ਖੇਤ ਮਜਦੂਰ ਯੂਨੀਅਨ ਦੇ ਆਗੂ ਨੇ ਠੇਕਾ ਸੰਘਰਸ ਮੋਰਚੇ ਨੂੰ ਧਮਕੀਆਂ ਦੇਣੀਆਂ ਦੀ ਕੀਤੀ ਨਿੰਦਾ

ਸੁਖਜਿੰਦਰ ਮਾਨ
ਬਠਿੰਡਾ,10 ਨਵੰਬਰ: ਪੰਜਾਬ ਖੇਤ ਮਜਦੂਰ ਯੂਨੀਅਨ ਦੇ ਸੂਬਾ ਪ੍ਰਧਾਨ ਜੋਰਾ ਸਿੰਘ ਨਸਰਾਲੀ ਨੇ ਰੋਪੜ ਪੁਲਿਸ ਦੇ ਉੱਚ ਅਧਿਕਾਰੀਆਂ ਵੱਲੋਂ ਮੁੱਖ ਮੰਤਰੀ ਦੇ ਸ਼ਹਿਰ ਮੋਰਿੰਡਾ ਵਿਖੇ ਠੇਕਾ ਸੰਘਰਸ ਮੁਲਾਜਮ ਮੋਰਚੇ ਦੇ ਆਗੂਆਂ ਨੂੰ ਮੀਟਿੰਗ ਵਿੱਚ ਬੁਲਾਕੇ ਮੋਰਚੇ ਨੂੰ ਉਠਾਉਣ ਲਈ ਦਿੱਤੀਆਂ ਧਮਕੀਆਂ ਦੀ ਤਿੱਖੇ ਸ਼ਬਦਾਂ ਵਿੱਚ ਨਿਖੇਧੀ ਕਰਕੇ ਹੋਏ ਕਾਂਗਰਸ ਸਰਕਾਰ ਤੇ ਪੁਲਿਸ ਅਧਿਕਾਰੀਆਂ ਨੂੰ ਉਨਾਂ ਦਾ ਮਸਲਾ ਕਰਨ ਦੀ ਮੰਗ ਕੀਤੀ ਹੈ। ਉਨਾਂ ਕਿਹਾ ਕਿ ਅਧਿਕਾਰੀਆਂ ਦਾ ਆਗੂਆਂ ਨੂੰ ਇਹ ਕਹਿਣਾ ਕਿ ਲੋਕ ਤੁਹਾਨੂੰ ਏਥੋਂ ਜਬਰੀ ਉਠਾ ਦੇਣਗੇ ।ਉਦੋਂ ਅਸੀਂ ਲੋਕਾਂ ਦਾ ਸਾਥ ਦੇਵਾਗੇ। ਪੁਲਿਸ ਦਾ ਇਹ ਬਿਆਨ ਸਰਕਾਰ ਵੱਲੋਂ ਲੋਕਾਂ ਨੂੰ ਭੜਕਾਕੇ ਸੰਘਰਸ ਕਰਦੇ ਠੇਕਾ ਮੁਲਾਜਮਾਂ ਨੂੰ ਕੁਟਵਾਉਣ ਦੀ ਗੁੱਝੀ ਵਿਉਂਤ ਦੀ ਪੁਸਟੀ ਕਰਦਾ ਹੈ।ਉਨਾਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਸੁਆਲ ਕਰਦਿਆਂ ਕਿਹਾ ਹੈ ਕਿ ਆਪ ਦਿੱਲੀ ਸਰਕਾਰ ਵਿਰੁੱਧ ਲੱਗੇ ਕਿਸਾਨੀ ਮੋਰਚੇ ਵਿੱਚ ਸ਼ਾਮਲ ਹੋਣ ਦੇ ਐਲਾਨ ਕਰ ਰਿਹਾ ਸੀ ਪਰ ਪੰਜਾਬ ਵਿੱਚ ਲੱਗੇ ਮੋਰਚਿਆਂ ਨੂੰ ਡੰਡੇ ਦੇ ਜੋਰ ਚੁਕਵਾਉਣ ਲਈ ਸਕੀਮਾਂ ਬਣਾ ਰਿਹਾ ਹੈ ।ਉਨਾਂ ਕਿਹਾ ਕਿ ਇਸ ਦੋਗਲੀ ਨੀਤੀ ਦਾ ਪਰਦਾਫਾਸ ਕੀਤਾ ਜਾਵੇਗਾ । ਸੂਬਾ ਪ੍ਰਧਾਨ ਨੇ ਕਿਹਾ ਹੈ ਕਿ ਸੰਘਰਸ ਕਰਨਾ ਦਾ ਹੱਕ ਮਜਦੂਰਾਂ ਨੇ ਖੂਨ ਡੋਲਹਕੇ ਹਾਸਲ ਕੀਤਾ ਹੈ । ਉਨਾਂ ਸਮੁੱਚੇ ਮਿਹਨਤੀ ਲੋਕਾਂ ਨੂੰ ਕਾਮਿਆਂ ਦੀ ਹਿਮਾਇਤ ‘ਤੇ ਡੱਟ ਜਾਣ ਦੀ ਅਪੀਲ ਕੀਤੀ ਹੈ ਤਾਂ ਕਿ ਸਰਕਾਰ ਦੇ ਲੋਕ ਵਿਰੋਧੀ ਮਨਸਿਆਂ ਨੂੰ ਫੇਲ ਕੀਤਾ ਜਾ ਸਕੇ।