Bathinda News: ਬਠਿੰਡਾ ਦੇ ਬਹੁ ਚਰਚਿਤ ਹਰਜਿੰਦਰ ਸਿੰਘ ਜੌਹਲ ਉਰਫ਼ ਮੇਲਾ ਕਤਲ ਕਾਂਡ ਦੇ ਮਾਮਲੇ ਵਿਚ ਵਧੀਕ ਸੈਸ਼ਨ ਜੱਜ ਸ਼੍ਰੀ ਰਾਜੇਸ਼ ਕੁਮਾਰ ਦੀ ਅਦਾਲਤ ਨੇ ਫ਼ੈਸਲਾ ਸੁਣਾਉਂਦਿਆਂ ਚਾਰ ਮੁਲਜਮਾਂ ਨੂੰ ਬਰੀ ਕਰ ਦਿੱਤਾ ਹੈ। ਇਸ ਕੇਸ ਵਿਚ ਮੁਲਜਮਾਂ ਵੱਲੋ ਪੇਸ਼ ਹੋਏ ਵਕੀਲ ਹਰਪਾਲ ਸਿੰਘ ਖ਼ਾਰਾ ਨੇ ਇਸ ਵੈਬਸਾਈਟ ਦੇ ਪ੍ਰਤੀਨਿਧ ਨਾਲ ਗੱਲਬਾਤ ਕਰਦਿਆਂ ਦਸਿਆ ਕਿ ਮਾਣਯੋਗ ਅਦਾਲਤ ਵੱਲੋਂ ਬਰੀ ਕੀਤੇ ਮੁਲਜਮਾਂ ਦੇ ਵਿਚ ਕਥਿਤ ਸ਼ੂਟਰ ਲਵਦੀਪ ਲਵੀ ਅਤੇ ਕਮਲਦੀਪ ਵੀ ਸ਼ਾਮਲ ਹਨ। ਜਦਕਿ ਬਾਕੀ ਦੋ ਵਿਚ ਗੈਗਸਟਰ ਅਰਸ਼ ਡਾਲਾ ਦੇ ਪਿਤਾ ਚਰਨਜੀਤ ਸਿੰਘ ਵਾਸੀ ਅਤੇ ਪਰਮਜੀਤ ਸਿੰਘ ਪੰਮਾ ਵਾਸੀ ਭੀਖੀ ਸ਼ਾਮਲ ਹਨ।
ਇਹ ਵੀ ਪੜ੍ਹੋ ਸੁਖਪਾਲ ਖ਼ਹਿਰਾ ਵਿਰੁਧ ਮੁੱਖ ਮੰਤਰੀ ਦੇ ਓਐਸਡੀ ਨੇ ਦਾਈਰ ਕੀਤਾ ਮਾਣਹਾਣੀ ਦਾ ਮੁਕੱਦਮਾ, ਨੋਟਿਸ ਜਾਰੀ
ਜਦਕਿ ਇਸ ਕੇਸ ਵਿਚ ਵਿਚ ਬਠਿੰਡਾ ਦੀ ਕੋਤਵਾਲੀ ਪੁਲਿਸ ਵੱਲੋ ਮੁਲਜਮ ਬਣਾਏ ਗਏ ਅਰਸ਼ ਡਾਲਾ, ਮਨਪ੍ਰੀਤ ਉਰਫ਼ ਮਨੀ ਅਤੇ ਸਾਧੂ ਸਿੰਘ ਦੀ ਹਾਲੇ ਤੱਕ ਗ੍ਰਿਫਤਾਰੀ ਵੀ ਬਾਕੀ ਹੈ। ਦਸਣਾ ਬਣਦਾ ਹੈ ਕਿ ਮਾਲ ਰੋਡ ਵਪਾਰੀ ਐਸੋਸੀਏਸ਼ਨ ਦੇ ਪ੍ਰਧਾਨ ਮੇਲੇ ਵੱਲੋਂ ਸਥਾਨਕ ਮਾਲ ਰੋਡ ਉਪਰ ਅੰਮ੍ਰਿਤਸਾਰੀ ਕੁਲਚਾ ਦੇ ਨਾਂ ਹੇਠ ਰੈਸਟੋਰੈਂਟ ਚਲਾਇਆ ਜਾ ਰਿਹਾ ਸੀ। ਘਟਨਾ ਵਾਲੇ ਦਿਨ 28 ਅਕਤੂਬਰ 2023 ਦੀ ਸ਼ਾਮ ਨੂੰ ਉਹ ਆਪਣੇ ਰੈਸਟੋਰੈਂਟ ਦੇ ਬਾਹਰ ਬੈਠਾ ਹੋਇਆ ਸੀ ਕਿ ਮੋਟਰਸਾਈਕਲ ’ਤੇ ਆਏ ਅਣਪਛਾਤੇ ਨੌਜਵਾਨਾਂ ਨੇ ਉਸ ਉਪਰ ਗੋਲੀਆਂ ਚਲਾ ਦਿੱਤੀਆਂ ਸਨ, ਜਿਸਦੇ ਚੱਲਦੇ ਹਸਪਤਾਲ ਵਿਚ ਇਲਾਜ਼ ਦੌਰਾਨ ਉਸ ਦੀ ਮੌਤ ਹੋ ਗਈ ਸੀ।
ਇਹ ਵੀ ਪੜ੍ਹੋ bikram majithia case; ਅੰਮ੍ਰਿਤਸਰ ਵਿਚ ਬਿਕਰਮ ਮਜੀਠਿਆ ਤੇ ਉਸਦੇ ਸਮਰਥਕਾਂ ਵਿਰੁਧ ਇੱਕ ਹੋਰ ਪਰਚਾ ਦਰਜ਼ ਕਰਨ ਦੀ ਚਰਚਾ !
ਇਸ ਮਾਮਲੇ ਵਿਚ ਥਾਣਾ ਕੋਤਵਾਲੀ ਪੁਲਿਸ ਨੇ ਮ੍ਰਿਤਕ ਦੀ ਪਤਨੀ ਆਰਤੀ ਦੇ ਬਿਆਨਾਂ ਉਪਰੰਤ ਧਾਰਾ 302,34, 120ਬੀ ਆਈਪੀਸੀ, 25, 28, 54, 59 ਆਰਮਜ਼ ਐਕਟ ਤਹਿਤ ਕੇਸ ਦਰਜ਼ ਕੀਤਾ ਸੀ। ਐਡਵੋਕੇਟ ਖ਼ਾਰਾ ਨੇ ਦਸਿਆ ਕਿ ਜਿੱਥੇ ਮੁਦਈ ਧਿਰ ਮੁਲਜਮਾਂ ਨੂੰ ਪਛਾਣਨ ਵਿਚ ਅਸਫ਼ਲ ਰਹੀ, ਉਥੇ ਪੁਲਿਸ ਕੇਸ ਵਿਚ ਕਈ ਹੋਰ ਸ਼ੱਕੀ ਤੱਥ ਵੀ ਸਨ, ਜਿਸਦੇ ਵਿਚ ਖਾਲੀ ਕਾਰਤੂਸ਼ਾਂ ਦੇ ਖੋਲ ਘਟਨਾ ਦੇ ਦੂਜੇ ਦਿਨ ਮਿਲਣਾ ਅਤੇ ਇੱਕ ਕਥਿਤ ਮੁਲਜਮ ਦੇ ਘਰਂੋ ਹਥਿਆਰਾਂ ਦੀ ਬਰਾਮਦਗੀ ਉਸ ਸਮੇਂ ਦਿਖਾਉਣੀ ਜਦ ਪ੍ਰਵਾਰ ਦਾ ਕੋਈ ਮੈਂਬਰ ਘਰ ਨਹੀਂ ਸੀ। ਜਿਕਰਯੋਗ ਹੈ ਕਿ ਇਹ ਕੇਸ ਕਾਫ਼ੀ ਚਰਚਾ ਵਿਚ ਆਇਆ ਸੀ ਤੇ ਪੰਜਾਬ ਦੀਆਂ ਸਮੂਹ ਵਿਰੋਧੀ ਧਿਰਾਂ ਸਹਿਤ ਵਪਾਰੀਆਂ ਵੱਲੋਂ ਬਠਿੰਡਾ ਵਿਚ ਕਈ ਦਿਨ ਤੱਕ ਧਰਨਾ ਵੀ ਲਗਾਇਆ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
