Bathinda News: ਬਠਿੰਡਾ ਦੇ ਟੀਚਰਜ ਹੋਮ ਵਿੱਚ ਅੱਜ ਸ਼ੁੱਕਰਵਾਰ ਨੂੰ ਕੌਮੀਂ ਇਨਸਾਫ਼ ਮੋਰਚਾ ,ਕਿਸਾਨ ਜਥੇਬੰਦੀਆਂ, ਮਜ਼ਦੂਰ ਜਥੇਬੰਦੀਆਂ, ਧਰਮਿਕ ਸਖਸ਼ੀਅਤਾਂ ਅਤੇ ਜਨਤਕ ਜਥੇਬੰਦੀਆਂ ਦੀ ਭਰਵੀਂ ਮੀਟਿੰਗ ਹੋਈ। ਮੀਟਿੰਗ ਵਿੱਚ ਕੌਮੀਂ ਇਨਸਾਫ ਮੋਰਚੇ ਦੇ ਆਗੂ ਬਾਪੂ ਗੁਰਚਰਨ ਸਿੰਘ, ਗੁਰਦੀਪ ਸਿੰਘ ਬਠਿੰਡਾ ,ਪਾਲ ਸਿੰਘ ਫਰਾਂਸ, ਬਲਵਿੰਦਰ ਸਿੰਘ ਫਿਰੋਜਪੁਰ ਸਮੇਤ ਸਮੁੱਚੀ ਟੀਮ, ਕਿਸਾਨ ਮੋਰਚਿਆਂ ਦੇ ਤਿੰਨੇ ਗਰੁੱਪਾਂ ਦੇ ਸੀਨੀਅਰ ਆਗੂ ਡਾ ਦਰਸ਼ਨਪਾਲ , ਸੁਰਜੀਤ ਸਿੰਘ ਫੂਲ ,ਕਾਕਾ ਸਿੰਘ ਕੋਟੜਾ , ਕਿਸਾਨ ਆਗੂ ਬਲਕਰਨ ਸਿੰਘ ਬਰਾੜ , ਸੁੱਖ ਗਿੱਲ, ਇੰਦਰਜੀਤ ਸਿੰਘ ਘਣੀਆ ਸਮੇਤ ਵੱਡੀ ਗਿਣਤੀ ਵਿੱਚ ਸੀਨੀਅਰ ਆਗੂ ,ਪੰਥਕ ਜਥੇਬੰਦੀਆਂ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ, ਯੂਨਾਈਟਡ ਅਕਾਲੀ ਦਲ ,ਦਲ ਖਾਲਸਾ ,ਵਾਰਸ ਪੰਜਾਬ ਦੇ ਅਕਾਲੀ ਦਲ ਦੇ ਆਗੂਆਂ ਵਿੱਚ ਗੁਰਜੰਟ ਸਿੰਘ ਕੱਟੂ ,ਪਰਵਿੰਦਰ ਸਿੰਘ, ਦਲ ਖਾਲਸਾ ਦੇ ਰਾਮ ਸਿੰਘ ਢਭਾਲੀ, ਗੁਰਵਿੰਦਰ ਸਿੰਘ , ਪੰਚ ਪ੍ਰਧਾਨੀ ਦੇ ਬਾਬਾ ਹਰਦੀਪ ਸਿੰਘ ਮਹਿਰਾਜ, ਵਾਰਸ ਪੰਜਾਬ ਦੇ ਸੁਖਦੀਪ ਸਿੰਘ ਭੁਚੋ ਸਮੇਤ ਵੱਡੀ ਗਿਣਤੀ ਵਿੱਚ ਪੰਥਕ ਵਰਕਰ ਸ਼ਾਮਿਲ ਸਨ ।
ਇਹ ਵੀ ਪੜ੍ਹੋ ‘ਜੈ ਜਵਾਨ, ਜੈ ਕਿਸਾਨ ਦਾ ਸੰਗਮ’,ਬਾਰਡਰ ’ਤੇ ਬੀਐਸਐਫ,ਖੇਤਾਂ ’ਚ ਕਿਸਾਨ
ਬਾਬਾ ਸੁਖਦੇਵ ਸਿੰਘ ਨਾਨਕਸਰ , ਬਾਬਾ ਸਰਵਣ ਦਾਸ ਉਦਾਸੀ ਸੰਪਰਦਾ ਸਮੇਤ ਸੰਤ ਮਹਾਂਪੁਰਖਾਂ, ਅੰਗਰੇਜ਼ ਸਿੰਘ ਗੋਰਾ ਅਤੇ ਬੋਗਾ ਸਿੰਘ ਸਮੇਤ ਮਜ਼ਦੂਰ ਜਥੇਬੰਦੀਆਂ ਦੇ ਆਗੂ ਅਤੇ ਯੂਥ ਆਗੂ ਨਵਦੀਪ ਸਿੰਘ ਢੱਡੇ, ਅਖੰਡ ਕੀਰਤਨੀ ਜੱਥੇ ਦੇ ਭਾਈ ਹਾਕਮ ਸਿੰਘ , ਵਪਾਰੀ ਆਗੂ ਸੀਤਾ ਰਾਮ ਜੀ, ਬਾਬਾ ਬਲਜੀਤ ਸਿੰਘ ਗਿਲਪੱਤੀ ਦਮਦਮੀ ਟਕਸਾਲ, ਅਤੇ ਹੋਰ ਜਥੇਬੰਦਕ ਆਗੂ ਸ਼ਾਮਿਲ ਸਨ। ਇਹ ਭਰਵੀਂ ਪ੍ਰਭਾਵਸ਼ਾਲੀ ਮੀਟਿੰਗ ਵਿੱਚ ਭਗਵੰਤ ਸਿੰਘ ਮਾਨ ਅਤੇ ਮੋਦੀ ਸਰਕਾਰ ਜਮਹੂਰੀਅਤ ਵਿਰੋਧੀ ਕਾਰਪੋਰੇਟ ਘਰਾਣਿਆ ਪੱਖੀ ਨੀਤੀਆਂ ਦੀ ਕਰੜੀ ਨਿੰਦਾ ਕੀਤੀ ਗਈ। ਮੀਟਿੰਗ ਵਿੱਚ 29 ਮਈ ਨੂੰ ਸਬ ਡਿਵੀਜ਼ਨ ਪੱਧਰ ਤੇ ਚੇਤਾਵਨੀ ਪੱਤਰ ਦੇਣ, 30 ਮਈ ਨੂੰ ਸ੍ਰੀ ਗੁਰੂ ਅਰਜਨ ਦੇਵ ਜੀ ਮਹਾਰਾਜ ਦੀ ਸ਼ਹਾਦਤ ਦਿਵਸ ਉੱਪਰ ਹਰ ਗੁਰੂ ਘਰ ਅਤੇ ਛਬੀਲ ਤੇ ਬੰਦੀ ਸਿੰਘਾਂ ਦੀਆਂ ਰਿਹਾਈਆਂ ,ਸ੍ਰੀ ਗੁਰੂ ਗ੍ਰੰਥ ਸਾਹਿਬਾਂ ਦੇ ਦੇਸ਼ ਦੋਸ਼ੀਆਂ ਨੂੰ ਸਜਾਵਾਂ ਅਤੇ ਬਾਈਬਲ ਕੋਟਕਪੂਰਾ ਗੋਲੀਆਂ ਕਾਂਡ ਦੇ ਦੋਸ਼ੀਆਂ ਨਾਲ ਭਗਵੰਤ ਮਾਨ ਸਰਕਾਰ ਦੀ ਘਿਉ ਖਿਚੜੀ ਹੋਣ ਕਾਰਨ ਇਨਸਾਫ ਦੇਣ ਤੋਂ ਭੱਜ ਰਹੀਆਂ ਸਰਕਾਰਾਂ ਦੇ ਵਿਰੋਧ ਵਿੱਚ ਪਰਮਾਤਮਾ ਅੱਗੇ ਪੰਥ ਪੰਜਾਬ ਦੀ ਜਿੱਤ ਅਤੇ ਤਾਨਾਸ਼ਾਹ ਦੇ ਹੰਕਾਰੀ ਸੱਤਾਧਾਰੀਆਂ ਨੂੰ ਹਾਰ ਦੇਣ ਲਈ ਅਰਦਾਸਾਂ ਕੀਤੀਆਂ ਜਾਣਗੀਆਂ।
ਇਹ ਵੀ ਪੜ੍ਹੋ 12ਵੀਂ ਜਮਾਤ ਵਿਚੋਂ ਫੇਲ੍ਹ ਹੋਣ ਤੋਂ ਦੁਖੀ 18 ਸਾਲਾਂ ਨੌਜਵਾਨ ਨੇ ਚੁੱਕਿਆ ਆਖਰੀ ਕਦਮ
ਸਾਰੀਆਂ ਜਥੇਬੰਦੀਆਂ ਨੇ ਜ਼ੋਰ ਦੇ ਕੇ ਪੰਜਾਬ ਦੇ ਲੋਕ ਜੰਗ ਨਹੀਂ ਚਾਹੁੰਦੇ। 1947 ਤੋਂ ਲੈ ਕੇ ਅੱਜ ਤੱਕ ਲੱਖਾਂ ਪੰਜਾਬੀਆਂ ਦਾ ਕਤਲੇਆਮ ਅਤੇ ਉਜਾੜਾ ਕਾਰਨ ਪੰਜਾਬ ਹੋਰ ਜੰਗ ਦਾ ਵਿਰੋਧ ਕਰੇਗਾ । ਹਰ ਮਸਲੇ ਦੇ ਹੱਲ ਲਈ ਗੱਲਬਾਤ ਹੀ ਇੱਕ ਰਸਤਾ ਹੈ। ਪੰਜਾਬ ਭਰ ਵਿੱਚ ਹੋਰ ਸੰਸਥਾਵਾਂ ਨਾਲ ਵਿਚਾਰ ਕਰਕੇ ਅਮਨ ਸ਼ਾਂਤੀ ਲਈ ਅਤੇ ਪਾਕਿਸਤਾਨ ਨਾਲ ਵਪਾਰਕ ਲਾਂਘਾ ਖੋਲਣ ਲਈ ਪੰਜਾਬ ਦੀ 532 ਕਿਲੋਮੀਟਰ ਸਰਹੱਦ ਉੱਪਰ ਮਨੁੱਖੀ ਚੇਨ ਬਣਾਈ ਜਾਵੇਗੀ। 30 ਮਈ ਤੋਂ ਬਾਅਦ ਸਿੱਖ ਸੰਪਰਦਾਵਾਂ ,ਪੰਥਕ ਜਥੇਬੰਦੀਆਂ, ਮਜ਼ਦੂਰ ਜਥੇਬੰਦੀਆਂ, ਕਿਸਾਨ ਜਥੇਬੰਦੀਆਂ ਅਤੇ ਅਮਨ ਪਸੰਦ ਜਥੇਬੰਦੀਆਂ ਦੀ ਸਾਂਝੀ ਮੀਟਿੰਗ ਸੱਦ ਕੇ ਸਖਤ ਪ੍ਰੋਗਰਾਮ ਅਤੇ ਜਥੇਬੰਦਕ ਸਿਸਟਮ ਨੂੰ ਦੁਬਾਰਾ ਸੰਗਠਿਤ ਕੀਤਾ ਜਾਵੇਗਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
