ਵੀਨੂੰ ਗੋਇਲ ਦਰਜ਼ਨਾਂ ਪ੍ਰਵਾਰਾਂ ਸਹਿਤ ਭਾਜਪਾ ਵਿਚ ਹੋਈ ਸ਼ਾਮਲ

ਕਿਸਾਨਾਂ ਦੇ ਵਿਰੋਧ ਤੋਂ ਬਾਅਦ ਸ਼ਹਿਰ ’ਚ ਰੱਖਿਆ ਸੀ ਸਮਾਗਮ
ਸੁਖਜਿੰਦਰ ਮਾਨ
ਬਠਿੰਡਾ, 15 ਨਵੰਬਰ: ਪਿਛਲੇ ਲੰਮੇ ਸਮੇਂ ਤੋਂ ਲੁਕਵੇਂ ਤੌਰ ’ਤੇ ਭਾਜਪਾ ਨਾਲ ਮਿਲਕੇ ਚੱਲ ਰਹੀ ਸਮਾਜ ਸੇਵਿਕਾ ਵੀਨੂੰ ਗੋਇਲ ਨੇ ਹੁਣ ਖੁੱਲੇ ਤੌਰ ’ਤੇ ਪਾਰਟੀ ਦਾ ਪੱਲਾ ਫ਼ੜ ਲਿਆ ਹੈ। ਬੀਤੇ ਕੱਲ ਅਪਣੇ ਸਹਿਤ ਦਰਜ਼ਨਾਂ ਪ੍ਰਵਾਰਾਂ ਨੂੰ ਭਾਜਪਾ ’ਚ ਸਮੂਲੀਅਤ ਕਰਵਾਉਣ ਲਈ ਇੱਕ ਪੈਲੇਸ ’ਚ ਰੱਖੇ ਪ੍ਰੋਗਰਾਮ ਦਾ ਕਿਸਾਨਾਂ ਵਲੋਂ ਵਿਰੋਧ ਕਰਨ ਤੋਂ ਬਾਅਦ ਭਾਜਪਾਈਆਂ ਵਲੋਂ ਗੁਪਤ ਤੌਰ ’ਤੇ ਇੱਕ ਘਰ ਵਿਚ ਪ੍ਰੋਗਰਾਮ ਰੱਖਿਆ ਗਿਆ। ਜਿਸ ਵਿਚ ਗੋਇਲ ਤੋਂ ਇਲਾਵਾ ਕਰੀਬ ਤਿੰਨ ਦਰਜ਼ਨ ਹੋਰਨਾਂ ਪ੍ਰਵਾਰਾਂ ਨੇ ਭਾਜਪਾ ਵਿਚ ਸ਼ਾਮਲ ਹੋਣ ਦਾ ਐਲਾਨ ਕੀਤਾ। ਉਕਤ ਪ੍ਰੋਗ੍ਰਾਮ ਵਿੱਚ ਭਾਜਪਾ ਪੰਜਾਬ ਦੇ ਮੀਤ ਪ੍ਰਧਾਨ ਜਸਵੰਤ ਸਿੰਘ ਧਨੌਲਾ, ਮਹਿਲਾ ਮੋਰਚਾ ਦੇ ਪੰਜਾਬ ਪ੍ਰਧਾਨ ਮੋਨਾ ਜੈਸਵਾਲ, ਭਾਜਪਾ ਪੰਜਾਬ ਸਪੋਕਸਪਰਸਨ ਅਸ਼ੋਕ ਭਾਰਤੀ, ਜਿਲ੍ਹਾ ਪ੍ਰਧਾਨ ਭਾਜਪਾ ਬਠਿੰਡਾ ਵਿਨੋਦ ਬਿੰਟਾ, ਐਡਵੋਕੇਟ ਸ਼ਾਮ ਲਾਲ ਬਾਂਸਲ, ਉਮੇਸ਼ ਸ਼ਰਮਾ ਜਿਲ੍ਹਾ ਸਕੱਤਰ, ਰਾਜੇਸ਼ ਨੋਨੀ, ਨੀਰਜ ਅਰੋੜਾ, ਪਰਮਿੰਦਰ ਕੌਰ, ਕੰਚਨ ਜਿੰਦਲ, ਨਰਿੰਦਰ ਮਿੱਤਲ ਵਿਸ਼ੇਸ਼ ਤੌਰ ’ਤੇ ਪੁੱਜੇ ਸਨ।