Tarn Taran News: ਅੱਠ ਸਾਲ ਪਹਿਲਾਂ ਚੰਗੇ ਭਵਿੱਖ ਦੇ ਲਈ ਕੈਨੇਡਾ ਗਏ ਪੰਜਾਬ ਦੇ ਇੱਕ ਹੋਰ ਨੌਜਵਾਨ ਦੀ ਕੈਨੇਡੀਅਨ ਰਾਈਲ ਪੁਲਿਸ ਦੇ ਵਿਚ ਚੋਣ ਹੋਈ ਹੈ। ਵੱਡੀ ਗੱਲ ਇਹ ਹੈ ਕਿ ਤਰਨਤਾਰਨ ਜ਼ਿਲ੍ਹੇ ਦੇ ਨੌਜਵਾਨ ਸਰਵਨੂਰ ਸਿੰਘ ਦਾ ਦਾਦਾ ਤੇ ਪਿਤਾ ਪੰਜਾਬ ਪੁਲਿਸ(Punjab Police) ਵਿਚ ਨੌਕਰੀ ਕਰਦੇ ਰਹੇ ਹਨ ਤੇ ਪੁੱਤ ਨੇ ਹੁਣ ਕੈਨੇਡਾ ਵਿਚ ਜਾ ਕੇ ਸਫ਼ਲਤਾ ਦੇ ਝੰਡੇ ਗੱਡੇ ਹਨ। ਸਰਵਨੂਰ ਸਿੰਘ ਸਾਲ 2018 ਵਿੱਚ ਹਜ਼ਾਰਾਂ ਦੂਜੇ ਨੌਜਵਾਨਾਂ ਦੀ ਤਰ੍ਹਾਂ ਪੜਾਈ ਲਈ ਕੈਨੇਡਾ ਗਿਆ ਸੀ। ਪੜਾਈ ਪੂਰੀ ਕੀਤੀ ਤੇ ਵਰਕ ਪਰਮਿਟ ਮਿਲਿਆ, ਜਿਸਤੋਂ ਬਾਅਦ ਉਸ ਨੇ ਦੂਸਰੇ ਹਜ਼ਾਰਾਂ ਪੰਜਾਬੀਆਂ ਦੀ ਤਰ੍ਹਾਂ ਟਰੱਕਿੰਗ ਲਾਈਨ ਨੂੰ ਤਰਜ਼ੀਹ ਦਿੱਤੀ ਤੇ ਟਰੱਕ ਦਾ ਸਟੇਅਰਿੰਗ ਫ਼ੜ ਲਿਆ।
ਇਹ ਵੀ ਪੜ੍ਹੋ Moga Police ਨੇ ਘਰ ਵਿੱਚ ਵੜ ਕੇ ਲੁੱਟ ਕਰਨ ਵਾਲੇ ਗਿਰੋਹ ਨੂੰ ਕੀਤਾ ਕਾਬੂ
ਪ੍ਰੰਤੂ ਮਨ ਵਿਚ ਅੱਗੇ ਵਧਣ ਤੇ ਕੁਸ਼ ਹੋਰ ਕਰਨ ਦਾ ਜਜਬਾ ਸੀ, ਜਿਸਦੇ ਚੱਲਦੇ ਨਾਲ-ਨਾਲ ਪੜਦਾ ਵੀ ਰਿਹਾ ਤੇ ਨੌਕਰੀ ਲਈ ਅਪਲਾਈ ਵੀ ਕਰਦਾ ਰਿਹਾ। ਇਸ ਦੌਰਾਨ ਕੈਨੇਡਾ ਦੇ ਰਜਾਈਨਾ ਪੁਲਿਸ ਵਿਚ ਭਰਤੀ ਨਿਕਲੀ ਤੇ ਉਸਨੇ ਇਸਦੇ ਲਈ ਖੂਬ ਮਿਹਨਤ ਕੀਤਾ ਤੇ ਨਤੀਜ਼ਾ ਇੱਕ ਦਿਨ ਪਹਿਲਾਂ ਉਸਨੂੰ ਕੈਨੇਡਾ ਦੀ ਰਜਾਇਨਾ ਪੁਲਿਸ ਵਿਚ ਬਤੌਰ ਕਾਂਸਟੇਬਲ ਭਰਤੀ ਕਰ ਲਿਆ। ਇਹ ਉਸਦੇ ਪਰਵਾਰ ਦੀ ਤੀਜ਼ੀ ਪੀੜੀ ਹੈ, ਜੋ ਪੁਲਿਸ ਵਿਚ ਨੌਕਰੀ ਕਰ ਰਹੀ ਹੈ। ਜਾਣਕਾਰਾਂ ਮੁਤਾਬਕ ਸਰਵਨੂਰ ਸਿੰਘ ਦੇ ਦਾਦਾ ਪ੍ਰਭ ਸਿੰਘ ਪੰਜਾਬ ਪੁਲਿਸ ਵਿੱਚੋਂ ਥਾਣੇਦਾਰ ਸੇਵਾਮੁਕਤ ਹੋਏ ਹਨ ਤੇ ਪਿਤਾ ਗੁਰਲਾਲ ਸਿੰਘ ਅਤੇ ਚਾਚਾ ਗੁਰਮੀਤ ਸਿੰਘ ਵੀ ਪੰਜਾਬ ਪੁਲਿਸ ਵਿੱਚ ਬਤੌਰ ਥਾਣੇਦਾਰ ਤਰਨ ਤਾਰਨ ਵਿਖੇ ਨੌਕਰੀ ਕਰ ਰਹੇ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
