ਸ਼ਾਇਰ ਸੁਖਵਿੰਦਰ ਰਾਜ ਦੀ ਕਿਤਾਬ “ਦਿੱਤਾ ਲਿਆ ਸਾਮਾਨ” ਲੋਕ ਅਰਪਣ

ਬਠਿੰਡਾ, 23 ਮਈ:ਮਾਨਸਾ ਸ਼ਹਿਰ ਦੇ ਵਸਨੀਕ ਸ਼ਾਇਰ ਸੁਖਵਿੰਦਰ ਰਾਜ ਦੀ ਸ਼ਾਇਰੀ ਦੀ ਕਿਤਾਬ “ਦਿੱਤਾ ਲਿਆ ਸਾਮਾਨ” ਅੱਜ ਬਠਿੰਡਾ ਵਿਖੇ ਲੋਕ ਅਰਪਣ ਕੀਤੀ ਗਈ।ਸੁਖਵਿੰਦਰ ਰਾਜ ਨੇ ਦੱਸਿਆ ਕਿ ਇਸ ਕਿਤਾਬ ਵਿਚ ਉਸਦੀਆਂ ਪਿਛਲੇ ਬਾਰਾਂ ਸਾਲਾਂ ਦੌਰਾਨ ਲਿਖੀਆਂ ਰਚਨਾਵਾਂ ਸ਼ਾਮਲ ਹਨ ਜਿਸ ਵਿਚ ਸ਼ੇਅਰੋ ਸ਼ਾਇਰੀ ਅਤੇ ਖੁੱਲ੍ਹੀਆਂ ਕਵਿਤਾਵਾਂ ਦਾ ਸੰਗ੍ਰਿਹ ਹੈ।ਸੁਖਵਿੰਦਰ ਨੇ ਕਿਹਾ ਕਿ ਕਿਤਾਬ ਪਾਠਕਾਂ ਨੂੰ ਨਿਰਾਸ਼ ਨਹੀਂ ਕਰੇਗੀ। ਜੋ ਵੀ ਪਾਠਕ ਕਿਤਾਬ ਪੜ੍ਹਨਾ ਸ਼ੁਰੂ ਕਰੇਗਾ ਉਹ ਯਕੀਨਨ ਅਖ਼ੀਰ ਤੱਕ ਕਿਤਾਬ ਪੜ੍ਹੇਗਾ। ਕਿਤਾਬ ਵਿਚ ਰੂਹ ਨੂੰ ਸਕੂਨ ਦਿੰਦੀਆਂ ਕਵਿਤਾਵਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਕਿਤਾਬ ਕੈਫੇ ਵਰਲਡ ਪ੍ਰਕਾਸ਼ਨ ਮੰਡੀ ਕਲਾਂ ਵੱਲੋਂ ਪ੍ਰਕਾਸ਼ਿਤ ਕੀਤੀ ਗਈ ਹੈ।ਉਨ੍ਹਾਂ ਦੱਸਿਆ ਕਿ ਆਉਣ ਵਾਲੇ ਦਿਨਾਂ ਵਿਚ ਉਸਦੀਆਂ ਪੰਜਾਬੀ ਦੇ ਨਾਲ ਨਾਲ ਹਿੰਦੀ ਵਿਚ ਵੀ ਕਿਤਾਬਾਂ ਪ੍ਰਕਾਸ਼ਿਤ ਹੋਣਗੀਆਂ। ਉਨ੍ਹਾਂ ਦੱਸਿਆ ਕਿ ਕਿਤਾਬ ਮਾਨਸਾ ਬਠਿੰਡਾ ਦੇ ਨਾਲ-ਨਾਲ ਹਰ ਦੇਸ਼ ਵਿਚ ਹੋਮ ਡਲਿਵਰੀ ਲਈ ਉਪਲਬਧ ਹੈ।ਇਸ ਮੌਕੇ ਗੁਰਪ੍ਰੇਮ ਸਿੰਘ, ਭੁਪਿੰਦਰ ਸਿੰਘ ਤੱਗੜ, ਹਰਜੀਤ ਸਿੰਘ ਰਾਜੂ, ਸੁਖਰਾਜ ਸਿੰਘ, ਬਲਵਿੰਦਰ ਸਿੰਘ ਦੰਦੀਵਾਲ, ਬਲਵੰਤ ਸਿੰਘ, ਵਿਕਾਸ਼ ਕੌਸ਼ਲ, ਨਵਦੀਪ ਰਾਏ ਅਤੇ ਹੋਰ ਸ਼ਖਸੀਅਤਾਂ ਮੌਜੂਦ ਸਨ।