👉ਪੀੜ੍ਹਤ ਨੌਜਵਾਨ ਦੇ ਭਰਾ ਨੇ ਜਿੰਮੇਵਾਰ ਜੇਲ੍ਹ ਮੁਲਾਜਮਾਂ ਵਿਰੁਧ ਪਰਚਾ ਦਰਜ਼ ਕਰਨ ਦੀ ਕੀਤੀ ਮੰਗ
Sangrur News: ਸਿਵ ਸੈਨਾ ਆਗੂ ਸੁਧੀਰ ਸੂਰੀ ਦੇ ਕਤਲ ਮਾਮਲੇ ਵਿਚ ਪਟਿਆਲਾ ਜੇਲ੍ਹ ‘ਚ ਬੰਦ ਸਿੱਖ ਨੌਜਵਾਨ ਸੰਦੀਪ ਸਿੰਘ ਸ਼ਨੀ ਉੱਪਰ ਹੋਏ ਕਥਿਤ ਤਸਦੱਦ ਦਾ ਮਾਮਲਾ ਗਰਮਾਉਂਦਾ ਜਾ ਰਿਹਾ। ਹਾਲਾਂਕਿ ਪਟਿਆਲਾ ਜੇਲ੍ਹ ਪ੍ਰਸ਼ਾਸਨ ਨੇ ਤੱਟ-ਫੱਟ ਸੰਦੀਪ ਸਿੰਘ ਸ਼ਨੀ ਨੂੰ ਸੰਗਰੂਰ ਜੇਲ੍ਹ ਵਿਚ ਤਬਦੀਲ ਕਰ ਦਿੱਤਾ ਹੈ ਪ੍ਰੰਤੂ ਅਦਾਲਤ ਨੇ ਵੀ ਪ੍ਰਵਾਰ ਦੀ ਅਰਜ਼ੀ ਉੱਪਰ ਵੱਡੀ ਕਾਰਵਾਈ ਕਰਦਿਆਂ ਰਜਿੰਦਰਾ ਮੈਡੀਕਲ ਕਾਲਜ਼ ਦੇ ਮੁਖੀ ਨੂੰ ਡਾਕਟਰਾਂ ਦਾ ਬੋਰਡ ਬਣਾ ਕੇ ਸ਼ਨੀ ਦਾ ਮੈਡੀਕਲ ਕਰਨ ਦੇ ਹੁਕਮ ਦਿੱਤੇ ਹਨ। ਬੀਤੇ ਕੱਲ ਜੇਲ੍ਹ ਵਿਚ ਸ਼ਨੀ ਨੂੰ ਮਿਲਣ ਤੋਂ ਬਾਅਦ ਉਨ੍ਹਾਂ ਦੇ ਵਕੀਲ ਘੁੰਮਣ ਬ੍ਰਦਰਜ਼ ਨੇ ਉਸਦੇ ਨਾਲ ਹੋਏ ਅਣਮਨੁੱਖੀ ਵਿਵਹਾਰ ਬਾਰੇ ਖੁਲਾਸੇ ਕੀਤੇ ਸਨ,ਉਥੇ ਆਪਣੇ ਭਰਾ ਨੂੰ ਜੇਲ੍ਹ ਵਿਚ ਮਿਲਣ ਤੋਂ ਬਾਅਦ ਉਸਦੀ ਹਾਲਾਤ ਦੇਖਦਿਆਂ ਮਨਦੀਪ ਸਿੰਘ ਦੀਆਂ ਵੀ ਮੀਡੀਆ ਦੇ ਕੈਮਰਿਆਂ ਸਾਹਮਣੇ ਭੁੱਬਾਂ ਨਿਕਲ ਗਈਆਂ।
ਇਹ ਵੀ ਪੜ੍ਹੋ Punjab Police ‘ਚੋਂ ਬਰਖਾਸਤ Insta Queen ਅਮਨਦੀਪ ਕੌਰ ਦੀ ਜੇਲ੍ਹ ‘ਚ ਵਿਗੜੀ ਹਾਲਾਤ
ਮਨਦੀਪ ਸਿੰਘ ਨੇ ਪਟਿਆਲਾ ਜੇਲ੍ਹ ਦੇ ਸੁਪਰਡੈਂਟ ਸਹਿਤ ਹੋਰਨਾਂ ਮੁਲਾਜਮਾਂ ਨੂੰ ਕਟਿਹਰੇ ਵਿਚ ਖੜ੍ਹੇ ਕਰਦਿਆਂ ਸਵਾਲ ਕੀਤਾ ਕਿ ਇੱਕ ਵਿਅਕਤੀ ਤਿੰਨ ਪੁਲਿਸ ਅਧਿਕਾਰੀਆਂ ਨੂੰ ਕਿਸ ਤਰ੍ਹਾਂ ਕੁੱਟ ਸਕਦਾ ਹੈ। ਉਨ੍ਹਾਂ ਇਹ ਵੀ ਦਾਅਵਾ ਕੀਤਾ ਕਿ ਜੇਲ੍ਹ ਅੰਦਰ ਅੱਧੀ ਦਰਜ਼ਨ ਜਣਿਆਂ ਦਾ ਗਰੁੱਪ ਬਣਾ ਕੇ ਵਿਚਰ ਰਹੇ ਸੂਬਾ ਸਿੰਘ ਤੇ ਇੰਦਰਜੀਤ ਸਿੰਘ ਆਦਿ ਪਿਛਲੇ ਕਈ ਮਹੀਨਿਆਂ ਤੋਂ ਉਸਦੇ ਭਰਾ ਸੰਦੀਪ ਸਿੰਘ ਸ਼ਨੀ ਨੂੰ ਤੰਗ ਪ੍ਰੇਸ਼ਾਨ ਕਰ ਰਹੇ ਸਨ। ਘਟਨਾ ਵਾਲੇ 10 ਸਤੰਬਰ ਨੂੰ ਪਹਿਲਾਂ ਇੰਦਰਜੀਤ ਸਿੰਘ ਵੱਲੋਂ ਸ਼ਨੀ ਉੱਪਰ ਹਮਲਾ ਕੀਤਾ ਗਿਆ ਤੇ ਸ਼ਨੀ ਭੱਜ ਕੇ ਗੁਰਦੁਆਰਾ ਸਾਹਿਬ ਚਲਾ ਗਿਆ। ਜਿੱਥੋਂ ਜੇਲ੍ਹ ਦਾ ਮੁਲਾਜਮ ਸੁਖਜੀਤ ਉਸਨੂੰ ਫ਼ੜ ਕੇ ਲਿਆਇਆ।
ਇਹ ਵੀ ਪੜ੍ਹੋ ਪਟਿਆਲਾ ਜੇਲ੍ਹ ‘ਚ ਸਾਥੀ ਕੈਦੀ ਦੀ ਕੁੱਟਮਾਰ ਦਾ ਸ਼ਿਕਾਰ ਹੋਏ ਸਾਬਕਾ ਪੁਲਿਸ ਅਫ਼ਸਰ ਦੀ ਹੋਈ ਮੌ+ਤ
ਇਸਤੋਂ ਬਾਅਦ ਇੱਕ ਹੋਰ ਭੂਪਿੰਦਰ ਸਿੰਘ ਵਿਰਕ ਦੀ ਹਾਜ਼ਰੀ ਵਿਚ ਜੇਲ੍ਹ ਸੁਪਰਡੈਂਟ ਧਾਲੀਵਾਲ ਦੀ ਸ਼ਹਿ ‘ਤੇ ਜੇਲ੍ਹ ਮੁਲਾਜਮਾਂ ਬਾਲ ਕ੍ਰਿਸ਼ਨ, ਰਾਮ, ਅਰਪਣਜੋਤ, ਜੋਗਿੰਦਰ, ਨਵਜੋਤ ਆਦਿ ਨੇ ਬੇਰਹਿਮੀ ਦੇ ਨਾਲ ਸੰਦੀਪ ਸਿੰਘ ਸ਼ਨੀ ਦੇ ਹੱਥ ਅਤੇ ਪੈਰ ਬੰਨ੍ਹ ਕੇ ਪਸ਼ੂਆਂ ਦੀ ਤਰ੍ਹਾਂ ਕਰੀਬ ਅੱਧਾ ਘੰਟਾ ਕੁੱਟਮਾਰ ਕੀਤੀ। ਜਿਸਦੇ ਨਾਲ ਉਹ ਘਟਨਾ ਦੇ ਇੱਕ ਹਫ਼ਤੇ ਬਾਅਦ ਵੀ ਆਪਣੀਆਂ ਲੱਤਾਂ ‘ਤੇ ਖੜ੍ਹਣਯੋਗ ਨਹੀ। ਇਸੇ ਤਰ੍ਹਾਂ ਅੱਖਾਂ ਤੇ ਸਰੀਰ ਦੇ ਹੋਰਨਾਂ ਥਾਵਾਂ ‘ਤੇ ਵੀ ਸੱਟਾਂ ਦੇ ਨਿਸ਼ਾਨ ਹਨ। ਮਨਦੀਪ ਸਿੰਘ ਨੇ ਮੰਗ ਕੀਤੀ ਕਿ ਪੁਲਿਸ ਇਸ ਮਾਮਲੇ ਦੀ ਉੱਚ ਪੱਧਰੀ ਪੜ੍ਹਤਾਲ ਕਰਵਾ ਕੇ ਤੁਰੰਤ ਜਿੰਮੇਵਾਰ ਜੇਲ੍ਹ ਮੁਲਾਜਮਾਂ ਤੇ ਕੈਦੀਆਂ ਵਿਰੁਧ ਪਰਚਾ ਦਰਜ਼ ਕਰੇ। ਉਨ੍ਹਾਂ ਕਿਹਾ ਕਿ ਜੇਕਰ ਅਜਿਹਾ ਨਾਂ ਕੀਤਾ ਗਿਆ ਤਾਂ ਉਹ ਸਿੱਖ ਜਥੈਬੰਦੀਆਂ ਦੇ ਸਹਿਯੋਗ ਨਾਲ ਪੱਕਾ ਧਰਨਾ ਲਗਾਉਣਗੇ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
