Bathinda News: ਬਠਿੰਡਾ ਵਿੱਚ ਸ਼ਨੀਵਾਰ ਨੂੰ ਧੁੱਪ ਖਿੜਨ ਦੇ ਬਾਵਜੂਦ ਕੜਾਕੇ ਦੀ ਠੰਢ ਨੇ ਲੋਕਾਂ ਨੂੰ ਰਾਹਤ ਨਹੀਂ ਦਿੱਤੀ। ਸਵੇਰੇ ਘੱਟ ਤੋਂ ਘੱਟ ਤਾਪਮਾਨ ਸਿਰਫ਼ 1.0 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ, ਜਿਸ ਕਾਰਨ ਸਵੇਰ ਅਤੇ ਰਾਤ ਦੇ ਸਮੇਂ ਕਾਂਬੇ ਵਾਲੀ ਰਹੀ। ਦਿਨ ਵੇਲੇ ਦੁਕਾਨਦਾਰ ਧੁੱਪੇ ਬੈਠ ਧੁੱਪ ਸੇਕਦੇ ਰਹੇ । ਸ਼ਨੀਵਾਰ ਨੂੰ ਚਮਕਦਾਰ ਧੁੱਪ ਨਿੱਕਲਣ ਦੇ ਬਾਵਜੂਦ ਠੰਢ ਹੱਡ ਚੀਰਵੀਂ ਠੰਢ ਰਹੀ।ਚੇਤੇ ਰਹੇ ਬਠਿੰਡਾ ਵਿਚ ਜਨਵਰੀ ਤੇ ਨਜ਼ਰ ਮਾਰੀ ਤੀਜੀ ਵਾਰ ਜਦੋਂ ਬਠਿੰਡਾ ਹਿਮਾਚਲ ਦੇ ਸ਼ਹਿਰ ਸ਼ਿਮਲੇ ਨਾਲੋਂ ਠੰਢਾ ਰਿਹਾ। ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਖ਼ੇਤਰੀ ਖ਼ੋਜ ਕੇੰਦਰ ਤੋਂ ਮਿਲੀ ਰਿਪੋਰਟ ਅਨੁਸਾਰ ਸ਼ਨੀਵਾਰ ਨੂੰ ਬਠਿੰਡਾ ਵਿਚ ਤਾਪਮਾਨ ਘੱਟ ਤੋਂ ਘੱਟ 1. 0 ਡਿਗਰੀ ਸੈਲਸੀਐੱਸ ਦਰਜ ਕੀਤਾ ਗਿਆ ਅਤੇ ਵੱਧ ਤੋਂ ਵੱਧ ਤਾਪਮਾਨ 20.2 ਡਿਗਰੀ ਸੈਲਸੀਅਸ ਹੋਣ ਦੇ ਬਾਵਜੂਦ ਠੰਢ ਦਾ ਅਸਰ ਦਿਨ ਭਰ ਮਹਿਸੂਸ ਹੁੰਦਾ ਰਿਹਾ।
ਇਸ ਤੋਂ ਇਲਾਵਾ ਮੌਸਮ ਵਿਚ ਨਮੀ 81 ਫ਼ੀਸਦੀ, ਜਦਕਿ ਘੱਟ ਤੋਂ ਘੱਟ ਨਮੀ 72 ਫ਼ੀਸਦੀ ਦਰਜ ਕੀਤੀ ਗਈ। ਹਵਾ ਦੀ ਗਤੀ ਸਿਰਫ਼ 1.7 ਕਿਲੋਮੀਟਰ ਪ੍ਰਤੀ ਘੰਟਾ ਰਹੀ, ਜਿਸ ਨਾਲ ਠੰਢ ਦਾ ਅਸਰ ਲੰਮੇ ਸਮੇਂ ਤੱਕ ਬਣਿਆ ਰਿਹਾ।ਚੇਤੇ ਰਹੇ ਕਿ ਕੁਝ ਦਿਨਾਂ ਤੋਂ ਰਾਤਾਂ ਦੇ ਤਾਪਮਾਨ ਵਿੱਚ ਵਾਧਾ ਦਰਜ ਹੋਣ ਲੱਗਾ ਜਿਸ ਕਾਰਨ ਮੌਸਮ ਹੋਲੀ ਹੋਲੀ ਗਰਮਾਹਟ ਫੜ ਰਿਹਾ ਸੀ। ਮੌਸਮ ਵਿਗਿਆਨੀ ਬਲਜਿੰਦਰ ਸਿੰਘ ਨੇ ਕਿਹਾ ਤਬਦੀਲੀ ਦੇ ਚਲਦਿਆਂ 1ਤੋਂ 2 ਫਰਵਰੀ ਤੱਕ ਪਹਾੜੀ ਇਲਾਕਿਆਂ ਦੇ ਨਾਲ-ਨਾਲ ਪੰਜਾਬ ਦੇ ਮਾਝਾ ਅਤੇ ਦੁਆਬਾ ਖੇਤਰਾਂ ਵਿੱਚ ਹਲਕੇ ਮੀਂਹ ਪੈਣ ਦੀ ਸੰਭਾਵਨਾ ਹੋ ਸਕਦੀ ਹੈ। ਮੀਂਹ ਕਾਰਨ ਤਾਪਮਾਨ ਵਿੱਚ ਉਤਾਰ-ਚੜ੍ਹਾਅ ਆ ਸਕਦਾ ਹੈ ਅਤੇ ਠੰਢ ਦਾ ਅਸਰ ਮੁੜ ਵਧਣ ਦੀ ਸੰਭਾਵਨਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
