Bathinda News: ਲੰਘੀ 26 ਜਨਵਰੀ ਨੂੰ ‘ਕੁਰਸੀ’ ਨਾ ਮਿਲਣ ਕਰਕੇ ਹੋਏ ਵਿਵਾਦ ਦੌਰਾਨ ਹਲਕਾ ਮੋੜ ਦੇ MLA Sukhvir Mysarkhana ਵਿਰੁੱਧ ਗੰਭੀਰ ਦੋਸ਼ ਲਗਾਉਣ ਵਾਲੇ ਨਗਰ ਕੌਂਸਲ ਪ੍ਰਧਾਨ ਲਈ ਮੁਸ਼ਕਲਾਂ ਖੜ੍ਹੀਆਂ ਹੋ ਗਈਆਂ ਹਨ। ਹਲਕਾ ਵਿਧਾਇਕ ਨੇ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਆਪਣੇ ਵਕੀਲ ਰਮਨਦੀਪ ਸ਼ਰਮਾ ਰਾਹੀਂ ਪ੍ਰਧਾਨ ਕਰਨੈਲ ਸਿੰਘ ਨੂੰ ਕਾਨੂੰਨੀ ਨੋਟਿਸ ਭੇਜਿਆ ਹੈ ਤੇ ਇਸ ਨੋਟਿਸ ਰਾਹੀਂ ਮੰਗ ਕੀਤੀ ਗਈ ਹੈ ਕਿ ਜਾਂ ਤਾਂ ਉਹ 15 ਦਿਨਾਂ ਦੇ ਅੰਦਰ ਆਪਣੇ ਵੱਲੋਂ ਲਗਾਏ ਕਥਿਤ ਝੂਠੇ ਦੋਸ਼ਾਂ ਦੀ ਮੁਆਫ਼ੀ ਮੰਗਣ ਜਾਂ ਫਿਰ ਕਾਨੂੰਨੀ ਕਾਰਵਾਈ ਦਾ ਸਾਹਮਣਾ ਕਰਨ ਲਈ ਤਿਆਰ ਰਹਿਣ।
ਇਹ ਵੀ ਪੜ੍ਹੋ ਪੰਜਾਬ ਦੇ ਸਾਬਕਾ ਕੈਬਨਿਟ ਮੰਤਰੀ ਦੇ ਘਰ ‘ਤੇ ED ਅਤੇ ਇਨਕਮ ਟੈਕਸ ਦੀ ਰੇਡ
ਜ਼ਿਕਰਯੋਗ ਹੈ ਕਿ 26-01-2026 ਨੂੰ ਵਿਧਾਇਕ ਸੁਖਵੀਰ ਸਿੰਘ ਮਾਈਸਰਖਾਨਾ ਗਣਤੰਤਰ ਦਿਵਸ ਮਨਾਉਣ ਲਈ ਮੌੜ ਵਿਖੇ ਝੰਡਾ ਲਹਿਰਾਉਣ ਦੀ ਰਸ਼ਮ ਵਿੱਚ ਸ਼ਾਮਿਲ ਹੋਏ ਸਨ, ਜਿੱਥੇ ਨਗਰ ਕੌਂਸਲ ਪ੍ਰਧਾਨ ਕਰਨੈਲ ਸਿੰਘ ਵੀ ਸ਼ਾਮਲ ਹੋਏ ਸਨ। ਇਸ ਦੌਰਾਨ ਪ੍ਰਧਾਨ ਲਈ ਬੈਠਣ ਲਈ ਰਾਖਵੀਂ ਕੁਰਸੀ ‘ਤੇ ਕਿਸੇ ਹੋਰ ਦੇ ਬੈਠੇ ਹੋਣ ਕਾਰਨ ਹੰਗਾਮਾ ਹੋ ਗਿਆ, ਜਿਸਤੋਂ ਬਾਅਦ ਇਸਦੇ ਲਈ ਹਲਕਾ ਵਿਧਾਇਕ ਨੂੰ ਜ਼ਿੰਮੇਵਾਰ ਠਹਿਰਾਉਂਦਿਆਂ ਕਰਨੈਲ ਸਿੰਘ ਨੇ ਨਗਰ ਕੌਂਸਲ ਦੀ ਪ੍ਰਧਾਨਗੀ ਲਈ ਤੀਹ ਲੱਖ ਵਿੱਚ ਵਿਧਾਇਕ ਨੂੰ ਖਰੀਦਣ ਦੇ ਜਨਤਕ ਦੋਸ਼ ਲਗਾਏ ਸਨ।
ਇਹ ਵੀ ਪੜ੍ਹੋ ਦਾਦਾ ਤੇ ਪਿਓ ਨੇ ਕੀਤੀ Punjab Police ‘ਚ ਸੇਵਾ; ਪੁੱਤ ਹੋਇਆ Canada Police ‘ਚ ਭਰਤੀ
ਵਿਧਾਇਕ ਦੇ ਵਕੀਲ ਰਮਨਦੀਪ ਸ਼ਰਮਾ ਮੁਤਾਬਕ ਇਹ ਝੂਠੇ ਅਤੇ ਬੇਬੁਨਿਆਦ ਦੋਸ਼ ਜਾਣ ਬੁਝ ਕੇ ਹਲਕਾ ਵਿਧਾਇਕ ਨੂੰ ਸਿਆਸਤ ਵਿੱਚ ਅਤੇ ਲੋਕਾਂ ਵਿੱਚ ਬਦਨਾਮ ਕਰਨ ਦੀ ਨੀਅਤ ਨਾਲ ਅਤੇ ਉਹਨਾਂ ਦਾ ਆਮ ਆਦਮੀ ਪਾਰਟੀ ਅਤੇ ਸਰਕਾਰ ਵਿੱਚ ਅਕਸ ਵਿਗਾੜਨ ਲਈ ਲਗਾਏ ਗਏ ਹਨ। ਜਿਸਦੇ ਨਾਲ ਸਾਲ 2022 ਵਿੱਚ ਮੋੜ ਹਲਕੇ ਦੇ ਵੋਟਰਾਂ ਦੇ ਭਾਰੀ ਸਮਰਥਨ ਨਾਲ ਜਿੱਤੇ ਵਿਧਾਇਕ ਸੁਖਵੀਰ ਸਿੰਘ ਮਾਈਸਰਖਾਨਾ ਦੀ ਮਾਨਹਾਨੀ ਹੋਈ ਹੈ। ਵਕੀਲ ਨੇ ਇਸ ਨੋਟਿਸ ਰਾਹੀ ਪ੍ਰਧਾਨ ਕਰਨੈਲ ਸਿੰਘ ਨੂੰ ਜਾਂ ਤਾਂ 15 ਦਿਨ ਦੇ ਅੰਦਰ ਅੰਦਰ ਵਿਧਾਇਕ ਕੋਲੋਂ ਮਾਫੀ ਮੰਗਣ ਜਾਂ ਫਿਰ ਕਾਨੂੰਨੀ ਕਾਰਵਾਈ ਦਾ ਸਾਹਮਣਾ ਕਰਨ ਲਈ ਤਿਆਰ ਰਹਿਣ ਲਈ ਕਿਹਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
