👉ਚੋਰੀ ਹੋਏ ਸੋਨੇ,ਚਾਂਦੀ ਦੇ ਗਹਿਣਿਆ ਤੇ ਨਗਦੀ ਵਿਚੋਂ ਕੁੱਝ ਹੋਈ ਬ੍ਰਾਮਦਗੀ
Bathinda News: ਰਾਮਪੁਰਾ ਫ਼ੂਲ ਇਲਾਕੇ ਦੇ ਇੱਕ ਨਾਮੀ ਸਕੂਲ ਦੀ ਮਾਲਕਣ ਦੇ ਬਠਿੰਡਾ ਦੇ ਸ਼ਾਂਤ ਨਗਰ ਵਿਚ ਸਥਿਤ ਘਰ ਵਿਚ ਅਪ੍ਰੈਲ ਮਹੀਨੇ ‘ਚ 74 ਤੋਲੇ ਸੋਨਾ ਤੇ ਇੱਕ ਕਿੱਲੋਂ ਚਾਂਦੀ ਚੋਰੀ ਕਰਨ ਦੇ ਮਾਮਲੇ ਵਿਚ ਵੱਡੀ ਕਾਰਵਾਈ ਕਰਦਿਆਂ ਬਠਿੰਡਾ ਪੁਲਿਸ ਨੇ ਇੱਕ ਮੁਲਜਮ ਨੂੰ ਕਾਬੂ ਕਰਨ ਵਿਚ ਸਫ਼ਲਤਾ ਹਾਸਲ ਕੀਤੀ ਹੈ। ਜਦਕਿ ਇਸ ਮਾਮਲੇ ਵਿਚ ਤਿੰਨ ਜਣੇ ਹਾਲੇ ਵੀ ਫ਼ਰਾਰ ਹਨ। ਮੁਲਜਮ ਬਿਹਾਰ ਦੇ ਦਰਬੰਗਾ ਜ਼ਿਲ੍ਹੇ ਦੇ ਰਹਿਣ ਵਾਲੇ ਹਨ, ਜਿੰਨ੍ਹਾਂ ਦੇ ਵਿਚੋਂ ਇੱਕ ਔਰਤ ਉਕਤ ਘਰ ਵਿਚ ਕੰਮ ਕਰਦੀ ਸੀ। ਬੁੱਧਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਰਾਹੀਂ ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਐਸਪੀ ਸਿਟੀ ਨਰਿੰਦਰ ਸਿੰਘ ਨੇ ਡੀਐਸਪੀ ਸਿਟੀ ਸਰਵਜੀਤ ਸਿੰਘ ਬਰਾੜ ਤੇ ਐਸਐਚਓ ਸਿਵਲ ਲਾਈਨ ਇੰਸਪੈਕਟਰ ਹਰਜੋਤ ਸਿੰਘ ਮਾਨ ਦੀ ਹਾਜ਼ਰੀ ਵਿਚ ਦਸਿਆ ਕਿ ਚੋਰੀ ਦੀ ਇਸ ਘਟਨਾ ਦੇ ਸਬੰਧ ਵਿਚ 03/05/2025 ਨੂੰ ਚਰਨਜੀਤ ਕੌਰ ਪਤਨੀ ਗਮਦੂਰ ਸਿੰਘ ਵਾਸੀ ਮਕਾਨ ਨੰ 183ਏ/1 ਸਾਂਤ ਨਗਰ ਬਠਿੰਡਾ ਨੇ ਸਿਕਾਇਤ ਦਰਜ਼ ਕਰਵਾਈ ਸੀ।
ਇਹ ਵੀ ਪੜ੍ਹੋ AAP MLA ਦੀ ਗੱਡੀ ਦਾ ਭਿਆਨਕ Accident;ਹਾਲਾਤ ਗੰਭੀਰ,ਗੰਨਮੈਂਨ ਵੀ ਹੋਇਆ ਜਖ਼ਮੀ
ਜਿਸਦੇ ਵਿਚ ਉਸਨੇ ਦਾਅਵਾ ਕੀਤਾ ਸੀ ਕਿ ਉਸਦੇ ਦੋ ਬੱਚੇ ਬਾਹਰਲੇ ਦੇਸ਼ ਅਤੇ ਇੱਕ ਬੱਚਾ ਦਿੱਲੀ ਵਿਖੇ ਰਹਿੰਦਾ ਹੈ ਅਤੇ ਉਹ ਆਪਣੇ ਬਜੁਰਗ ਮਾਤਾ ਪਿਤਾ ਸਮੇਤ ਸ਼ਾਂਤ ਨਗਰ ਵਿਖੇ ਰਹਿੰਦੀ ਹੈ। ਮੁਦਈ ਮੁਤਾਬਕ ਉਹ ਆਪ ਸਵੇਰੇ ਹੀ ਰਾਮਪੁਰਾ ਸਕੂਲ ਵਿਖੇ ਚਲੀ ਜਾਂਦੀ ਹੈ ਅਤੇ ਬਾਅਦ ਵਿੱਚ ਉਹਨਾਂ ਦੇ ਮਾਤਾ ਪਿਤਾ ਦੀ ਦੇਖਰੇਖ ਨੌਕਰ ਕਰਦੇ ਹਨ। ਦਸੰਬਰ 2024 ਵਿੱਚ ਇੱਕ ਪ੍ਰਵਾਰਕ ਮੈਰਿਜ ਫੰਕਸ਼ਨ ਦੌਰਾਨ ਉਸਨੇ ਸੋਨੇ ਦੇ ਗਹਿਣੇ ਆਪਣੇ ਬੈਂਕ ਲੋਕਰ ਵਿੱਚੋਂ ਕਢਵਾ ਕੇ ਘਰ ਦੀ ਅਲਮਾਰੀ ਵਿੱਚ ਰੱਖ ਲਏ ਸਨ ਪ੍ਰੰਤੂ ਬਾਅਦ ਵਿੱਚ ਕੰਮਾਂ-ਕਾਰਾਂ ਵਿੱਚ ਮਸ਼ਰੂਫ ਹੋਣ ਕਰਕੇ ਵਾਪਸ ਲੌਕਰ ਵਿੱਚ ਜਮ੍ਹਾ ਨਹੀਂ ਕਰਵਾ ਸਕੀ ਸੀ। ਇਸ ਦੌਰਾਨ ਮਈ ਮਹੀਨੇ ਦੇ ਸ਼ੁਰੂ ਵਿਚ ਜਦ ਉਨ੍ਹਾਂ ਉਕਤ ਅਲਮਾਰੀ ਨੂੰ ਚੈਕ ਕੀਤਾ ਤਾਂ ਗਹਿਣੇ ਗਾਇਬ ਸਨ। ਚਰਨਜੀਤ ਕੌਰ ਮੁਤਾਬਕ ਉਨ੍ਹਾਂ ਦੇ ਘਰ ਵਿਚ ਲੱਗੀ ਕੰਮ ਵਾਲੀ ਔਰਤ ਰਤਨੀ ਪਤਨੀ ਵਿਨੋਦ ਮਾਹਤੋ ਵਾਸੀ ਦਰਬੰਗਾ ਆਖਰੀ ਵਾਰ 09.04.2025 ਨੂੰ ਉਹਨਾਂ ਦੇ ਘਰ ਆਈ ਸੀ ਤੇ ਉਸਤੋਂ ਬਾਅਦ ਬਿਨਾਂ ਦੱਸੇ ਚੋਰੀ ਹੋਏ ਸੋਨੇ ਦੇ ਗਹਿਣਿਆ ਦਾ ਵਜਨ ਕਰੀਬ 738 ਗ੍ਰਾਮ(ਕਰੀਬ 74 ਤੋਲੇ) ਸੀ ਅਤੇ 01 ਕਿਲੋ ਦੇ ਕਰੀਬ ਚਾਂਦੀ ਦੇ ਗਹਿਣੇ ਸਨ।
ਇਹ ਵੀ ਪੜ੍ਹੋ 20,000 ਰੁਪਏ ਰਿਸ਼ਵਤ ਲੈਂਦਾ ਫਾਇਰ ਅਫਸਰ ਵਿਜੀਲੈਂਸ ਬਿਊਰੋ ਵੱਲੋਂ ਗ੍ਰਿਫ਼ਤਾਰ
ਇਸ ਸਬੰਧ ਪੁਲਿਸ ਵੱਲੋਂ ਮੁਕੱਦਮਾ ਨੰਬਰ 91 ਮਿਤੀ 03/05/2025 ਅ/ਧ 306 ਬੀ.ਐਨ.ਐਸ ਥਾਣਾ ਸਿਵਲ ਲਾਈਨ ਬਠਿੰਡਾ ਵਿਖੇ ਦਰਜ਼ ਕੀਤਾ ਗਿਆ ਸੀ। ਪੁਲਿਸ ਨੇ ਮਾਮਲੇ ਦੀ ਡੂੰਘਾਈ ਨਾਲ ਪੜਤਾਲ ਕਰਦਿਆਂ ਮੁਲਜਮਾਂ ਦੀ ਪੈੜ੍ਹ ਬਿਹਾਰ ਦੇ ਦਰਬੰਗਾ ਜ਼ਿਲ੍ਹੇ ਵਿਚ ਜਾ ਨੱਪੀ ਅਤੇ ਵਿਨੋਦ ਮਹੰਤੋਂ ਨਾਂ ਦੇ ਵਿਅਕਤੀ ਨੂੰ ਕਾਬੂ ਕੀਤਾ ਗਿਆ ਹੈ। ਇਸਦੇ ਕੋਲੋਂ 17 ਤੋਲੇ ਸੋਨਾ, ਵੇਚੇ ਗਏ ਸੋਨੇ ਦੇ 5 ਲੱਖ ਰੁਪਏ ਨਗਰ ਅਤੇ 300 ਗ੍ਰਾਂਮ ਚਾਂਦੀ ਬਰਾਮਦ ਕੀਤੀ ਜਾ ਚੁੱਕੀ ਹੈ। ਇਸਤੋਂ ਇਲਾਵਾ ਇਸ ਮਾਮਲੇ ਵਿਚ ਵਿਨੋਦ ਦੀ ਘਰ ਵਾਲੀ ਰਤਨੀ ਦੇਵੀ, ਉਸਦੀ ਮਾਂ ਸਵਿੱਤਰੀ ਦੇਵੀ ਅਤੇ ਵਿਨੋਦ ਦੇ ਦੋਸਤ ਦਵਿੰਦਰ ਸਿੰਘ ਨੂੰ ਵੀ ਇਸ ਕੇਸ ਵਿਚ ਨਾਮਜਦ ਕੀਤਾ ਗਿਆ ਹੈ, ਜਿੰਨ੍ਹਾਂ ਦੀ ਗ੍ਰਿਫਤਾਰੀ ਹਾਲੇ ਬਾਕੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
