👉ਭਲਕ ਖ਼ਤਮ ਹੋਣਾ ਸੀ ਵਿਜੀਲੈਂਸ ਰਿਮਾਂਡ, ਸਿਹਤ ਖ਼ਰਾਬ ਹੋਣ ਕਾਰਨ ਲਿਆ ਫੈਸਲਾ
Bathinda News: ਆਮਦਨ ਤੋਂ ਵੱਧ ਜਾਇਦਾਦ ਬਣਾਉਣ ਦੇ ਦੋਸ਼ਾਂ ਹੇਠ ਵਿਜੀਲੈਂਸ ਦੇ ਰਿਮਾਂਡ ’ਤੇ ਚੱਲ ਰਹੀ ਪੰਜਾਬ ਪੁਲਿਸ ਦੀ ਬਰਖਾਸਤ ਮਹਿਲਾ ਕਾਂਸਟੇਬਲ ਅਮਨਦੀਪ ਕੌਰ ਨੂੰ ਅੱਜ ਬੁੱਧਵਾਰ ਨੂੰ ਅਚਨਚੇਤ ਵਿਜੀਲੈਂਸ ਵੱਲੋਂ ਮੁੜ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਜਿੱਥੇ ਜਾਂਚ ਅਧਿਕਾਰੀ ਡੀਐਸਪੀ ਕੁਲਵੰਤ ਸਿੰਘ ਵੱਲੋਂ ਉਸਦੀ ਸਿਹਤ ਨੂੰ ਦੇਖਦਿਆਂ ਪੁਲਿਸ ਰਿਮਾਂਡ ਨੂੰ ਖ਼ਤਮ ਕਰਕੇ ਨਿਆਂਇਕ ਹਿਰਾਸਤ ਦੇਣ ਦੀ ਮੰਗ ਸਬੰਧੀ ਅਰਜ਼ੀ ਦਿੱਤੀ ਗਈ। ਚੀਫ਼ ਜੂਡੀਸੀਅਲ ਮੈਜਿਸਟਰੇਟ ਦੀ ਅਦਾਲਤ ਨੇ ਵਿਜੀਲੈਂਸ ਅਧਿਕਾਰੀ ਵੱਲੋਂ ਦਿੱਤੀ ਅਰਜ਼ੀ ਨੂੰ ਮੰਨਜੂਰ ਕਰਦਿਆਂ ਨਿਆਂਇਕ ਹਿਰਾਸਤ ਤਹਿਤ ਉਸਦਾ ਇਲਾਜ਼ ਕਰਵਾਉਣ ਨੂੰ ਮੰਨਜੂਰੀ ਦੇ ਦਿੱਤੀ।
ਇਹ ਵੀ ਪੜ੍ਹੋ ਪੰਜਾਬ ’ਚ ਵਾਪਰੇ ਭਿਆ.ਨਕ ਹਾਦਸੇ ’ਚ ਤਿੰਨ ਨੌਜਵਾਨਾਂ ਦੀ ਹੋਈ ਮੌ+ਤ
ਜਿਸਤੋਂ ਬਾਅਦ ਹੂਣ ਉਸਨੂੰ ਬਠਿੰਡਾ ਏਮਜ਼ ਵਿਚ ਅਗਲੇ ਇਲਾਜ਼ ਲਈ ਭੇਜਿਆ ਗਿਆ, ਜਿੱਥੇ ਵਿਜੀਲੈਂਸ ਵੱਲੋਂ ਜੇਲ੍ਹ ਵਿਭਾਗ ਦੇ ਅਧਿਕਾਰੀਆਂ ਨੂੰ ਸੂਚਿਤ ਕਰਨ ਤੋਂ ਬਾਅਦ ਇਸ ਸਾਬਕਾ ਮਹਿਲਾ ਕਾਂਸਟੇਬਲ ਨੂੰ ਜ਼ਿਲ੍ਹਾ ਪੁਲਿਸ ਦੀ ਸੁਰੱਖਿਆ ਛਤਰੀ ਹੇਠ ਛੱਡ ਦਿੱਤਾ। ਜਿਕਰਯੋਗ ਹੈ ਕਿ ਬੀਤੇ ਕੱਲ ਹੀ ਵਿਜੀਲੈਂਸ ਨੇ ਅਮਨਦੀਪ ਕੌਰ ਨੂੰ ਅਦਾਲਤ ਵਿਚ ਪੇਸ਼ ਕਰਕੇ ਉਸਦਾ ਤਿੰਨ ਲਈ ਪੁਲਿਸ ਰਿਮਾਂਡ ਹਾਸਲ ਕੀਤਾ ਸੀ। ਪ੍ਰੰਤੂ ਬੀਤੀ ਦੇਰ ਰਾਤ ਉਸਦੀ ਸਿਹਤ ਵਿਗੜ ਗਈ ਅਤੇ ਪੇਟ ਵਿਚ ਤਿੱਖਾ ਦਰਦ ਹੋਣ ਕਾਰਨ ਉਸਨੂੰ ਰਾਤ ਕਰੀਬ 2 ਵਜੇਂ ਬਠਿੰਡਾ ਦੇ ਸਿਵਲ ਹਸਪਤਾਲ ਲਿਆਂਦਾ ਗਿਆ।
ਇਹ ਵੀ ਪੜ੍ਹੋ ਪੰਜਾਬ ਸਰਕਾਰ ਦੀ ਵੱਡੀ ਕਾਰਵਾਈ; ਐਸਐਸਪੀ ਨੂੰ ਕੀਤਾ ਮੁਅੱਤਲ
ਜਿੱਥੇ ਸਕੈਨ ਤੋਂ ਬਾਅਦ ਡਾਕਟਰਾਂ ਨੂੰ ਪਤਾ ਲੱਗਿਆ ਕਿ ਉਸਦੇ ਗੁਰਦੇ ਦੇ ਹੇਠਲੇ ਪਾਸੇ ਪਿਸਾਬ ਨਲੀ ਵਿਚ ਕਰੀਬ 4 ਐਮਐਮ ਦੀ ਪੱਥਰੀ ਹੈ, ਜਿਸਦੇ ਕਾਰਨ ਅਗਲੇਰੇ ਇਲਾਜ਼ ਲਈ ਉਸਨੂੰ ਬਠਿੰਡਾ ਏਮਜ਼ ਦੇ ਯੂਰੋਲਿਸਟ ਵਿਭਾਗ ਵਿਚ ਰੈਫ਼ਰ ਕੀਤਾ ਗਿਆ ਸੀ। ਉਧਰ, ਮੁਲਜਮ ਅਮਨਦੀਪ ਦੀ ਸਿਹਤ ਨੂੰ ਦੇਖਦਿਆਂ ਵਿਜੀਲੈਂਸ ਨੇ ਆਪਣੀ ਪੁਛਗਿਛ ਪੂਰੀ ਨਾ ਹੁੰਦੀ ਵੇਖ ਪੈਂਤੜਾ ਬਦਲਦਿਆਂ ਅਦਾਲਤ ਵਿਚ ਉਸਦਾ ਪੁਲਿਸ ਰਿਮਾਂਡ ਖ਼ਤਮ ਕਰਨ ਦੀ ਅਰਜ਼ੀ ਲਗਾ ਦਿੱਤੀ। ਕਾਨੂੰਨੀ ਮਾਹਰਾਂ ਮੁਤਾਬਕ ਹਾਲੇ ਵੀ ਵਿਜੀਲੈਂਸ 60 ਦਿਨਾਂ ਦੇ ਵਿਚ ਮੁੜ ਉਸਦਾ ਰਿਮਾਂਡ ਹਾਸਲ ਕਰਕੇ ਪੁਛਗਿਛ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ ਵਿਜੀਲੈਂਸ ਦੀ ਹਿਰਾਸਤ ’ਚ ਬਰਖਾਸਤ ਕਾਂਸਟੇਬਲ ਦੀ ਵਿਗੜੀ ਸਿਹਤ; ਹਸਪਤਾਲ ਦਾਖ਼ਲ
ਜਿਕਰਯੋਗ ਹੈ ਕਿ ਲੰਘੀ 3 ਅਪ੍ਰੈਲ ਨੂੰ ਚਿੱਟੇ ਸਹਿਤ ਕਾਲੀ ਥਾਰ ਵਿਚ ਕਾਬੂ ਕੀਤੀ ਗਈ ਅਮਨਦੀਪ ਕੌਰ ਨੂੰ ਇਸ ਕੇਸ ਵਿਚੋਂ ਜਮਾਨਤ ਮਿਲ ਗਈ ਸੀ ਪ੍ਰੰਤੂ ਬਾਅਦ ਵਿਚ ਵਿਜੀਲੈਂਸ ਵੱਲੋਂ ਆਮਦਨ ਤੋਂ ਵੱਧ ਜਾਇਦਾਦ ਬਣਾਉਣ ਦੇ ਦੋਸ਼ਾਂ ਹੇਠ 26 ਮਈ ਨੂੰ ਗ੍ਰਿਫਤਾਰ ਕਰ ਲਿਆ ਸੀ। ਇਸਤੋਂ ਇਲਾਵਾ ਅਦਾਲਤ ਵਿਚੋਂ ਸਰਚ ਵਾਰੰਟ ਲੈ ਕੇ ਬੀਤੇ ਕੱਲ ਹੀ ਉਸਦੀ ਵਿਰਾਟ ਗਰੀਨ ਕਲੌਨੀ ਵਿਚ ਸਥਿਤ ਕੋਠੀ ਦੀ ਪੈਮਾਇਸ਼ ਕੀਤੀ ਗਈ ਸੀ। ਨਾਲ ਹੀ ਜ਼ਿਲ੍ਹਾ ਪੁਲਿਸ ਵੱਲੋਂ ਨਸ਼ਾ ਤਸਕਰੀ ਦਾ ਪਰਚਾ ਦਰਜ਼ ਹੋਣ ਤੋਂ ਬਾਅਦ ਉਸਦੀ ਕੋਠੀ, ਪਲਾਟ, ਥਾਰ, ਬੁਲੈਟ ਤੇ ਮਹਿੰਗੀ ਘੜੀ ਸਹਿਤ ਬੈਂਕ ਖ਼ਾਤਿਆਂ ਨੂੰ ਵੀ ਫ਼ਰੀਜ਼ ਕਰਵਾ ਦਿੱਤਾ ਗਿਆ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
