ਬਠਿੰਡਾ ਪੁੱਜੇ ਮੁੱਖ ਮੰਤਰੀ ਵਲੋਂ ਬੇਰੁਜਗਾਰਾਂ ਨੂੰ ਨਾ ਮਿਲਣ ਕਾਰਨ ਰੋਸ਼

ਸੁਖਜਿੰਦਰ ਮਾਨ
ਬਠਿੰਡਾ, 14 ਅਪ੍ਰੈਲ: ਬੀਤੀ ਦੇਰ ਸ਼ਾਮ ਸਥਾਨਕ ਸ਼ਹਿਰ ਵਿਚ ਠਹਿਰਾਓ ਲਈ ਪੁੱਜੇ ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਅਪਣੀਆਂ ਮੰਗਾਂ ਲਈ ਮਿਲਣ ਦੀ ਕੋਸਿਸ਼ ਕਰਨ ਵਾਲੀ ਬੀ.ਐੱਡ ਟੈੱਟ ਪਾਸ ਬੇਰੁਜਗਾਰ ਅਧਿਆਪਕ ਯੂਨੀਅਨ ਦੇ ਆਗੂਆਂ ਨੇ ਨਾ ਮਿਲਣ ਦੇ ਚੱਲਦਿਆਂ ਰੋਸ਼ ਪ੍ਰਗਟ ਕੀਤਾ ਹੈ। ਬਲਾਕ ਪ੍ਰਧਾਨ ਗੁਰਮੁੱਖ ਸਿੰਘ ਨਸੀਬਪੁਰਾ ਤੇ ਸਟੇਟ ਕਮੇਟੀ ਮੈਂਬਰ ਮੁਨੀਸ ਫਾਜਲਿਕਾ ਨੇ ਦਸਿਆ ਕਿ ਉਨ੍ਹਾਂ ਮੁੱਖ ਮੰਤਰੀ ਨੂੰ ਪ੍ਰਸਾਸਨ ਰਾਹੀਂ ਮਿਲਣ ਦੀ ਕੋਸਿਸ ਕੀਤੀ ਸੀ ਪਰ ਪ੍ਰਸਾਸਨ ਨੇ ਸਮੇਂ ਦੀ ਘਾਟ ਤੇ ਸੁਰੱਖਿਆ ਦਾ ਹਵਾਲਾ ਦੇਕੇ ਯੂਨੀਅਨ ਦੇ ਸਾਥੀਆਂ ਦੀ ਜਗ੍ਹਾ ਆਪ ਯੂਨੀਅਨ ਦਾ ਮੰਗ ਪੱਤਰ ਮੁੱਖ ਮੰਤਰੀ ਤੱਕ ਪਹੁੰਚਾਉਣ ਦਾ ਭਰੋਸਾ ਦਿਵਾਇਆ। ਪ੍ਰੰਤੂ ਇਸਦੇ ਉਲਟ ਮੁੱਖ ਮੰਤਰੀ ਬੇਰੁਜਗਾਰਾਂ ਨੂੰ ਅੱਖੋਂ-ਪਰੋਖੇਂ ਕਰ ਆਪਣੇ ਵਿਧਾਇਕਾਂ ਤੇ ਆਗੂਆਂ ਨੂੰ ਮਿਲਦੇ ਨਜਰ ਆਏ। ਇੰਨ੍ਹਾਂ ਬੇਰੁਜ਼ਗਾਰ ਆਗੂਆਂ ਨੇ ਕਿਹਾ ਕਿ ਚੋਣਾਂ ਤੋਂ ਪਹਿਲਾਂ ਸੱਭ ਤੋਂ ਪਹਿਲਾਂ ਭਗਵੰਤ ਮਾਨ ਨੇ ਬੇਰੁਜਗਾਰੀ ’ਤੇ ਹਰਾ ਪਿੰਨ ਚਲਾਉਣ ਦਾ ਭਰੋਸਾ ਦਿੱਤਾ ਸੀ ਪ੍ਰੰਤੂ ਹੁਣ ਉਹ ਬੇਰੁਜ਼ਗਾਰਾਂ ਨੂੰ ਮਿਲਣ ਤੋਂ ਵੀ ਇੰਨਕਾਰੀ ਹੋਣ ਲੱਗੇ ਹਨ। ਇਸ ਮੌਕੇ ਯੂਨੀਅਨ ਆਗੂਆਂ ਨੇ ਮੰਗ ਕੀਤੀ ਕਿ ਕਾਂਗਰਸ ਸਰਕਾਰ ਵਲੋਂ ਚੋਣ ਜਾਬਤੇ ਤੋਂ ਕੁੱਝ ਸਮਾਂ ਪਹਿਲਾਂ 4161 ਅਧਿਆਪਕਾਂ ਦੀਆਂ ਕੱਢੀਆਂ ਪੋਸਟਾਂ ਵਿੱਚ ਵਾਧਾ ਕਰਕੇ ਖਾਸਕਰ ਐੱਸ.ਐੱਸ.ਟੀ , ਪੰਜਾਬੀ, ਹਿੰਦੀ ਆਦਿ ਵਿਸ?ਿਆਂ ਦੀਆਂ ਪੋਸਟਾਂ ਵਿੱਚ ਵਾਧਾ ਕਰਕੇ ਜਲਦੀ ਭਰਤੀ ਨੂੰ ਪੂਰਾ ਕੀਤਾ ਜਾਵੇ।ਇਸ ਮੌਕੇ ਸੁਨੀਲ ਕੁਮਾਰ,,ਮਦਨ ਆਦਿ ਹਾਜਰ ਸਨ।