ਏਮਜ ਬਠਿੰਡਾ ’ਚ ਵਿਜੀਲੈਂਸ ਜਾਗਰੂਕਤਾ ਹਫਤੇ ਦੀ ਹੋਈ ਸੁਰੂਆਤ

ਡਾਇਰੈਕਟਰ ਨੇ ਸਮੂਹ ਕਰਮਚਾਰੀਆਂ ਨੂੰ ਚੁਕਾਈ ਇਮਾਨਦਾਰੀ ਦੀ ਸਹੁੰ
ਸੁਖਜਿੰਦਰ ਮਾਨ
ਬਠਿੰਡਾ, 27 ਅਕਤੂਬਰ: ਸਥਾਨਕ ਏਮਜ਼ ਹਸਪਤਾਲ ਵਿਚ ਬੀਤੇ ਕੱਲ ਵਿਜੀਲੈਂਸ ਜਾਗਰੂਕਤਾ ਸਪਤਾਹ ਦੀ ਸੁਰੂਆਤ ਇਮਾਨਦਾਰੀ ਦੇ ਪ੍ਰਣ ਨਾਲ ਹੋਈ ਜਿਸ ਦੀ ਪ੍ਰਧਾਨਗੀ ਕਾਰਜਕਾਰੀ ਨਿਰਦੇਸਕ ਅਤੇ ਸੀ.ਈ.ਓ.  ਡਾ. ਡੀ. ਕੇ. ਸਿੰਘ ਨੇ ਸੰਸਥਾ ਦੇ ਡੀਨ ਪ੍ਰੋ. ਡਾ. ਸਤੀਸ ਕੁਮਾਰ ਗੁਪਤਾ, ਪ੍ਰੋ. ਡਾ. ਲੱਜਾ ਦੇਵੀ ਗੋਇਲ ਅਤੇ ਫੈਕਲਟੀ ਮੈਂਬਰਾਂ ਅਤੇ ਵਿਦਿਆਰਥੀਆਂ ਦੇ ਨਾਲ ਕੀਤੀ, ਇਸ ਮੌਕੇ ਡਾ: ਸਿੰਘ ਨੇ ਸਾਰੇ ਡਾਕਟਰਾਂ, ਨਰਸਾਂ ਅਤੇ ਮੈਡੀਕਲ ਵਿਦਿਆਰਥੀਆਂ ਨੂੰ ਭਿ੍ਰਸਟਾਚਾਰ ਦੀ ਰੋਕਥਾਮ ਅਤੇ ਇਸ ਵਿਰੁੱਧ ਲੜਾਈ ਵਿਚ ਸਮੂਹਿਕ ਤੌਰ ‘ਤੇ ਹਿੱਸਾ ਲੈਣ ਅਤੇ ਭਿ੍ਰਸਟਾਚਾਰ ਦੀ ਹੋਂਦ, ਕਾਰਨਾਂ ਅਤੇ ਗੰਭੀਰਤਾ ਅਤੇ ਇਸ ਦੇ ਖਤਰੇ ਬਾਰੇ ਜਨਤਕ ਜਾਗਰੂਕਤਾ ਪੈਦਾ ਕਰਨ ਲਈ ਉਤਸਾਹਿਤ ਕੀਤਾ।  ਉਨ੍ਹਾਂ ਇਹ ਵੀ ਕਿਹਾ ਕਿ ਸੰਸਥਾ ਦੀ ਕਿਸੇ ਵੀ ਕਿਸਮ ਦੇ ਭਿ੍ਰਸਟਾਚਾਰ ਲਈ ਜੀਰੋ-ਟੌਲਰੈਂਸ ਦੀ ਨੀਤੀ ਹੈ। ਇਸ ਦੌਰਾਨ
ਸੰਸਥਾ ਦੀ ਮੁੱਖ ਵਿਜੀਲੈਂਸ ਅਫਸਰ ਡਾ: ਪ੍ਰੀਤੀ ਚੌਧਰੀ ਨੇ ਦੱਸਿਆ ਕਿ ਇਸ ਹਫਤੇ ਕੈਂਪਸ ਵਿਚ ਵੱਖ-ਵੱਖ ਗਤੀਵਿਧੀਆਂ ਕਰਵਾਈਆਂ ਜਾਣਗੀਆਂ , ਜਿਸ ਵਿੱਚ ਸਕੂਲ ਅਤੇ ਕਾਲਜ ਦੇ ਵਿਦਿਆਰਥੀਆਂ ਵਿੱਚ ਭਿ੍ਰਸਟਾਚਾਰ ਦੇ ਮਾੜੇ ਪ੍ਰਭਾਵਾਂ ਬਾਰੇ ਜਾਗਰੂਕਤਾ ਲੈਕਚਰ ਸਾਮਲ ਹਨ । ਅਥਾਰਟੀ ਦੁਆਰਾ ਸਮੇਂ-ਸਮੇਂ ‘ਤੇ ਜਾਰੀ ਕੋਵਿਡ-19 ਰੋਕਥਾਮ ਦਿਸਾ-ਨਿਰਦੇਸਾਂ ਦੀ ਸਖਤੀ ਨਾਲ ਪਾਲਣਾ ਕਰਨ ਤੋਂ ਬਾਅਦ ਸਾਰੇ ਸਥਾਨਾਂ ਅਤੇ ਸਮਾਗਮਾਂ ਵਿੱਚ ਮੌਜੂਦਾ ਛੋਟੇ ਪੱਧਰ ਦੇ ਉਦਯੋਗਾਂ ਨੂੰ ਉਤਸਾਹਿਤ ਕਰਨ ਲਈ ਮੇਲੇ, ਡਿਬੇਟ , ਡਾਂਸ ਅਤੇ ਗਾਇਨ ਮੁਕਾਬਲੇ, ਅਤੇ ਸਲੋਗਨ ਅਤੇ ਪੋਸਟਰ ਮੇਕਿੰਗ ਮੁਕਾਬਲੇ ਕਰਵਾਏ ਜਾਣਗੇ। ਇਸ ਮੌਕੇ ਡਾ: ਸਪਨਾ ਮਾਰਕਸ ਭੱਟੀ, ਡਾ: ਜਤਿੰਦਰ ਅਨੇਜਾ, ਡਾ: ਤਰੁਣ ਗੋਇਲ, ਡਾ: ਅੰਜਲੀ ਸਿੰਗਲ, ਡਾ: ਅਪੂਰਬਾ ਪਾਤਰਾ, ਡਾ: ਮਧੁਰ ਵਰਮਾ, ਡਾ: ਸਾਕੇਤ ਸਿਨ੍ਹਾ, ਡਾ: ਸੌਮਿਆ ਸਾਹੂ, ਡਾ: ਅੰਕਿਤਾ ਕੰਕਰੀਆ ਅਤੇ ਡਾ: ਹਰਸਿਮਰਨਜੀਤ ਸਿੰਘ, ਡਾ ਅਮਨਦੀਪ ਕੌਰ,ਡਾ ਮਨਜੀਤ ਕੌਰ ਆਦਿ ਹਾਜ਼ਰ ਸਨ।