡਾ ਸਿਟੀ ਦੀ ਖੋਹ ਸਬੰਧੀ, ਮੁੱਕਦਮਾ ਨੰਬਰ 62 ਮਿਤੀ 16.03.2026 ਅ/ਧ 304(2),126(2) ਬੀ.ਐੱਨ.ਐੱਸ , ਥਾਣਾ ਕੋਤਵਾਲੀ ਬਠਿੰਡਾ ਇੱਕ ਟੀ.ਵੀ.ਐੱਸ ਸਕੂਟਰੀ ਜੁਪੀਟਰ ਰੰਗ ਬਲੈਕ ਨੰਬਰੀ ਪੀ.ਬੀ 03 ਬੀ.ਐੱਲ 0939 ਸਮੇਤ 1000 ਰੁਪਏ ਭਾਰਤੀ ਕਰੰਸੀ ਨੋਟ ਖੋਹ ਹੋਣ ਸਬੰਧੀ ਅਤੇ ਮਿਤੀ 17.03.2026 ਨੂੰ ਮੁੱਕਦਮਾ ਨੰਬਰ 63 ਮਿਤੀ 17.03.2026 ਅ/ਧ 304(2),3(5) ਬੀ.ਐੱਨ.ਐੱਸ , ਥਾਣਾ ਕੋਤਵਾਲੀ ਬਠਿੰਡਾ ਇੱਕ ਔਰਤ ਦੀਆਂ ਵਾਲੀਆਂ ਖੋਹ ਹੋਣ ਸਬੰਧੀ ਦਰਜ ਕੀਤੇ ਗਏ ਸਨ।ਜਿਸ ਵਿੱਚ ਸੀਨੀਅਰ ਅਫਸਰਾਂ ਦੀ ਅਗਵਾਈ ਅਤੇ ਦਿਸ਼ਾ ਨਿਰਦੇਸ਼ਾਂ ਪਰ ਗਠਿਤ ਕੀਤੀਆਂ ਵੱਖ-ਵੱਖ ਟੀਮਾਂ ਨੇ ਟੈਕਨੀਕਲ ਸੋਰਸਾਂ, ਸੀ.ਸੀ.ਟੀ.ਵੀ. ਕੈਮਰਿਆਂ ਅਤੇ ਹਿਊਮਨ ਇੰਟੈਲੀਜੈਂਸੀ ਦੀ ਮੱਦਦ ਨਾਲ ਤਿੰਨੋ ਮੁਕੱਦਮੇ ਟਰੇਸ ਕਰਕੇ ਵੱਡੀ ਸਫਲਤਾ ਹਾਸਲ ਕੀਤੀ ਹੈ ।
ਇਹ ਵੀ ਪੜ੍ਹੋ ਜਲੰਧਰ ਪਹੁੰਚਣ ਤੇ ਈਸ਼ਾਨ ਕਿਸ਼ਨ ਦਾ ਸ਼ਾਨਦਾਰ ਸਵਾਗਤ
ਮਿਤੀ 16-03-2026 ਨੂੰ ਉਕਤ ਸਕੂਟਰੀ ਚੋਰੀ ਹੋਣ ਸਬੰਧੀ ਦਰਜ਼ ਮੁਕੱਦਮੇ ਵਿੱਚ ਦੋ ਵਿਅਕਤੀਆਂ ਮਨਜਿੰਦਰ ਸਿੰਘ ਪੁੱਤਰ ਹੰਸਾ ਸਿੰਘ, ਰੋਹਿਤ ਕੁਮਾਰ ਪੁੱਤਰ ਲੇਖ ਰਾਜ ਵਾਸੀਅਨ ਗਲੀ ਨੰਬਰ ਅੰਬੇਦਕਰ ਨਗਰ ਬਠਿੰਡਾ ਨੂੰ ਗ੍ਰਿਫਤਾਰ ਕਰਕੇ ਉਹਨਾਂ ਪਾਸੋਂ ਸਕੂਟਰੀ ਜੁਪੀਟਰ ਰੰਗ ਬਲੈਕ ਨਬਰੀ ਪੀ.ਬੀ 03 ਬੀ.ਐੱਲ 0939, 1000/ਰੁਪਏ ਭਾਰਤੀ ਕਰੰਸ਼ੀ ਨੋਟ ਬਰਾਮਦ ਕੀਤੇ ਗਏ।ਦੌਰਾਨੇ ਪੁੱਛਗਿੱਛ ਇਹਨਾਂ ਨੇ ਮੰਨਿਆ ਕਿ ਜੋ ਕਾਰ ਨੰਬਰੀ ਪੀ.ਬੀ03 ਏ.ਐੱਮ-7980 ਮਾਰਕਾ ਹਾਂਡਾ ਸਿਟੀ ਦੀ ਖੋਹ ਹੋਈ ਸੀ ਉਹ ਵੀ ਇਹਨਾਂ ਨੇ ਕੀਤੀ ਸੀ, ਕਾਰ ਉਕਤ ਬਰਾਮਦ ਕਰ ਲਈ ਗਈ ਹੈ। ਇਸੇ ਤਰ੍ਹਾਂ ਮਿਤੀ 17-03-2026 ਨੂੰ ਇੱਕ ਔਰਤ ਦੀਆਂ ਸੋਨੇ ਦੀਆਂ ਬਾਲੀਆਂ ਦੀ ਖੋਹ ਸਬੰਧੀ ਦਰਜ਼ ਮੁਕੱਦਮੇ ਵਿੱਚ 02 ਵਿਅਕਤੀਆਂ ਨਿਰਮਲਜੀਤ ਸਿੰਘ ਪੁੱਤਰ ਸੁਖਮੰਦਰ ਸਿੰਘ ਅਤੇ ਅਜੇਪਾਲ ਸਿੰਘ ਪੁੱਤਰ ਕੁਲਦੀਪ ਸਿੰਘ ਵਾਸੀਆਨ ਦਾਨ ਸਿੰਘ ਵਾਲਾ ਨੂੰ ਗ੍ਰਿਫਤਾਰ ਕਰਕੇ ਇਹਨਾਂ ਦੇ ਕਬਜਾ ਵਿੱਚੋਂ ਖੋਹ ਕਰਨ ਲਈ ਵਰਤਿਆ ਗਿਆ ਮੋਟਰ ਸਾਈਕਲ ਬਰਾਮਦ ਕੀਤਾ ਗਿਆ। ਦੌਰਾਨੇ ਤਫਤੀਸ ਸਾਹਮਣੇ ਆਇਆ ਕਿ ਇਹ ਮੋਟਰ ਸਾਈਕਲ ਵੀ ਚੋਰੀ ਦਾ ਹੈ। ਪੁਲਿਸ ਅਧਿਕਾਰੀਆਂ ਮੁਤਾਬਕ ਪਹਿਲਾਂ ਵੀ ਜਿਲ੍ਹਾ ਬਠਿੰਡਾ ਦੇ ਵੱਖ-ਵੱਖ ਥਾਣਿਆਂ ਵਿੱਚ ਨਿਰਮਲਜੀਤ ਸਿੰਘ ਦੇ ਖਿਲਾਫ ਕੁੱਲ 10 ਮੁਕੱਦਮੇ ਅਤੇ ਅਜੇਪਾਲ ਸਿੰਘ ਦੇ ਖਿਲਾਫ ਕੁੱਲ 05 ਮੁਕੱਦਮੇ ਦਰਜ਼ ਰਜਿਸਟਰ ਹਨ।ਗ੍ਰਿਫਤਾਰ ਵਿਅਕਤੀਆਂ ਪਾਸੋਂ ਪੁੱਛ-ਗਿੱਛ ਕੀਤੀ ਜਾ ਰਹੀ ਹੈ ।ਇਹਨਾਂ ਦੀ ਪੁੱਛ-ਗਿੱਛ ਤੋਂ ਹੋਰ ਖੁਲਾਸੇ ਹੋਣ ਦੀ ਉਮੀਦ ਹੈ ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
