ਅਨੰਤਨਾਗ, 13 ਸਤੰਬਰ: ਬੀਤੀ ਰਾਤ ਤੋਂ ਗਡੋਲ ਇਲਾਕੇ ’ਚ ਅੱਤਵਾਦੀਆਂ ਨਾਲ ਚੱਲ ਰਹੇ ਮੁਕਾਬਲੇ ਵਿਚ ਅੱਜ ਭਾਰਤੀ ਫ਼ੌਜ ਦੇ ਇੱਕ ਕਰਨਲ ਸਹਿਤ ਮੇਜਰ ਅਤੇ ਜੰਮੂ ਪੁਲਿਸ ਦੇ ਡੀਐਸਪੀ ਸਹੀਦ ਹੋ ਗਏ। ਅੱਤਵਾਦੀਆਂ ਨਾਲ ਮੁਕਾਬਲੇ ਵਿਚ ਸਹੀਦ ਕਰਨਲ ਮਨਪ੍ਰੀਤ ਸਿੰਘ 19 ਆਰਆਰ ਯੂਨਿਟ ਦੀ ਕਮਾਂਡ ਕਰ ਰਹੇ ਸਨ। ਸਹੀਦ ਹੋਏ ਮੇਜਰ ਦੀ ਸਿਨਾਖ਼ਤ ਆਸ਼ੀਸ਼ ਕੁਮਾਰ ਅਤੇ ਡੀਐਸਪੀ ਦੀ ਹਿਮਾਯੂੰ ਭੱਟ ਵਜੋਂ ਹੋਈ ਹੈ। ਮੀਡੀਆ ਰੀਪੋਰਟਾਂ ਮੁਤਾਬਕ ਫ਼ੌਜ ਤੇ ਪੁਲਿਸ ਨੇ ਮੰਗਲਵਾਰ ਸ਼ਾਮ ਨੂੂੰ ਅੱਤਵਾਦੀਆਂ ਵਿਰੁਧ ਕਾਰਵਾਈ ਵਿੱਢੀ ਸੀ।
ਜਾਅਲੀ ਐਸ.ਸੀ ਸਰਟੀਫਿਕੇਟ ਦੇ ਆਧਾਰ ’ਤੇ ਡਾਕਟਰ ਬਣੇ ‘ਹਰਪਾਲ ਸਿੰਘ’ ਦਾ ਸਰਟੀਫਿਕੇਟ ਕੀਤਾ ਰੱਦ
ਅੱਜ ਸਵੇਰੇ ਮੁੜ ਅੱਤਵਾਦੀਆਂ ਦੀ ਭਾਲ ਕੀਤੀ ਜਾ ਰਹੀ ਸੀ। ਇਸ ਦੌਰਾਨ ਅੱਤਵਾਦੀਆਂ ਨੂੰ ਇੱਕ ਛੁਪਣਗਾਹ ’ਤੇ ਦੇਖਣ ਤੋਂ ਬਾਅਦ ਇੰਨ੍ਹਾਂ ਜਾਂਬਾਜ ਅਧਿਕਾਰੀਆਂ ਦੀ ਕਮਾਂਡ ਹੇਠ ਫ਼ੌਜ ਤੇ ਪੁਲਿਸ ਦੀ ਟੀਮ ਨੇ ਅੱਤਵਾਦੀਆਂ ਉਪਰ ਹਮਲਾ ਕਰ ਦਿੱਤਾ ਪ੍ਰੰਤੂ ਅੱਤਵਾਦੀਆਂ ਦੀ ਜਵਾਬੀ ਗੋਲੀਬਾਰੀ ਵਿਚ ਇਹ ਤਿੰਨੇ ਅਧਿਕਾਰੀ ਗੰਭੀਰ ਜਖਮੀ ਹੋ ਗਏ, ਜਿੰਨ੍ਹਾਂ ਨੇ ਬਾਅਦ ਵਿਚ ਦਮ ਤੋੜ ਦਿੱਤਾ।
