ਨਵੀਂ ਦਿੱਲੀ, 3 ਅਕਤੂਬਰ: ਬੀਤੀ ਦੇਰ ਰਾਤ ਸਥਾਨਕ ਜੈਤਪੁਰ ਇਲਾਕੇ ਦੇ ਵਿਚ ਸਥਿਤ ਇੱਕ ਪ੍ਰਾਈਵੇਟ ਹਸਪਤਾਲ ਵਿਚ ਮਰੀਜ਼ ਬਣ ਕੇ ਆਏ ਦੋ ਬਦਮਾਸ਼ਾਂ ਵੱਲੋਂ ਡਾਕਟਰ ਦੇ ਸਿਰ ਵਿਚ ਗੋਲੀ ਮਾਰ ਕੇ ਕਤਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਘਟਨਾ ਦਾ ਪਤਾ ਲੱਗਦੇ ਹੀ ਪੁਲਿਸ ਵੱਲੋਂ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਮ੍ਰਿਤਕ ਡਾਕਟਰ ਦੀ ਪਹਿਚਾਣ ਜਾਵੇਦ ਅਖ਼ਤਰ ਵਜੋਂ ਹੋਈ ਹੈ। ਮੁਢਲੀ ਪੜਤਾਲ ਮੁਤਾਬਕ ਇਹ ਮਾਮਲਾ ਟਾਰਗੇਟ ਕਿÇਲੰਗ ਦਾ ਲੱਗ ਰਿਹਾ ਹੈ ਕਿ ਕਿਸੇ ਨੇ ਸੁਪਾਰੀ ਦੇ ਕੇ ਡਾਕਟਰ ਦਾ ਕਤਲ ਕਰਵਾਇਆ ਹੈ।
ਇਹ ਖ਼ਬਰ ਵੀ ਪੜ੍ਹੋ: ਪੰਜਾਬ ਦੇ ਇਸ MP ਦੇ ਘਰ ਨੂੰ ਪੱਕਾ ‘ਟਿਕਾਣਾ’ ਬਣਾਉਣਗੇ Arvind Kejriwal !
ਸੂਚਨਾ ਮੁਤਾਬਕ ਖੱਡਾ ਕਲੌਨੀ ਵਿਚ ਸਥਿਤ ਨਰਗਿਸ ਮਸਜਿਦ ਰੋਡ ’ਤੇ ਨਿਮਾ ਹਸਪਤਾਲ ਹੈ। ਜਿਸਦੇ ਵਿਚ ਮ੍ਰਿਤਕ ਡਾਕਟਰ ਜਾਵੇਦ ਦੀ ਰਾਤ ਸਮੇਂ ਦੀ ਡਿਊਟੀ ਹੁੰਦੀ ਹੈ। ਸੂਚਨਾ ਮੁਤਾਬਕ ਰਾਤ ਕਰੀਬ 1 ਵਜੇਂ ਦੋ ਨੌਜਵਾਨ ਮਰੀਜ਼ ਬਣ ਕੇ ਹਸਪਤਾਲ ਆਏ ਤੇ ਆਪਣੇ ਸੱਟ ਲੱਗੀ ਹੋਣ ਦਾ ਦਾਅਵਾ ਕੀਤਾ। ਜਦ ਡਾਕਟਰ ਜਾਵੇਦ ਉਨ੍ਹਾਂ ਦੇ ਪੱਟੀ ਕਰਨ ਲੱਗਿਆ ਤਾਂ ਇੱਕ ਨੌਜਵਾਨ ਨੇ ਉਸਦੇ ਸਿਰ ਵਿਚ ਗੋਲੀ ਮਾਰੀ ਤੇ ਦੋਨੋਂ ਫ਼ਰਾਰ ਹੋ ਗਏ। ਫ਼ਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
Share the post "ਮਰੀਜ਼ ਬਣ ਕੇ ਆਏ ਬਦਮਾਸ਼ਾਂ ਨੇ ਡਾਕਟਰ ਦੇ ਸਿਰ ’ਚ ਮਾਰੀ ਗੋ+ਲੀ, ਹੋਈ ਮੌ+ਤ"
