ਬੰਦ ਕਮਰੇ ਵਿੱਚ ਅੰਗੀਠੀ ਦੀ ਵਰਤੋ ਹੋ ਸਕਦੀ ਹੈ ਜਾਨਲੇਵਾ: ਡਾ ਤੇਜਵੰਤ ਸਿੰਘ ਢਿੱਲੌ

ਅੰਗੀਠੀ ਬਾਰੇ ਅਗਿਆਨਤਾ ਕਾਰਨ ਹੋ ਰਹੇ ਨੇ ਜਾਨਲੇਵਾ ਹਾਦਸੇ
ਸੁਖਜਿੰਦਰ ਮਾਨ
ਬਠਿੰਡਾ, 11 ਜਨਵਰੀ:ਪਿਛਲੇ ਕੁਝ ਦਿਨਾਂ ਤੋ ਪੈ ਰਹੀ ਕੜਾਕੇ ਦੀ ਠੰਢ ਕਾਰਨ ਜਨ ਜੀਵਨ ਬੁਰੀ ਤਰ੍ਹਾ ਪ੍ਰਭਾਵਿਤ ਹੋ ਰਿਹਾ ਹੈ। ਠੰਢ ਤੋ ਬਚਾਅ ਲਈ ਜਿਆਦਾਤਰ ਅੱਗ ਬਾਲ ਕੇ ਆਪਣੇ ਹੱਥਾਂ, ਪੈਰਾਂ ਨੂੰ ਸੇਕਿਆ ਜਾਦਾ ਹੈ। ਇਸ ਤਰ੍ਹਾਂ ਕਮਰਿਆਂ ਅਤੇ ਘਰਾਂ ਨੂੰ ਗਰਮ ਰੱਖਣ ਲਈ ਅੰਗੀਠੀ ਬਾਲਣਾ ਆਮ ਗੱਲ ਹੋ ਗਈ ਹੈ। ਪਰ ਜਿਆਦਾਤਰ ਲੌਕ ਅੰਗੀਠੀ ਦੇ ਜਾਨਲੇਵਾ ਹੋਣ ਤੋਂ ਅਣਜਾਣ ਹਨ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਡਾ ਤੇਜਵੰਤ ਸਿੰਘ ਢਿੱਲੋ ਨੇ ਦੱਸਿਆ ਕਿ ਬੰਦ ਕਮਰੇ ਜਾਂ ਬੰਦ ਘਰਾਂ ਵਿੱਚ ਅੰਗੀਠੀ ਦੀ ਵਰਤਂੋ ਜਾਨਲੇਵਾ ਸਾਬਿਤ ਹੋ ਸਕਦੀ ਹੈ। ਬੰਦ ਕਮਰੇ ਅੰਦਰ ਅੰਗੀਠੀ ਤੋ ਪੈਦਾ ਹੋਏ ਅੱਗ ਦੇ ਧੂਏ ਕਾਰਨ ਆਕਸੀਜਨ ਖਤਮ ਹੋ ਜਾਦੀ ਹੈ ਜਿਸ ਕਾਰਨ ਸੋ ਰਹੇ ਵਿਅਕਤੀ ਦਾ ਸਾਹ ਘੁਟਿਆ ਜਾਂਦਾ ਹੈ।ਜਿਸ ਕਰਕੇ ਵਿਅਕਤੀ ਦੀ ਮੌਤ ਹੋ ਜਾਦੀ ਹੈ। ਪਿਛਲੀ ਦਿਨੀਂ ਇਸੇ ਪ੍ਰਕਾਰ ਅੰਗੀਠੀ ਦੀ ਵਰਤੋ ਸੰਬੰਧੀ ਅਗਿਆਨਤਾ ਕਰਕੇ ਕਾਫੀ ਵਿਅਕਤੀਆਂ ਨੂੰ ਆਪਣੀਆਂ ਜਾਨਾ ਤੋ ਗੁਆਣੀਆਂ ਪਈਆ ਹਨ। ਇਸ ਲਈ ਹਮੇਸ਼ਾ ਅੰਗੀਠੀ ਦੀ ਵਰਤੋਂ ਸਮੇਂ ਕਮਰਿਆ ਆਦਿ ਦੀਆਂ ਖਿੜਕੀਆਂ ਖੁਲ੍ਹੀਆਂ ਰੱਖਣੀਆ ਚਾਹੀਦੀ ਹਨ।ਹਵਾਦਾਰ ਕਮਰੇ ਵਿੱਚ ਹੀ ਅੰਗੀਠੀ ਬਾਲਣੀ ਚਾਹੀਦੀ ਹੈ।ਕਮਰੇ ਵਿੱਚ ਰੋਸ਼ਨਦਾਨ ਜਰੂਰ ਹੋਣ ਤਾ ਜ਼ੋ ਹਵਾ ਦਾ ਸੰਚਾਰ ਹੁੰਦਾ ਹੋਵੇ।