👉ਇੱਕ ਇਸ ਵਾਰਡ ਦਾ ਮੌਜੂਦਾ ਕੌਂਸਲਰ ਤੇ ਦੂਜਾ ਅਗਲੀ ਚੋਣਾਂ ਲੜਣ ਦਾ ਚਾਹਵਾਨ
Bathinda News: ਨਵੀਂ ਵਾਰਡਬੰਦੀ ‘ਚ ਬਣੇ ਨਵੇਂਂ ਵਾਰਡਾਂ ਦੀ ‘ਦਾਅਵੇਦਾਰੀ’ ਨੂੰ ਲੈ ਕੇ ਕੌਂਸਲਰਾਂ ਵਿਚ ਜਮੀਨ ਤੋਂ ਲੈ ਕੇ ਸੋਸ਼ਲ ਮੀਡੀਆ ਤੱਕ ਸਿਆਸੀ ਜੰਗ ਚੱਲਦੀ ਦਿਖਾਈ ਦੇਣ ਲੱਗੀ ਹੈ। ਹਾਲਾਂਕਿ ਇਸ ਵਾਰਡਬੰਦੀ ਨੂੰ ਅਦਾਲਤ ਵਿਚ ਚੁਣੌਤੀ ਦਿੱਤੀ ਜਾ ਚੁੱਕੀ ਹੈ ਤੇ ਇਸ ਵਾਰਡਬੰਦੀ ਉਪਰ ਚੋਣਾਂ ਹੋਣ ਬਾਰੇ ਵੀ ਸਵਾਲ ਖੜ੍ਹੇ ਹੁੰਦੇ ਦਿਖਾਈ ਦੇ ਰਹੇ ਹਨ ਪ੍ਰੰਤੂ ਸੰਭਾਵੀਂ ਉਮੀਦਵਾਰ ਹੁਣ ਤੋਂ ਹੀ ਇਸ ਉੱਪਰ ਆਪਣੇ ਹੱਕ ਜਤਾਉਣੇ ਸ਼ੁਰੂ ਕਰ ਚੁੱਕੇ ਹਨ। ਅਜਿਹਾ ਹੀ ਇੱਕ ਨਜ਼ਾਰਾ ਨਵੇਂ ਬਣੇ ਵਾਰਡ 20 ਦੇ ਵਿੱਚ ਪੈਂਦੇ ਇਲਾਕੇ ਨੂੰ ਲੈ ਕੇ ਅੱਜ ਸੋਸ਼ਲ ਮੀਡੀਆ ‘ਤੇ ਦੇਖਣ ਨੂੰ ਮਿਲਿਆ ਹੈ। ਇਸ ਵਾਰਡ ਦੇ ਸ਼ਾਂਤ ਨਗਰ ਇਲਾਕੇ ਦੀ ਗਲੀ ਨੰਬਰ 4 ਵਿਚ ਸੀਵਰੇਜ਼ ਦੀ ਪ੍ਰੇਸ਼ਾਨੀ ਦੇ ਹੱਲ ਨੂੰ ਲੈ ਕੇ 2 ਮਹਿਲਾ ਕੌਂਸਲਰਾਂ ਦੇ ਪਤੀ ਕੰਵਲਜੀਤ ਸਿੰਘ ਭੰਗੂ (ਜਿੰਨ੍ਹਾਂ ਦੀ ਧਰਮਪਤਨੀ ਗੁਰਿੰਦਰ ਕੌਰ ਭੰਗੂ ਇਸ ਵਾਰਡ (ਨੰਬਰ 11)ਦੀ ਮੌਜੂਦਾ ਕੌਂਸਲਰ ਹੈ) ਅਤੇ ਵਾਰਡ ਨੰਬਰ 15 ਤੋਂ ਮਹਿਲਾ ਕੌਂਸਲਰ ਮਨਜੀਤ ਕੌਰ ਬੁੱਟਰ ਦੇ ਪਤੀ ਟਹਿਲ ਸਿੰਘ ਬੁੱਟਰ ( ਜੋਕਿ ਹੁਣ ਨਵੀਂ ਵਾਰਡਬੰਦੀ ਵਿੱਚ ਇਹ ਇਲਾਕਾ ਵਾਰਡ ਨੰਬਰ 20 ਦਾ ਹਿੱਸਾ ਬਣਨ ਕਾਰਨ ਇੱਥੋਂ ਚੋਣ ਲੜਣ ਦੇ ਚਾਹਵਾਨ ਹਨ) ਆਪਸ ਵਿਚ ਮੇਹਣੋ-ਮੇਹਣੀ ਹੁੰਦੇ ਨਜ਼ਰ ਆਏ।
ਇਹ ਵੀ ਪੜ੍ਹੋ ਨਾਲਾਗੜ੍ਹ ਪੁਲਿਸ ਥਾਣਾ ਬਲਾਸਟ ਕੇਸ: Punjab Police ਵੱਲੋਂ BKI ਨਾਲ ਜੁੜੇ ਦੋ ਵਿਅਕਤੀ ਨਵਾਂਸ਼ਹਿਰ ਤੋਂ ਗ੍ਰਿਫ਼ਤਾਰ; IED ਬਰਾਮਦ
ਦਰਅਸਲ, ਹਾਲੇ ਤੱਕ ਪੁਰਾਣੇ ਵਾਰਡ ਦੇ ਚੁਣੇ ਹੋਏ ਨੁਮਾਇੰਦੇ ਦੇ ਪਤੀ ਕੰਵਲਜੀਤ ਸਿੰਘ ਭੰਗੂ ਨੇ ਇੱਥੇ ਚੱਲ ਰਹੇ ਕੰਮ ਦੀ ਦੇਖਰੇਖ ਕਰਦਿਆਂ ਦੀ ਆਪਣੀ ਫ਼ੋਟੋ ਫ਼ੇਸਬੁੱਕ ‘ਤੇ ਪਾ ਕੇ ਲਿਖਿਆ ਸੀ ਕਿ, ‘‘ਵਾਰਡ ਨੰਬਰ 11 ਦੀ ਗਲੀ ਨੰਬਰ 4 ਸ਼ਾਂਤ ਨਗਰ ਵਿਚ ਕੁੱਝ ਦਿਨ ਪਹਿਲਾਂ ਬਿਨਾਂ ਗਲੀ ਵਾਲਿਆਂ ਦੀ ਸਹਿਮਤੀ ਦੇ ਗਲੀ ਪੱਟ ਦਿੱਤੀ ਸੀ,ਜਿਸ ਕਾਰਨ ਗਲੀ ਵਾਲੇ ਪ੍ਰਰੇਸ਼ਨ ਹੋ ਰਹੇ ਸੀ ਅੱਜ SDO,JE ਅਤੇ ਬਾਈ ਰਿੰਪੀ ਹੋਰਾਂ ਦੀ ਹਾਜਰੀ ਵਿੱਚ ਗਲੀ ਦੀ ਰਪੇਅਰ ਦਾ ਕੰਮ ਸ਼ੁਰੂ ਕਰਵਾਇਆ ਗਿਆ।” ਉਨ੍ਹਾਂ ਦੀ ਇਸ ਪੋਸਟ ‘ਤੇ ਤਿੱਖਾ ਕੁਮੈਂਟ ਕਰਦਿਆਂ ਟਹਿਲ ਸਿੰਘ ਬੁੱਟਰ ਨੇ ਲਿਖ ਦਿੱਤਾ ਕਿ, ‘‘ਬਿਨਾਂ ਪੁੱਛੇ ਤੋਂ ਕਿਵੇਂ ਹੋ ਗਿਆ ਜਦੋਂ ਸੀਵਰੇਜ ਬੰਦ ਹੋ ਗਿਆ ਤੇ ਗਲੀ ਦੇ ਮੋਹਤਬਰ ਜਿਹਨਾਂ ਵਿੱਚ ਜਗਸੀਰ ਸਿੰਘ ਕਲਿਆਣ ਦਾ ਦੋ ਦਿਨ ਸੀਵਰੇਜ ਬੰਦ ਰਿਹਾ ਤੇ ਉਹਨਾਂ ਨੇ ਮੈਨੂੰ ਕਿਹਾ ਸੀਵਰੇਜ ਖੁੱਲ੍ਹਾ ਕੇ ਦੇਵੋ ਤੇ ਸੀਵਰੇਜ ਨੂੰ ਖੋਲ੍ਹਣ ਤੇ ਦੋ ਦਿਨ ਲੱਗੇ ਤੇ ਸੀਵਰੇਜ ਮਹਿਕਮਾ ਤੇ ਮਿਉਂਸਪਲ ਮੁਲਾਜ਼ਮਾਂ ਨੇ ਦੂਜੇ ਦਿਨ ਰਾਤ ਨੂੰ 9.00ਵਜੇ ਚਾਲੂ ਕੀਤਾ ਤੇ ਇਸ ਨੂੰ ਚਲਾਉਣ ਲਈ ਜਿਹੜੇ ਲੰਮੇ ਸਮੇਂ ਤੋਂ ਬੰਦ ਪਏ ਢੱਕਣ ਜੇਕਰ ਪਹਿਲਾਂ ਹੀ ਖੁੱਲ੍ਹੇ ਹੁੰਦੇ ਇਹ ਨੋਬਤ ਹੀ ਨਾ ਆਉਂਦੀ ਹੁਣ ਵੀ ਮੈ ਪਿਛਲੇ ਤਿੰਨ ਦਿਨਾਂ ਤੋਂ ਮੇਅਰ ਸਹਿਬ ਦੇ ਧਿਆਨ ਵਿੱਚ ਲਿਆ ਕੇ ਇਹ ਢੱਕਣ ਲਗਾਉਣ ਲਈ ਉਪਰਾਲੇ ਕੀਤੇ ਹਨ ।”
ਇਹ ਵੀ ਪੜ੍ਹੋ Punjab Police ਨੁੰ ਵੱਡੀ ਸਫ਼ਲਤਾ; BSF ਨਾਲ ਮਿਲਕੇ ਬਾਰਡਰ ਤੋਂ ਹਥਿਆਰਾਂ ਦਾ ਜਖ਼ੀਰਾ ਬਰਾਮਦ
ਗੱਲ ਇੱਥੇ ਹੀ ਖ਼ਤਮ ਨਹੀਂ ਕੀਤੀ, ਬਲਕਿ ਬੁੱਟਰ ਨੇ ਕੰਵਲਜੀਤ ‘ਤੇ ਤੰਜ਼ ਕਸਦਿਆਂ ਲਿਖਿਆ ਕਿ, ‘‘ਤੁਸੀਂ ਉਸ ਦਿਨ ਕਿਉ ਨਹੀਂ ਆਏ ਜਦੋਂ ਗਲੀ ਵਿੱਚ ਸੀਵਰੇਜ ਨੂੰ ਖੋਲ੍ਹਣ ਲਈ ਕੰਮ ਚੱਲ ਰਿਹਾ ਸੀ ਤੇ ਮਸ਼ੀਨਾਂ ਆਈਆਂ ਸਨ ਜਨਾਬ ਕਿਥੇ ਸੀ ,ਜੇਕਰ ਲੋਕਾਂ ਦੀ ਮੁਸ਼ਕਿਲ ਹੱਲ ਕਰ ਦਿੱਤੀ ਤਾਂ ਗਲਤ ਕੀ ਹੈ।” ਇਸਦੇ ਜਵਾਬ ਵਿਚ ਕੰਵਲਜੀਤ ਵੀ ਪਿੱਛੇ ਨਹੀਂ ਰਿਹਾ ਤੇ ਉਸਨੇ ਲਿਖ ਦਿੱਤਾ ਕਿ, ‘‘Tehal Singh Butter ਗਲੀ ਵਾਲੇ ਤਾਂ ਕਹਿੰਦੇ ਅਸੀਂ ਕਿਸੇ ਨੂੰ ਕਿਹਾ ਹੀ ਨਹੀਂ,ਆਪਣੇ ਨੁਮਾਇੰਦੇ ਤੋਂ ਬਿਨਾ,ਤੁਸੀਂ ਜਾ ਕੇ ਕਿਹਾ ਹੈ ਵੀ ਮੈਂ ਇਲੈਕਸ਼ਨ ਲੜਨਾ ਹੈ, ਤੁਹਾਡੀਆਂ ਗਲੀਆਂ ਵੀ ਮੇਰੇ ਵਾਰਡ ਵਿੱਚ ਆ ਗਈਆਂ ਨੇ,ਨਾਲੇ ਤੁਸੀਂ ਅਗਲੇ ਨੂੰ ਪੁੱਛ ਰਹੇ ਹੋ ਵੀ ਤੁਸੀਂ ਮੈਨੂ ਜਾਣਦੇ ਹੋ ਹੱਦ ਹੋ ਗਈ ਜੇ ਲੋਕਾਂ ਨੂੰ ਪੁੱਛਣੇ ਪੈ ਜੇ ਵੀ ਤੁਸੀਂ ਮੈਨੂ ਜਾਣਦੇ ਹੋ, ਦੂਜੇ ਦੇ ਕੰਮ ਵਿੱਚ ਟੰਗ (🦵🏽)ਨਹੀਂ ਫਸਾਈ ਦੀ ਹੁੰਦੀ।ਜਿਹੜੇ ਚੁਣੇ ਹੋਏ ਨੁਮਾਇੰਦੇ ਹਨ ਉਹਨਾਂ ਨੂੰ ਪਤਾ ਨਹੀਂ ਤਾਂ ਬਿਨਾ ਪੁੱਛੇ ਦੱਸੇ ਹੀ ਹੋ ਗਿਆ ਬਿਨਾ ਗਲੀ ਵਾਲਿਆਂ ਦੀ ਸਹਿਮਤੀ ਦੇ,ਜੋ ਇਥੇ ਰਹਿੰਦੇ ਹੀ ਘੱਟ ਹਨ,ਨਾਲੇ ਤੁਹਾਡਾ ਤਾਂ ਕੋਈ ਮਤਲਬ ਹੀ ਨਹੀਂ ਬਣਦਾ,ਹਾਲੇ ਲੋਕਾਂ ਦੇ ਚੁਣੇ ਹੋਏ ਹਾਂ,ਜਿਸ ਦਿਨ ਤੁਹਾਨੂੰ ਚੁਣ ਲਿਆ ਜੀ ਸਦਕੇ ਕਰਵਾਓ,ਹਾਲੇ ਚੁਣੇ ਹੋਏ ਬੈਠੇ ਹੈ ਕੰਮ ਕਰਵਾਉਣ ਨੂੰ।”ਜਿਕਰਯੋਗ ਹੈ ਕਿ ਸਾਲ 2021 ਵਿਚ ਹੋਈਆਂ ਨਗਰ ਨਿਗਮ ਦੀਆਂ ਚੋਣਾਂ ਵਿਚ ਦੋਨਾਂ ਦੀਆਂ ਧਰਮ ਪਤਨੀਆਂ ਕਾਂਗਰਸ ਦੀ ਟਿਕਟ ਤੋਂ ਚੋਣ ਜਿੱਤੀਆਂ ਸਨ,ਹਾਲਾਂਕਿ ਕਾਂਗਰਸ ਨਾਲ ਇੰਨ੍ਹਾਂ ਦਾ ਕੋਈ ਲੰਮਾ ਨਾਤਾ ਨਹੀਂ ਸੀ ਪ੍ਰੰਤੂ ਮਨਪ੍ਰੀਤ ਬਾਦਲ ਦੀ ਮਿਹਰਬਾਨੀ ਸਦਕਾ ਕਾਂਗਰਸ ਦੀ ਟਿਕਟ ਲੈਣ ਤੇ ਜਿੱਤਣ ਵਿਚ ਸਫ਼ਲ ਰਹੇ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
