65 ਸਕੂਲਾਂ ਦੇ 4000 ਵਿਦਿਆਰਥੀਆਂ ਨੇ ਭਾਗ ਲਿਆ
ਬਠਿੰਡਾ 12 ਸਤੰਬਰ :ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਵੱਲੋਂ ਹਰ ਸਾਲ ਸਕੂਲਾਂ ਦੇ ਵਿਦਿਆਰਥੀਆਂ ਵਿੱਚ ਨੈਤਿਕ ਕਦਰਾਂ ਕੀਮਤਾਂ ਦੀ ਬਹਾਲੀ ਲਈ ਨੈਤਿਕ ਸਿੱਖਿਆ ਇਮਤਿਹਾਨ ਲਿਆ ਜਾਂਦਾ ਹੈ। ਇਸੇ ਲੜੀ ਤਹਿਤ ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਬਠਿੰਡਾ ਖੇਤਰ ਵੱਲੋਂ ਅੱਜ ਨੈਤਿਕ ਸਿੱਖਿਆ ਇਮਤਿਹਾਨ 2023 ਜਿਲ੍ਹਾ ਬਠਿੰਡਾ ਦਾ ਨਤੀਜਾ ਐਲਾਨ ਦਿੱਤਾ ਹੈ । ਇਸ ਇਮਤਿਹਾਨ ਵਿੱਚ ਜ਼ਿਲ੍ਹੇ ਦੇ 65 ਸਕੂਲਾਂ ਦੇ 4000 ਵਿਦਿਆਰਥੀਆਂ ਨੇ ਭਾਗ ਲਿਆ ।

ਚੱਲਦੀ ਪ੍ਰੈਸ ਕਾਨਫ਼ਰੰਸ ਦੌਰਾਨ ਆਪਸ ‘ਚ ਭਿੜੇ ਪਟਵਾਰੀ, ਪਟਵਾਰੀ ਧੜਾਂ ਹੋਇਆ ਦੋ ਫਾੜ

ਘੋਸ਼ਿਤ ਨਤੀਜੇ ਅਨੁਸਾਰ ਦਰਜਾ ਤੀਜਾ (ਨੌਵੀਂ ਤੋਂ ਬਾਹਰਵੀਂ ਤੱਕ ) ਚੋਂ ਪਹਿਲਾ ਸਥਾਨ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੰਗਤ ਮੰਡੀ ਦੀ ਵਿਦਿਆਰਥਣ ਪ੍ਰਭਜੋਤ ਕੌਰ, ਦੂਜਾ ਸਥਾਨ ਸੁਖਵੀਰ ਕੌਰ ਮੈਰੀਟੋਰੀਅਸ ਸਕੂਲ ਬਠਿੰਡਾ, ਤੀਜਾ ਸਥਾਨ ਗੁਰਕੀਰਤ ਸਿੰਘ ਸੰਤ ਕਬੀਰ ਕਾਨਵੇਂਟ ਸਕੂਲ ਭੁੱਚੋ ਨੇ ਹਾਸਿਲ ਕੀਤਾ। ਇਸੇ ਤਰਾਂ ਦਰਜਾ ਦੂਜਾ (ਛੇਵੀਂ ਤੋਂ ਅੱਠਵੀਂ ਤੱਕ) ਵਿੱਚੋਂ ਪਹਿਲਾ ਸਥਾਨ ਜਸਮੀਨ ਕੌਰ, ਗੁਰੂ ਗੋਬਿੰਦ ਸਿੰਘ ਕੰਨਵੇਂਟ ਸਕੂਲ ਨਥਾਣਾ, ਦੂਜਾ ਸਥਾਨ ਗੁਰਅੰਸਦੀਪ ਕੌਰ, ਸ੍ਰੀ ਗੁਰੂ ਹਰਕ੍ਰਿਸ਼ਨ ਪਬਲਿਕ ਸਕੂਲ ਬਠਿੰਡਾ ਤੇ ਤੀਜਾ ਸਥਾਨ ਗੁਰਮਹਿਕ ਕੌਰ ਸਰਕਾਰੀ ਹਾਈ ਸਕੂਲ ਭੈਣੀ ਨੇ ਪ੍ਰਾਪਤ ਕੀਤਾ ।

Asia Cup 2023: ਭਾਰਤ ਦੀ ਪੂਰੀ ਟੀਮ 197 ਦੌੜਾਂ ਤੇ ਸਿਮਟੀ, ਬਾਰਿਸ਼ ਕਰਕੇ ਰੁੱਕਿਆ ਮੈਚ

ਇਸ ਤੋਂ ਇਲਾਵਾ ਹਰੇਕ ਗਰੁੱਪ ਵਿੱਚੋਂ 2 ਚੌਥੇ ਅਤੇ 2 ਪੰਜਵੇਂ ਦਰਜੇ ਦੇ ਨਾਲ-ਨਾਲ ਕੁੱਲ 58 ਵਿਦਿਆਰਥੀਆਂ ਨੂੰ ਮੈਰਿਟ ਸਥਾਨ ਤੇ ਰੱਖਿਆ ਗਿਆ। ਪਹਿਲੀਆਂ ਪੰਜ ਪੋਜੀਸ਼ਨਾਂ ਤੇ ਆਉਣ ਵਾਲੇ ਵਿਦਿਆਰਥੀਆਂ ਨੂੰ ਨਗਦ ਇਨਾਮ, ਯਾਦਗਾਰੀ ਚਿੰਨ ਅਤੇ ਮੈਰਿਟ ਸਥਾਨ ਤੇ ਆਉਣ ਵਾਲੇ ਵਿਦਿਆਰਥੀਆਂ ਨੂੰ ਉਚੇਚੇ ਤੌਰ ਤੇ ਅੰਤਰ ਸਕੂਲ ਯੁਵਕ ਮੇਲੇ ਵਿੱਚ ਸਨਮਾਨਿਤ ਕੀਤਾ ਜਾਵੇਗਾ। ਨਤੀਜਾ ਘੋਸ਼ਿਤ ਕਰਦਿਆਂ ਖੇਤਰ ਬਠਿੰਡਾ ਦੇ ਸਕੱਤਰ ਡਾ ਗੁਰਜਿੰਦਰ ਸਿੰਘ ਰੋਮਾਣਾ, ਸਰਪ੍ਰਸਤ ਬਲਵੰਤ ਸਿੰਘ ਬਠਿੰਡਾ, ਵਧੀਕ ਸਕੱਤਰ ਇਕਬਾਲ ਸਿੰਘ ਕਾਉਣੀ, ਸੁਰਿੰਦਰਪਾਲ ਸਿੰਘ ਬੱਲੂਆਣਾ ਅਤੇ ਪੱਤਰਕਾਰ ਗੁਰਸੇਵਕ ਸਿੰਘ ਚੁੱਘੇ ਖੁਰਦ ਹਾਜ਼ਰ ਸਨ।

ਲਹਿਰਾ ਮੁਹੱਬਤ, 12 ਸਤੰਬਰ: ਸਥਾਨਕ ਥਰਮਲ ਪਲਾਂਟ ਦੀ ਰਿਹਾਇਸ਼ੀ ਕਲੋਨੀ ਦੇ 151 ਅਤੇ 125 ਨੰਬਰ ਕੁਆਟਰਾਂ ਵਿਚ ਚੋਰਾਂ ਨੇ ਧਾਵਾ ਬੋਲਦਿਆਂ ਲੱਖਾਂ ਦੀ ਨਗਦੀ ਤੇ ਸੋਨੇ ’ਤੇ ਹੱਥ ਸਾਫ਼ ਕਰ ਦਿੱਤਾ। ਲਗਾਤਾਰ ਹੋ ਰਹੀਆਂ ਇੰਨ੍ਹਾਂ ਚੋਰੀਆਂ ਤੋਂ ਦੁਖੀ ਮੁਲਾਜਮਾਂ ਨੇ ਪੁਲਿਸ ਤੇ ਮੈਨੇਜਮੈਂਟ ਵਿਰੁਧ ਨਾਅਰੇਬਾਜੀ ਕੀਤੀ। ਮੁਲਾਜਮਾਂ ਨੇ ਦਸਿਆ ਕਿ ਕੁਆਟਰ ਨੰ 151 ਵਿਚ ਰਹਿਣ ਵਾਲਾ ਪਰਮਜੋਤ ਸਿੰਘ ਸੈਣੀ ਆਪਣੀ ਮਾਤਾ ਨਾਲ ਪਿੰਡ ਦਸੂਹਾ (ਹਸਿਆਰਪੁਰ) ਵਿਖੇ ਗਿਆ ਹੋਇਆ ਸੀ।ਇਸ ਘਰ ਵਿਚੋਂ ਚੋਰਾਂ ਨੇ 12 ਤੋਲੇ ਸੋਨਾ ਅਤੇ 25 ਹਜ਼ਾਰ ਨਕਦ ਚੋਰੀ ਕਰ ਲਏ। ਇਸੇ ਤਰ੍ਹਾਂ ਕੁਆਟਰ ਨੰ 125 ਵਿਚੋ 5 ਤੋਲੇ ਸੋਨਾ ਅਤੇ 40,000/ਨਕਦ ਚੋਰੀ ਕਰ ਲਏ ਗਏ। ਇਸ ਕੁਆਟਰ ਵਿਚ ਨਸੀਬ ਕੌਰ ਸੇਵਾਦਾਰ ਦਾ ਪਰਿਵਾਰ ਰਹਿ ਰਿਹਾ ਸੀ ਇਹ ਪਰਿਵਾਰ ਵੀ ਰਿਸ਼ਤੇਦਾਰ ਕੋਲ ਮਿਲਣ ਗਿਆ ਹੋਇਆ ਸੀ।

Asia Cup 2023: ਭਾਰਤ ਦੀ ਪੂਰੀ ਟੀਮ 197 ਦੌੜਾਂ ਤੇ ਸਿਮਟੀ, ਬਾਰਿਸ਼ ਕਰਕੇ ਰੁੱਕਿਆ ਮੈਚ

ਕਲੋਨੀ ਵਾਸੀਆਂ ਬਲਜੀਤ ਸਿੰਘ ਬਰਾੜ, ਰਵੀਪਾਲ ਸਿੰਘ ਸਿੱਧੂ, ਜਗਜੀਤ ਸਿੰਘ ਕੋਟਲੀ, ਕਰਨਦੀਪ ਸਿੰਘ, ਤਰਸੇਮ ਸਿੰਘ, ਸੰਜੇ ਜਿੰਦਲ,ਮਨੋਹਰ ਸਿੰਘ, ਅਮਰਜੀਤ ਸਿੰਘ, ਮੰਗਲੀ ਕੇਸਵ, ਅਧਿਕਾਰੀ ਸੁਰਜੀਤ ਸਿੰਘ ਸਿੱਧੂ, ਲਖਵੰਤ ਸਿੰਘ ਬਾਂਡੀ ਆਦਿ ਨਿਵਾਸੀਆ ਨੇ ਪੁਲਿਸ ਪ੍ਰਸ਼ਾਸਨ ਅਤੇ ਥਰਮਲ ਮੈਨਜਮੈਂਟ ਵਿਰੁੱਧ ਜੋਰਦਾਰ ਨਾਅਰੇਬਾਜੀ ਕਰਦਿਆਂ ਮੁੱਖ ਇੰਜੀਨੀਅਰ ਥਰਮਲ ਪਲਾਂਟ ਦੇ ਦਫਤਰ ਅੱਗੇ ਰੋਸ ਧਰਨਾ ਲਗਾਇਆ ਹੋਇਆ ਸੀ। ਕਲੋਨੀ ਨਿਵਾਸੀਆ ਨੇ ਦੱਸਿਆ ਕਿ ਕਲੋਨੀ ਦੇ ਦੁਆਲੇ ਚਾਰਦੀਵਾਰੀ ਵੀ ਹੋਈ ਹੈ ਅਤੇ ਪੈਸਕੋ ਕੰਪਨੀ ਦੀ ਸਕਿਉਰਿਟੀ ਵੀ ਲੱਗੀ ਹੋਣ ਦੇ ਬਾਵਜੂਦ ਵਾਰ ਵਾਰ ਚੋਰੀਆਂ ਹੋ ਰਹੀਆ ਹਨ ਪਰ ਥਰਮਲ ਪਲਾਂਟ ਦੀ ਮੈਨੇਜਮੈਂਟ ਇਸ ਮਸਲੇ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੀ।

ਚੱਲਦੀ ਪ੍ਰੈਸ ਕਾਨਫ਼ਰੰਸ ਦੌਰਾਨ ਆਪਸ ‘ਚ ਭਿੜੇ ਪਟਵਾਰੀ, ਪਟਵਾਰੀ ਧੜਾਂ ਹੋਇਆ ਦੋ ਫਾੜ

ਕਲੋਨੀ ਨਿਵਾਸੀਆ ਨੇ ਥਰਮਲ ਮੈਨਜਮੈਂਟ ਵਲੋਂ ਪੈਸਕੋ ਦੀ ਸਕਿਉਰਿਟੀ ਪ੍ਰਤੀ ਨਰਮੀ ਵਰਤਣ ਦੇ ਦੋਸ਼ ਲਾਏ ਉਥੇ ਪੁਲਿਸ ਪ੍ਰਸ਼ਾਸਨ ਵੱਲੋਂ ਕਾਲੋਨੀ ਵਿਚ ਪਿਛਲੀਆਂ ਸਾਲਾ ਤੋਂ ਹੋ ਰਹੀਆਂ ਚੋਰੀਆਂ ਦੇ ਦੋਸ਼ੀਆ ਨੂੰ ਲੱਭਣ ਲਈ ਕੋਈ ਕਾਰਵਾਈ ਨਹੀਂ ਕੀਤੀ ਜਿਸ ਕਰਕੇ ਚੋਰਾ ਦੇ ਹੌਸਲੇ ਵਧੇ ਹੋਏ ਹਨ। ਕਾਲੋਨੀ ਨਿਵਾਸੀਆ ਦੇ ਹੋਏ ਨੁਕਸਾਨ ਦੀ ਭਰਪਾਈ ਪੋਸਕੋ ਕੰਪਨੀ ਤੋਂ ਕਰਨ ਲਈ ਅਤੇ ਸਾਰੀ ਸਕਿਉਰਿਟੀ ਬਦਲਣ ਦੀ ਮੰਗ ਕੀਤੀ ਅਤੇ ਪੁਲਿਸ ਪ੍ਰਸ਼ਾਸਨ ਤੋਂ ਦੋਸ਼ੀਆ ਨੂੰ ਲੱਭ ਕੇ ਸਖਤ ਸਜਾ ਦੀ ਮੰਗ ਕੀਤੀ।

ਲੁਧਿਆਣਾ, 12 ਸਤੰਬਰ: ਲੁਧਿਆਣਾ ਦੇ ਪੰਜਾਬੀ ਭਵਨ ਵਿੱਚ ਵਿਸ਼ਵ ਪ੍ਰਸਿੱਧ ਜਥੇਬੰਦੀ ਕੇਂਦਰੀ ਪੰਜਾਬੀ ਲੇਖਕ ਸਭਾ (ਰਜਿ.) ਦੀ ਹੋਈ ਚੋਣ ਵਿਚ ਬਠਿੰਡਾ ਦੇ ਸਾਹਿਤ ਸਿਰਜਣਾ ਮੰਚ (ਰਜਿ.) ਦੇ ਪ੍ਰਧਾਨ ਅਤੇ ਉੱਘੇ ਸ਼ਾਇਰ ਸੁਰਿੰਦਰ ਪ੍ਰੀਤ ਘਣੀਆਂ ਪੰਜਵੀਂ ਵਾਰ ਨਿਰਵਿਰੋਧ ਸਕੱਤਰ ਚੁਣੇ ਗਏ ਹਨ। ਉਹ ਆਪਣੇ ਇਸ ਅਹੁਦੇ ’ਤੇ 2026 ਤੱਕ ਬਣੇ ਰਹਿਣਗੇ ।

ਬਾਲੀਵੁੱਡ ਅਦਾਕਾਰ ਧਰਮਿੰਦਰ ਦੀ ਵਿਗੜੀ ਸਿਹਤ, ਬੇਟੇ ਸੰਨੀ ਦਿਓਲ ਨਾਲ ਅਮਰੀਕਾ ਰਵਾਨਾ

ਇਸ ਤੋਂ ਪਹਿਲਾਂ ਵੀ ਉਹ 2008 ਤੋਂ 2016 ਤਕ ਚਾਰ ਵਾਰ ਬਤੌਰ ਸਕੱਤਰ ਅਤੇ 2016 ਤੋਂ 2023 ਤੱਕ ਦੋ ਵਾਰ ਮੀਤ ਪ੍ਰਧਾਨ ਦੇ ਅਹੁਦੇ ’ਤੇ ਰਹਿ ਕੇ ਆਪਣੀਆਂ ਸੇਵਾਵਾਂ ਦੇ ਚੁੱਕੇ ਹਨ। ਦੱਸਣ ਯੋਗ ਹੈ ਕਿ 2013 ਵਿੱਚ ਕੇਂਦਰੀ ਸਭਾ ਦੇ ਜਨਰਲ ਸਕੱਤਰ ਤਲਵਿੰਦਰ ਸਿੰਘ ਦੀ ਇਕ ਸੜਕ ਹਾਦਸੇ ਵਿੱਚ ਹੋਈ ਦਰਦਨਾਕ ਮੌਤ ਉਪਰੰਤ ਉਸਨੂੰ ਸਭਾ ਵੱਲੋਂ ਕਾਰਜਕਾਰੀ ਜਨਰਲ ਸਕੱਤਰ ਦੀ ਅਹਿਮ ਜਿੰਮੇਵਾਰੀ ਸੌੰਪੀ ਗਈ ਸੀ।

ਬਠਿੰਡਾ, 12 ਸਤੰਬਰ: ਸ਼ਹੀਦ ਭਾਈ ਤਾਰੂ ਸਿੰਘ ਦਸਤਾਰ ਸਿਖਲਾਈ ਸੇਵਾ ਸੁਸਾਇਟੀ ਵੱਲੋਂ ‘ਸਿੱਖ ਧਰਮ ਵਿੱਚ ਸਾਖੀ ਪ੍ਰੰਪਰਾ ਦੀ ਅਹਿਮੀਅਤ’ ’ਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਜਿਸ ਵਿੱਚ ਵਿਸ਼ੇਸ਼ ਤੌਰ ’ਤੇ ਸਿੱਖ ਲੇਖਕ ਅਤੇ ਸਿੱਖ ਇਤਿਹਾਸਕਾਰ ਭਾਈ ਜਗਦੀਪ ਸਿੰਘ ਫਰੀਦਕੋਟ ਪਹੁੰਚੇ। ਭਾਈ ਜਗਦੀਪ ਸਿੰਘ ਨੇ ਸਿੱਖ ਇਤਿਹਾਸ ਤੇ ਸਾਖੀਆਂ, ਪੁਰਾਤਨ ਅਤੇ ਵਰਤਮਾਨ ਸਮੇ ਦੇ ਸ਼ਹੀਦ ਸਿੰਘ, ਸਿੰਘਣੀਆਂ ਅਤੇ ਭੁਝੰਗੀਆਂ ਦੀ ਸ਼ਹਾਦਤ ਅਤੇ ਉਹਨਾਂ ਦੀ ਚੜਦੀਕਲਾ ਵਾਲੇ ਜੀਵਨ ਦੇ ਕਿੱਸੇ ਸੁਣਾਏ। ਹੰਨੈ ਹੰਨੈ ਪਾਤਸ਼ਾਹੀ ਕਿਤਾਬ ਵਿੱਚੋਂ ਹਵਾਲੇ ਦੇ ਕੇ ਸਿੱਖ ਇਤਿਹਾਸ ਦੀਆਂ ਗੌਰਵਮਈ ਸਾਖੀਆਂ ਸੁਣਾਈਆਂ ਅਤੇ ਪੁਰਾਤਨ ਸਿੰਘਾਂ ਦੇ ਗੁਰੂ ਉੱਪਰ ਦ੍ਰਿੜ ਤੇ ਅਟੁੱਟ ਨਿਸ਼ਚੇ ਅਤੇ ਭਰੋਸੇ ਦੇ ਸਾਖੀ ਪ੍ਰਮਾਣ ਦਿੱਤੇ।

ਬਠਿੰਡਾ ਦੇ ਵਿਧਾਇਕ ਜਗਰੂਪ ਸਿੰਘ ਗਿੱਲ ਨੇ ਸ੍ਰੀ ਪਰਸ਼ੂਰਾਮ ਭਵਨ ਦਾ ਨੀਂਹ ਪੱਥਰ ਰੱਖਿਆ

ਭਾਈ ਜਸਕਰਨ ਸਿੰਘ ਸਿਵੀਆ ਅਤੇ ਐਡਵੋਕੇਟ ਰਮਨਦੀਪ ਸਿੰਘ ਨੇ ਭਾਈ ਸਾਬ ਨੂੰ ਜੀ ਆਇਆ ਆਖਿਆ ਅਤੇ ਸੁਸਾਇਟੀ ਵੱਲੋਂ ਕੀਤੇ ਜਾ ਰਹਿ ਉੱਦਮ ਉਪਰਾਲਿਆ ਦੀ ਸ਼ਾਲਾਘਾ ਕੀਤੀ। ਸੁਸਾਇਟੀ ਦੇ ਪ੍ਰਧਾਨ ਭਾਈ ਸਿਮਰਨਜੋਤ ਸਿੰਘ ਖਾਲਸਾ ਅਤੇ ਗੁਰਦਰਸ਼ਨ ਸਿੰਘ ਨੇ ਆਈ ਹੋਈ ਸੰਗਤ ਦਾ ਧੰਨਵਾਦ ਕੀਤਾ। ਸਿਮਰਨਜੋਤ ਸਿੰਘ ਖਾਲਸਾ ਨੇ ਅਪੀਲ ਕੀਤੀ ਸੰਗਤ ਨੂੰ ਵੱਧ ਤੋਂ ਵੱਧ ਸਾਡੇ ਬੱਚਿਆਂ ਅਤੇ ਨੌਜਵਾਨਾਂ ਸਿੱਖ ਇਤਿਹਾਸ ਨਾਲ ਜੋੜਣਾ ਚਾਹੀਦਾ ਤਾਂ ਕਿ ਸਾਡੀਆਂ ਆਉਣ ਵਾਲੀਆਂ ਪੀੜੀਆਂ ਸਾਡੇ ਪੁਰਖਿਆਂ ਤੇ ਮਾਣ ਕਰਨ ਅਤੇ ਸਿੱਖੀ ਪ੍ਰੰਪਰਾਵਾਂ ਨਾਲ ਜੁੜ ਕੇ ਉਹਨਾਂ ਵੱਲੋਂ ਦਰਸਾਏ ਮਾਰਗ ਤੇ ਚੱਲ ਸਕਣ।

ਆਪ-ਕਾਂਗਰਸ ਗਠਜੋੜ: ਸਾਬਕਾ ਮੰਤਰੀ ਆਸੂ ਨੇ ਕੀਤਾ ਦਾਅਵਾ, ਹਾਈਕਮਾਂਡ ਵਰਕਰਾਂ ਦੀਆਂ ਭਾਵਨਾਵਾਂ ਦਾ ਰੱਖੇਗੀ ਖਿਆਲ

ਇਸ ਮੌਕੇ ਰਵਿੰਦਰ ਸਿੰਘ ਹੈੱਡ ਗ੍ਰੰਥੀ , ਹਰਜਿੰਦਰ ਸਿੰਘ, ਸੁਸਾਇਟੀ ਦੇ ਮਨਜੀਤ ਸਿੰਘ ਮੀਤ ਪ੍ਰਧਾਨ , ਹਰਜੀਤ ਸਿੰਘ ਸਕੱਤਰ, ਅਵਤਾਰ ਸਿੰਘ ਖ਼ਜ਼ਾਨਚੀ, ਅਮਨਦੀਪ ਸਿੰਘ ਮੁੱਖ ਸਲਾਹਕਾਰ, ਰਾਜਵਿੰਦਰ ਸਿੰਘ ਰਾਣਾ ਪ੍ਰਬੰਧਕੀ ਸਕੱਤਰ , ਗੁਰਸੇਵਕ ਸਿੰਘ ਅਗਜੈਕਟਿਵ ਮੈਂਬਰ, ਗੁਰਭਗਤ ਸਿੰਘ ਜਨਰਲ ਸਕੱਤਰ,ਗੁਰਪ੍ਰੀਤ ਸਿੰਘ, ਮਹਿਕਦੀਪ ਸਿੰਘ,ਗੁਲਾਬ ਸਿੰਘ, ਅਨਮੋਲ ਸਿੰਘ ਅਤੇ ਅਮ੍ਰਿਤਪਾਲ ਸਿੰਘ ਹਾਜ਼ਰ ਸਨ।