👉ਵਾਰਡ ਨੰਬਰ 48 ਵਾਸੀਆਂ ਦੀ ਵੱਡੀ ਜਿੱਤ, ਹਰ ਵਾਅਦੇ ਨੂੰ ਪੂਰਾ ਕਰਨ ਲਈ ਯਤਨ ਸ਼ੁਰੂ : ਸ਼੍ਰੀ ਅਮਰਜੀਤ ਮਹਿਤਾ
👉ਵਾਰਡ ਦੇ ਲੋਕਾਂ ਨੇ ਮੈਨੂੰ ਪੁੱਤਰ ਤੇ ਭਰਾ ਵਾਂਗ ਦਿੱਤਾ ਪਿਆਰ, ਮਹਿਤਾ ਪਰਿਵਾਰ ਹਮੇਸ਼ਾ ਰਹੇਗਾ ਰਿਣੀ : ਪਦਮਜੀਤ ਮਹਿਤਾ
ਬਠਿੰਡਾ, 23 ਦਸੰਬਰ:Bathinda News: 21 ਦਸੰਬਰ ਨੂੰ ਵਾਰਡ ਨੰਬਰ 48 ਵਿੱਚ ਹੋਈ ਜ਼ਿਮਨੀ ਚੋਣ ‘ਚ ਵੱਡੀ ਜਿੱਤ ਪ੍ਰਾਪਤ ਕਰਨ ਵਾਲੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਪਦਮਜੀਤ ਮਹਿਤਾ ਵੱਲੋਂ ਬੀਤੇ ਕੱਲ ਵਾਰਡ ਵਿਚ ਧੰਨਵਾਦ ਯਾਤਰਾ ਕੱਢੀ ਗਈ। ਇਸਤੋਂ ਪਹਿਲਾਂ ਉਹ ਆਪਣੇ ਪਿਤਾ ਤੇ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਦੇ ਚੇਅਰਮੈਨ ਅਮਰਜੀਤ ਮਹਿਤਾ ਅਤੇ ਪਾਰਟੀ ਆਗੂਆਂ ਨਾਲ ਗੁਰਦੂਆਰਾ ਕਿਲਾ ਸਾਹਿਬ ਵਿਖੇ ਨਤਮਸਤਕ ਹੋਏ ਅਤੇ ਗੁਰੂ ਸਾਹਿਬ ਦਾ ਸ਼ੁਕਰਾਨਾ ਕੀਤਾ। ਨਵੇਂ ਬਣੇ ਐਮਸੀ ਪਦਮਜੀਤ ਮਹਿਤਾ ਅਤੇ ਉਨ੍ਹਾਂ ਦੇ ਪਿਤਾ ਅਮਰਜੀਤ ਮਹਿਤਾ ਨੇ ਸ਼ਾਂਤੀਪੂਰਵਕ ਚੋਣਾਂ ਕਰਵਾਉਣ ਲਈ ਜ਼ਿਲ੍ਹਾ ਸਿਵਲ ਅਤੇ ਪੁਲਿਸ ਪ੍ਰਸ਼ਾਸਨ ਅਤੇ ਸਾਰੇ ਉਮੀਦਵਾਰਾਂ ਦਾ ਧੰਨਵਾਦ ਕੀਤਾ। ਇਸ ਦੌਰਾਨ ਉਹ ਆਪਣੇ ਮੁੱਖ ਚੋਣ ਦਫ਼ਤਰ ਤੋਂ ਜਿੱਤ ਲਈ ਧੰਨਵਾਦ ਯਾਤਰਾ ਕੱਢੀ ਗਈ, ਜਿਹੜੀ ਗੁਰੂਕੁਲ ਰੋਡ, ਗੋਪਾਲ ਨਗਰ ਆਦਿ ਖੇਤਰਾਂ ਵਿਚੋਂ ਹੁੰਦੀ ਹੋਈ ਮੁੜ ਦਫ਼ਤਰ ਵਿਖੇ ਸਮਾਪਤ ਹੋਈ।
ਇਹ ਵੀ ਪੜ੍ਹੋ Big News: ਪੰਜਾਬ ਪੁਲਿਸ ਦੀਆਂ ਚੌਕੀਆਂ ’ਤੇ ਗ੍ਰਨੇਡ ਸੁੱਟਣ ਵਾਲੇ ਯੁੂਪੀ ’ਚ ਪੁਲਿਸ ਮੁਕਾਬਲੇ ’ਚ ਕੀਤੇ ਹਲਾਕ !!
ਇਸ ਦੌਰਾਨ ਵਾਰਡ ਵਾਸੀਆਂ ਨੇ ਪਦਮਜੀਤ ਮਹਿਤਾ ਅਤੇ ਉਨ੍ਹਾਂ ਦੇ ਪਿਤਾ ਅਮਰਜੀਤ ਮਹਿਤਾ ਸਮੇਤ ਸਮੁੱਚੀ ਟੀਮ ਦਾ ਫੁੱਲਾਂ ਦੀ ਵਰਖਾ ਕਰਕੇ ਸਵਾਗਤ ਕੀਤਾ। ਇਸ ਮੌਕੇ ’ਤੇ ਐਮਸੀ ਪਦਮਜੀਤ ਮਹਿਤਾ ਅਤੇ ਅਮਰਜੀਤ ਮਹਿਤਾ ਨੇ ਵਾਰਡ ਵਾਸੀਆਂ ਦਾ ਉਨ੍ਹਾਂ ਦੀ ਜਿੱਤ ’ਤੇ ਧੰਨਵਾਦ ਕਰਦਿਆਂ ਕਿਹਾ ਕਿ ਇਹ ਜਿੱਤ ਪਦਮਜੀਤ ਦੀ ਨਹੀਂ, ਸਗੋਂ ਵਾਰਡ ਵਾਸੀਆਂ ਦੀ ਜਿੱਤ ਹੈ, ਜਿਨ੍ਹਾਂ ਨੇ ਪਦਮਜੀਤ ਨੂੰ ਸਿਰਫ 7 ਦਿਨਾਂ ’ਚ ਇੰਨਾ ਪਿਆਰ ਦਿੱਤਾ ਕਿ ਪਦਮਜੀਤ ਨੇ ਇਤਿਹਾਸਕ ਜਿੱਤ ਹਾਸਲ ਕੀਤੀ, ਜਿਸ ਲਈ ਮਹਿਤਾ ਪਰਿਵਾਰ ਇਸ ਵਾਰਡ ਦਾ ਹਮੇਸ਼ਾ ਰਿਣੀ ਰਹੇਗਾ। ਉਨ੍ਹਾਂ ਕਿਹਾ ਕਿ ਉਹ ਵਾਰਡ ਵਾਸੀਆਂ ਨੂੰ ਭਰੋਸਾ ਦਿੰਦੇ ਹਨ ਕਿ ਜਿਸ ਤਰ੍ਹਾਂ ਵਾਰਡ ਵਾਸੀਆਂ ਨੇ ਪਦਮਜੀਤ ਨੂੰ ਆਪਣੇ ਪੁੱਤਰ ਅਤੇ ਭਰਾ ਵਾਂਗ ਪਿਆਰ ਕਰਕੇ ਮਹਿਤਾ ਪਰਿਵਾਰ ’ਤੇ ਵਿਸ਼ਵਾਸ ਪ੍ਰਗਟਾਇਆ ਹੈ,
ਇਹ ਵੀ ਪੜ੍ਹੋ ਬਠਿੰਡਾ ਦੇ ਨਾਮੀਂ ਹੋਟਲ ’ਚ ਕੁੜੀ ਪਿੱਛੇ ਚੱਲੀਆਂ ਗੋ+ਲੀਆਂ, ਦੇਹ ਵਪਾਰ ਦਾ ਵੀ ਹੋਇਆ ਪਰਚਾ ਦਰਜ਼
ਉਸੇ ਤਰ੍ਹਾਂ ਮਹਿਤਾ ਪਰਿਵਾਰ ਵੱਲੋਂ ਵਾਰਡ ਵਾਸੀਆਂ ਨਾਲ ਕੀਤੇ ਹਰ ਵਾਅਦੇ ਨੂੰ ਪੂਰਾ ਕੀਤਾ ਜਾਵੇਗਾ ਅਤੇ ਇੱਕ ਸਾਲ ਦੇ ਸਮੇਂ ਵਿੱਚ ਵਾਅਦਿਆਂ ਨੂੰ ਮੁਕੰਮਲ ਕੀਤਾ ਜਾਵੇਗਾ, ਜਿਸ ਦੇ ਲਈ ਯਤਨ ਸ਼ੁਰੂ ਕਰ ਦਿੱਤੇ ਗਏ ਹਨ। ਇਸ ਜੇਤੂ ਧੰਨਵਾਦ ਰੈਲੀ ਵਿੱਚ ਚੇਅਰਮੈਨ ਜਤਿੰਦਰ ਭੱਲਾ, ਨੀਲ ਗਰਗ, ਅਨਿਲ ਠਾਕੁਰ, ਅੰਮ੍ਰਿਤ ਲਾਲ ਅਗਰਵਾਲ, ਐਡਵੋਕੇਟ ਨਵਦੀਪ ਜੀਦਾ, ਬਲਜੀਤ ਬੱਲੀ,ਗੁਰਤੇਜ ਸਿੰਘ ਸਿਵੀਆਂ, ਜ਼ਿਲ੍ਹਾ ਪ੍ਰਧਾਨ ਵਿਕਰਮ ਵਿੱਕੀ, ‘ਆਪ’ ਯੂਥ ਪ੍ਰਧਾਨ ਰਾਜਨ ਅਮਰਦੀਪ ਸਿੰਘ, ਅਸ਼ਵਨੀ ਬੰਟੀ, ਰਤਨ ਰਾਹੀ, ਸੋਨੀ ਪ੍ਰਧਾਨ, ਮਹਿੰਦਰ ਫ਼ੂਲੋਮਿਠੀ, ਐਡਵੋਕੇਟ ਸੂਰਿਆਕਾਂਤ ਸਿੰਗਲਾ, ਅਮਨ ਡੀਸੀ, ਬਾਬਾ ਜੇਸੀਬੀ ਦੇ ਐਮਡੀ ਕੇਵਲ ਕ੍ਰਿਸ਼ਨ ਕੇਬੀ, ਸਾਬਕਾ ਟਰੱਕ ਯੂਨੀਅਨ ਪ੍ਰਧਾਨ ਗੁਰਦੀਪ ਸਿੰਘ ਗੀਤਾ, ਕਿਸਾਨ ਆਗੂ ਜਗਤਾਰ ਸਿੰਘ ਗਿੱਲ, ਗੁਰਜੰਟ ਸਿੰਘ ਧੀਮਾਨ, ਪੰਜਾਬ ਹੋਟਲ ਐਸੋਸੀਏਸ਼ਨ ਦੇ ਪ੍ਰਧਾਨ ਸਤੀਸ਼ ਅਰੋੜਾ ਅਤੇ ਸਮੂਹ ‘ਆਪ’ ਲੀਡਰਸ਼ਿਪ, ਵਰਕਰ ਅਤੇ ਸਮਰਥਕ ਹਾਜ਼ਰ ਸਨ।
ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਣ ਲਈ ਹੇਠ ਦਿੱਤੇ ਲਿੰਕ ਨਾਲ ਜੁੜੋਂ
https://chat.whatsapp.com/EK1btmLAghfLjBaUyZMcLK
Share the post "Bathinda News: ਜਿੱਤ ਤੋਂ ਬਾਅਦ ਪਦਮ ਮਹਿਤਾ ਨੇ 48 ਨੰਬਰ ਵਾਰਡ ’ਚ ਕੱਢੀ ਧੰਨਵਾਦ ਯਾਤਰਾ"