ਮਹਿਲਾ ਹਾਕੀ ਟੀਮ ਵਿੱਚ ਨਵੇਂ ਭਾਰਤ ਦੀ ਭਾਵਨਾ ਨਜ਼ਰ ਆਉਂਦੀ ਹੈ: ਪ੍ਰਧਾਨ ਮੰਤਰੀ

ਸੁਖਜਿੰਦਰ ਮਾਨ
ਨਵੀਂ ਦਿੱਲੀ, 6 ਅਗੱਸਤ: ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਕਿਹਾ ਹੈ ਕਿ ਮਹਿਲਾ ਹਾਕੀ ਟੀਮ ਮੈਡਲ ਹਾਸਲ ਕਰਨ ਤੋਂ ਭਾਵੇਂ ਰਹਿ ਗਈ, ਲੇਕਿਨ ਇਸ ਟੀਮ ਵਿੱਚ ਨਵੇਂ ਭਾਰਤ ਦੀ ਭਾਵਨਾ ਦੀ ਝਲਕ ਮਿਲਦੀ ਹੈ – ਅਜਿਹਾ ਭਾਰਤ, ਜਿੱਥੇ ਅਸੀਂ ਆਪਣਾ ਬਿਹਤਰੀਨ ਦਿੰਦੇ ਹਾਂ ਅਤੇ ਨਿਤ ਨਵੀਆਂ ਮੰਜ਼ਿਲਾਂ ਹਾਸਲ ਕਰਦੇ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਟੋਕੀਓ ਓਲੰਪਿਕਸ 2020 ਵਿੱਚ ਅਸੀਂ ਆਪਣੀ ਮਹਿਲਾ ਹਾਕੀ ਟੀਮ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਯਾਦਾਂ ਵਿੱਚ ਸੰਜੋ ਕੇ ਰੱਖਾਂਗੇ। ਟਵੀਟਾਂ ਦੀ ਇੱਕ ਲੜੀ ਵਿੱਚ, ਪ੍ਰਧਾਨ ਮੰਤਰੀ ਨੇ ਕਿਹਾ;“ਅਸੀਂ #2020 ਵਿੱਚ ਆਪਣੀ ਮਹਿਲਾ ਹਾਕੀ ਟੀਮ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨੂੰ ਹਮੇਸ਼ਾ ਯਾਦ ਰੱਖਾਂਗੇ। ਉਨ੍ਹਾਂ ਨੇ ਪੂਰੀ ਖੇਡ ਵਿੱਚ ਆਪਣਾ ਬਿਹਤਰੀਨ ਪ੍ਰਦਰਸ਼ਨ ਕੀਤਾ। ਟੀਮ ਦੇ ਹਰੇਕ ਮੈਂਬਰ ਨੂੰ ਜ਼ਬਰਦਸਤ ਸਾਹਸ, ਸਕਿੱਲ ਅਤੇ ਲਚਕ ਦਾ ਵਰਦਾਨ ਪ੍ਰਾਪਤ ਹੈ। ਭਾਰਤ ਨੂੰ ਇਸ ਸਿਰਮੌਰ ਟੀਮ ‘ਤੇ ਮਾਣ ਹੈ।