👉ਬਟਾਲਾ ਦੇ ਵਿਚ ਲਾਅ ਐਂਡ ਆਰਡਰ ਦੀ ਡਿਊਟੀ ਨਿਭਾਉਣ ਗਿਆ ਨੇ ਖੁਦ ਤੋੜਿਆ ਕਾਨੂੰਨ
Batala News: ਬਟਾਲਾ ‘ਚ ਅਮਨ ਤੇ ਕਾਨੂੰਨ ਦੀ ਡਿਊਟੀ ਨਿਭਾਉਣ ਆਏ ਬਠਿੰਡਾ ਦੇ ਦੋ ਥਾਣੇਦਾਰਾਂ ਨੂੰ ਇੱਥੋਂ ਦੇ ਇੱਕ ਪੱਤਰਕਾਰ ਨਾਲ ਕੁੱਟਮਾਰ ਮਹਿੰਗੀ ਪੈ ਗਈ ਹੈ। ਇੱਕ ਹੋਟਲ ਦੇ ਵਿਚ ਠਹਿਰੇ ਬਠਿੰਡਾ ਸਥਿਤ 5ਵੀਂ ਕਮਾਂਡੋਂ ਬਟਾਲੀਅਨ ਦੇ ਇੰਨਾਂ ਥਾਣੇਦਾਰਾਂ ਵੱਲੋਂ ਕਿਸੇ ਨਿੱਕੀ ਜਿਹੀ ਗੱਲ ਨੂੰ ਲੈ ਕੇ ਹੋਈ ਬਹਿਸ ਦੇ ਮਾਮਲੇ ਵਿਚ ਬਟਾਲਾ ਦੇ ਇੱਕ ਪੱਤਰਕਾਰ ਨੂੰ ਬੇਰਹਿਮੀ ਕੁੱਟ ਦਿੱਤਾ ਤੇ ਅੱਧ ਮਰਿਆ ਕਰਕੇ ਛੱਡ ਕੇ ਫ਼ਰਾਰ ਹੋ ਗਏ। ਜਿਸਤੋਂ ਬਾਅਦ ਸਥਾਨਕ ਲੋਕਾਂ ਵੱਲੋਂ ਜਖਮੀ ਹਾਲਾਤ ਵਿਚ ਪੱਤਰਕਾਰ ਨੂੰ ਹਸਪਤਾਲ ਦਾਖਲ ਕਰਵਾਇਆ। ਇਹ ਘਟਨਾ ਉਥੇ ਲੱਗੇ ਸੀਸੀਟੀਵੀ ਕੈਮਰਿਆਂ ਵਿਚ ਕੈਦ ਹੋ ਗਈ।
ਇਹ ਵੀ ਪੜ੍ਹੋ Mohali ਦੇ ਉਦਯੋਗਿਕ ਖੇਤਰ ‘ਚ ਧਮਾਕਾ, 2 ਦੀ ਮੌ+ਤ, 4 ਜਖ਼ਮੀ
ਬਟਾਲਾ ਜ਼ਿਲ੍ਹਾ ਪੁਲਿਸ ਦੇ ਐਸਐਸਪੀ ਸਾਹਿਲ ਮੀਰ ਕਾਸਿਮ ਨੇ ਇਸ ਘਟਨਾ ਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ, ‘‘ ਮੁਲਜਮ ਪੁਲਿਸ ਮੁਲਾਜਮਾਂ ਵਿਰੁਧ ਥਾਣਾ ਸਿਵਲ ਲਾਈਨ ਵਿਖੇ ਮੁਕੱਦਮਾ ਦਰਜ਼ ਕਰ ਲਿਆ ਗਿਆ ਹੈ ਤੇ ਇੰਨ੍ਹਾਂ ਵਿਰੁਧ ਵਿਭਾਗੀ ਕਾਰਵਾਈ ਲਈ ਬਟਾਲੀਅਨ ਦੇ ਕਮਾਂਡੇਂਟ ਨੂੰ ਲਿਖਿਆ ਗਿਆ।’’ ਡੀਐਸਪੀ ਸਿਟੀ ਬਟਾਲਾ ਸੰਜੀਵ ਕੁਮਾਰ ਨੇ ਵੀ ਇਸ ਘਟਨਾ ‘ਤੇ ਅਫ਼ਸੋਸ ਜਾਹਰ ਕਰਦਿਆਂ ਦਸਿਆ ਕਿ ਇਹ ਘਟਨਾ 1 ਅਗੱਸਤ ਦੀ ਹੈ ਤੇ 5ਵੀਂ ਕਮਾਂਡੋ ਦੇ ਜਵਾਨ ਤੇ ਅਧਿਕਾਰੀ ਬਟਾਲਾ ‘ਚ ਲਾਅ ਐਂਡ ਆਰਡਰ ਦੀ ਡਿਊਟੀ ਨਿਭਾਉਣ ਆਏ ਸਨ।
ਇਹ ਵੀ ਪੜ੍ਹੋ ਮਾਲਵਾ ਪੱਟੀ ਦੇ SHO ਤੇ ੳਸਦੇ Reader ਵਿਰੁੱਧ ਆਪਣੇ ਹੀ ਥਾਣੇ ‘ਚ ਪਰਚਾ ਦਰਜ਼, ਜਾਣੋਂ ਮਾਮਲਾ
ਉਨ੍ਹਾਂ ਕਿਹਾ ਕਿ,‘‘ਪੱਤਰਕਾਰ ਦਾ ਨਾਮ ਬਲਵਿੰਦਰ ਕੁਮਾਰ ਭੱਲਾ ਹੈ, ਜਿਸਦੇ ਬਿਆਨਾਂ ਉਪਰ ਬੀਐਨਐਸ ਦੀ ਧਾਰਾ 115 (2) 118(1) 3/5 ਤਹਿਤ ਇਹ ਪਰਚਾ 5ਵੀਂ ਕਮਾਂਡੋ ਬਟਾਲੀਅਨ ਦੇ ਮਨਦੀਪ ਸਿੰਘ ਤੇ ਸੁਰਜੀਤ ਸਿੰਘ ਵਿਰੁਧ ਦਰਜ਼ ਕੀਤਾ ਗਿਆ ਤੇ ਮਾਮਲੇ ਦੀ ਡੂੰਘਾਈ ਨਾਲ ਪੜਤਾਲ ਕੀਤੀ ਜਾ ਰਹੀ ਹੈ।’’ ਉਧਰ, 5ਵੀਂ ਕਮਾਂਡੋ ਬਟਾਲੀਅਨ ਦੇ ਕਮਾਂਡੇਂਟ ਜਤਿੰਦਰ ਸਿੰਘ ਨੇ ਕਿਹਾ, ‘‘ ਵੀਡੀਓ ਉਨ੍ਹਾਂ ਦੇ ਵੀ ਧਿਆਨ ਵਿਚ ਆਈ ਹੈ ਤੇ ਸਾਡੀ ਬਟਾਲੀਅਨ ਦੇ 25 ਜਵਾਨ ਬਟਾਲਾ ਗਏ ਸਨ ਪ੍ਰੰਤੂ ਹਾਲੇ ਤੱਕ ਬਟਾਲਾ ਪੁਲਿਸ ਵੱਲੋਂ ਇਸ ਸਬੰਧੀ ਕੋਈ ਲਿਖਿਤ ਤੌਰ ‘ਤੇ ਨਹੀਂ ਆਇਆ ਹੈ ਪ੍ਰੰਤੂ ਫ਼ਿਰ ਵੀ ਜਾਂਚ ਕੀਤੀ ਜਾ ਰਹੀ ਹੈ।’’
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
