ਸੂਖਮ ਸਿੰਚਾਈ ਨੂੰ ਪੋ੍ਰਤਸਾਹਨ ਦੇਣ ਦੇ ਲਈ ਮੁਹਿੰਮ ਚਲਾਉਣ
ਰਾਜ ਵਿਚ ਲਗਾਏ ਗਏ 25897 ਸੋਲਰ ਵਾਟਰ ਪੰਪ
ਸੁਖਜਿੰਦਰ ਮਾਨ
ਚੰਡੀਗੜ੍ਹ, 6 ਜਨਵਰੀ: ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਕਿਸਾਨ ਉਰਜਾ ਸੁਰੱਖਿਆ ਉਥਾਨ ਮਹਾਮੁਹਿੰਮ (ਪੀਐਮਕੁਸੁਮ) ਦੇ ਤਹਿਤ ਸੂਖਮ ਸਿੰਚਾਈ ਨੂੰ ਪ੍ਰੋਤਸਾਹਨ ਦੇਣ ਵਿਚ ਹਰਿਆਣਾ ਸੋਲਰ ਵਾਟਰ ਪੰਪਾਂ ਦੇ ਸੰਚਾਲਨ ਦੇ ਨਾਲ ਦੇਸ਼ ਦਾ ਮੋਹਰੀ ਸੂਬਾ ਬਣ ਗਿਆ ਹੈ। ਮੁੱਖ ਮੰਤਰੀ ਨੇ ਅੱਜ ਚੰਡੀਗੜ੍ਹ ਵਿਚ ਉਦਘਾਟਨ ਕਰ ਕਿਸਾਨਾਂ ਨੂੰ ਸੋਲਰ ਪੰਪ ਪ੍ਰਦਾਨ ਕੀਤੇ। ਇੰਨ੍ਹਾਂ ਪੰਪਾਂ ‘ਤੇ ਸਰਕਾਰ 75 ਫੀਸਦੀ ਸਬਸਿਡੀ ਦੇ ਰਹੀ ਹੈ। ਇਸ ਮੌਕੇ ‘ਤੇ ਸੌਰ ਉਰਜਾ ਦੇ ਖੇਤਰ ਵਿਚ ਵਰਨਣਯੋਗ ਕਾਰਜ ਕਰਨ ਵਾਲੇ ਵਿਅਕਤੀਆਂ ਨੂੰ ਵੀ ਸਨਮਾਨਿਤ ਕੀਤਾ। ਮੁੱਖ ਮੰਤਰੀ ਨੇ ਸੋਲਰ ਵਾਟਰ ਪੰਪਿੰਗ ਪ੍ਰੋਗ੍ਰਾਮ ਦੀ ਕਿਤਾਬ ਅਤੇ ਕਿਸਾਨਾਂ ਦੇ ਲਈ ਉਪਯੋਗਤਾ ਕਿਤਾਬ ਦੀ ਘੁੰਡ ਚੁਕਾਈ ਵੀ ਕੀਤੀ। ਮੁੱਖ ਮੰਤਰੀ ਨੇ ਸੂਬੇ ਵਿਚ 50 ਹਾਰਸ ਪਾਵਰ ਤੋਂ ਘੱਟ ਬਿਜਲੀ ਦੇ ਟਿਯੂਬਵੈਲ, ਜੋ ਖੇਤੀ ਦੇ ਲਈ ਵਰਤੋ ਵਿਚ ਲਏ ਜਾ ਰਹੇ ਹਨ, ਉਨ੍ਹਾਂ ਨੂੰ ਸੌਰ ਉਰਜਾ ਵਿਚ ਬਦਲਣ ਦੇ ਨਿਰਦੇਸ਼ ਦਿੱਤੇ।ਇਸ ਮੌਕੇ ‘ਤੇ ਬਿਜਲੀ ਮੰਤਰੀ ਚੌਧਰੀ ਰਣਜੀਤ ਸਿੰਘ ਵੀ ਮੌਜੂਦ ਸਨ। ਸੂਬੇ ਦੇ ਜਿਲ੍ਹਿਆਂ ਤੋਂ ਡਿਪਟੀ ਕਮਿਸ਼ਨਰ ਅਤੇ ਨਵ ਅਤੇ ਨਵੀਕਰਣੀ ਵਿਭਾਗ ਦੇ ਅਧਿਕਾਰੀ ਆਨਲਾਇਨ ਜੁੜੇ। ਮੁੱਖ ਮੰਤਰੀ ਨੇ ਇਸ ਮੌਕੇ ‘ਤੇ ਸੌਰ ਪੰਪ ਲਗਾਉਣ ਵਾਲੀ ਹਿਸਾਰ ਦੀ ਮਹਿਲਾ ਕਿਸਾਨ ਸ੍ਰੀਮਤੀ ਕ੍ਰਿਸ਼ਣਾ ਤੇ ਤਿਰਲੋਕ ਸਿੰਘ ਤੇ ਨੁੰਹ ਤੋਂ ਸ੍ਰੀਮਤੀ ਸ਼ਸ਼ੀ ਆਹੁਜਾ ਤੇ ਇਸਾਕ ਖਾਨ ਨਾਲ ਸੰਵਾਦ ਕੀਤਾ ਅਤੇ ਉਨ੍ਹਾਂ ਤੋਂ ਯੋਜਨਾ ਦੇ ਬਾਰੇ ਵਿਚ ਵਿਸਤਾਰ ਨਾਲ ਜਾਣਕਾਰੀ ਲਈ। ਗਲਬਾਤ ਦੌਰਾਨ ਕਿਸਾਨਾਂ ਨੇ ਮੁੱਖ ਮੰਤਰੀ ਨੂੰ ਜਾਣੂੰ ਕਰਾਇਆ ਕਿ ਉਨ੍ਹਾਂ ਨੂੰ ਸਿਰਫ 25 ਫੀਸਦੀ ਰਕਮ ਹੀ ਖਰਚ ਕਰਨੀ ਪਈ ਹੈ, ਬਾਕੀ ਰਕਮ ਸਰਕਾਰ ਵੱਲੋਂ ਉਪਲਬਧ ਕਰਵਾਈ ਗਈ ਹੈ। ਮੁੱਖ ਮੰਤਰੀ ਨੇ ਜਿਲ੍ਹਾ ਡਿਪਟੀ ਕਮਿਸ਼ਨਰਾਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਸੂਖਮ ਸਿੰਚਾਈ ਯੋਜਨਾ ਨੂੰ ਪ੍ਰੋਤਸਾਹਨ ਦੇਣ ਲਈ ਵਿਸ਼ੇਸ਼ ਮੁਹਿੰਮ ਚਲਾਉਣ ਅਤੇ ਸਰਕਾਰ ਦੀ ਹਰ ਖੇਤ ਨੂੰ ਪਾਣੀ ਦੇਣ ਦੀ ਯੋਜਨਾ ਨੂੰ ਲੋਕਾਂ ਤਕ ਪਹੁੰਚਾਉਣ। ਉਨ੍ਹਾਂ ਨੇ ਕਿਹਾ ਕਿ ਲੋਕਾਂ ਨੂੰ ਖੁਲੀ ਸਿੰਚਾਈ ਦੀ ਥਾਂ ਸੂਖਮ ਸਿੰਚਾਈ, ਟਪਕਾ ਸਿੰਚਾਈ ਜਾਂ ਫੁਹਾਰਾ ਸਿੰਚਾਈ ਜਾਂ ਸਮੂਦਾਇਕ ਤਾਲਾਬਾਂ ਨਾਲ ਸਿੰਚਾਈ ਦੀ ਪਰਿਯੋਜਨਾ ਅਪਨਾਉਣ ਦੇ ਪ੍ਰਤੀ ਵੱਧ ਤੋਂ ਵੱਧ ਜਾਗਰੁਕ ਕਰਨ। ਮੁੱਖ ਮੰਤਰੀ ਨੇ ਕਿਹਾ ਕਿ ਨਵ ਅਤੇ ਨਵੀਕਰਣੀ ਉਰਜਾ ਪ੍ਰਣਾਲੀ ਅਪਨਾਉਣ ਨਾਲ -ਇਕ ਪੰਥ ਦੋ ਕਾਜ ਵਾਲੀ- ਕਹਾਵਤ ਸਾਕਾਰ ਹੁੰਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਸੌਰ ਉਰਜਾ ਦੇ ਖੇਤਰ ਵਿਚ ਅੱਜ ਤੋਂ 7 ਸਾਲ ਪਹਿਲਾਂ ਨਾ ਦੇ ਬਰਾਬਰ ਕਾਰਜ ਸੀ। ਸਾਲ 2014 ਤਕ ਸਿਰਫ 492 ਸੋਲਰ ਪੰਪ ਹੀ ਲਗਵਾਏ ਗਏ ਸਨ। ਮੌਜੂਦਾ ਸਰਕਾਰ ਨੇ ਇਸ ਨੂੰ ਗੰਭੀਰਤਾ ਨਾਲ ਲਿਆ ਅਤੇ ਸੌਰ ਉਰਜਾ ਨੂੰ ਪੋ੍ਰਤਸਾਹਨ ਦੇਣ ਦਾ ਰੋਡ ਮੈਪ ਤਿਆਰ ਕੀਤਾ। ਇਸ ਦੇ ਪਹਿਲੇ ਪੜਾਅ ਵਿਚ 50 ਹਜਾਰ ਸੋਲਰ ਪੰਪ ਸੇਟ ਲਗਾਉਣ ਦਾ ਟੀਚਾ ਨਿਰਧਾਰਿਤ ਕੀਤਾ ਗਿਆ ਹੈ। ਸਾਰੇ ਸਰਕਾਰੀ ਭਵਨਾਂ ‘ਤੇ ਸੌਰ ਉਰਜਾ ਪ੍ਰਣਾਲੀ ਜਰੂਰੀ ਰੂਪ ਨਾਲ ਲਗਾਈ ਗਈ ਹੈ ਤਾਂ ਜੋ ਉੱਥੇ ਦੀ ਉਰਜਾ ਦੀ ਜਰੂਰਤ ਪੂਰੀ ਹੋ ਸਕੇ ਅਤੇ ਵੱਧ ਉਰਜਾ ਨੂੰ ਗ੍ਰਿਡ ਵਿਚ ਦਿੱਤਾ ਜਾ ਸਕੇ। ਮੁੱਖ ਮੰਤਰੀ ਨੇ ਕਿਹਾ ਕਿ ਪਿਛਲੇ 7 ਸਾਲਾਂ ਵਿਚ 2589 ਸੋਲਰ ਪੰਪ ਸੈਟ ਲਗਾਏ ਹਨ ਅਤੇ ਇਸ ਸਾਲ 13800 ਪੰਪ ਸੈਟ ਲਗਾਉਣ ਦਾ ਕਾਰਜ ਪ੍ਰਗਤੀ ‘ਤੇ ਹੈ। ਉਨ੍ਹਾਂ ਨੇ ਕਿਹਾ ਕਿ ਗਲੋਬਲ ਵਾਰਮਿੰਗ ਦੇ ਚਲਦੇ ਕਾਰਬਨ ਦਾ ਉਤਸਰਜਨ ਘੱਟ ਤੋਂ ਘੱਟ ਹੋਵੇ ਅਤੇ ਸੌਰ ਉਰਜਾ ਹੀ ਇਸ ਦੇ ਯਤਨ ਕੀਤੇ ਜਾ ਰਹੇ ਹਨ। ਮੌਜੂਦਾ ਸਰਕਾਰ ਦੀ ਪ੍ਰਾਥਮਿਕਤਾ ਹਰਿਤ ਉਰਜਾ ਪੋ੍ਰਤਸਾਹਨ ਦੇਣਾ ਹੈ। ਘੱਟ ਤੋਂ ਘੱਟ ਥਰਮਲ ਦੀ ਵਰਤੋ ਹੀ ਵਿਸ਼ਵ ਜਰੂਰਤ ਹੈ। ਇਸ ਦਾ ਵਰਨਣ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਨੇ ਸੰਯੁਕਤ ਰਾਸ਼ਟਰ ਮਹਾਸਭਾ ਵਿਚ ਹੋਏ ਗਲੋਬਲ ਵਾਰਮਿੰਗ ਸਮੇਲਨ ਨੂੰ ਸੰਬੋਧਿਤ ਕਰਦੇ ਹੋਏ ਕੀਤਾ ਸੀ।ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾ ਸੌਰ ਉਰਜਾ, ਪਵਨ ਉਰਜਾ ਤੇ ਪਨ ਬਿਜਲੀ ਪਰਿਯੋਜਨਾਵਾਂ ਵੱਧ ਤੋਂ ਵੱਧ ਸੰਚਾਲਿਤ ਕਰਨ ਦੇ ਵੱਲ ਵੱਧ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਭੌਗੋਲਿਕ ਦ੍ਰਿਸ਼ਟੀ ਨਾਲ ਹਰਿਆਣਾ ਦੇਸ਼ ਦਾ ਅਜਿਹਾ ਰਾਜ ਹੈ ਜਿੱਥੇ ਸਾਲ ਦੌਰਾਨ 320 ਦਿਨ ਸੂਰਜ ਦੀ ਰੋਸ਼ਨੀ ਵੱਧ ਮਿਲਦੀ ਹੈ, ਜੋ ਸੌਰ ਉਰਜਾ ਦਾ ਕੁਦਰਤੀ ਸਰੋਤ ਹੈ। ਉਨ੍ਹਾਂ ਨੇ ਕਿਹਾ ਕਿ ਗੁਜਰਾਤ ਦੇ ਬਾਅਦ ਹਰਿਆਣਾ ਦੇਸ਼ ਦਾ ਦੂਜਾ ਰਾਜ ਹੈ ਜਿਸ ਨੇ ਸੌਰ ਉਰਜਾ ਨੂੰ ਪ੍ਰੋਤਸਾਹਨ ਦਿੱਤਾ ਹੈ। ਹਰਿਆਣਾ ਦੇ ਲਈ ਇਹ ਵੀ ਖੁਸ਼ੀ ਦਾ ਪੱਲ ਹੈ ਕਿ ਕੌਮਾਂਤਰੀ ਸੌਰ ਉਰਜਾ ਐਪਲੀਕੇਸ਼ਨ ਦਾ ਮੁੱਖ ਦਫਤਰ ਵੀ ਗੁਰੂਗ੍ਰਾਮ ਵਿਚ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਸੂਬੇ ਵਿਚ ਖੇਤੀਬਾੜੀ ਯੋਗ ਲਗਭਗ 80 ਲੱਖ ਏਕੜ ਹੈ। ਇਸ ਵਿੱਚੋਂ 75 ਫੀਸਦੀ ਖੇਤਰ ਵਿਚ ਸਿੰਚਾਈ ਹੋ ਪਾਉਂਦੀ ਹੈ। ਬਾਕੀ ਜਮੀਨ ‘ਤੇ ਸਿੰਚਾਈ ਦੇ ਲਈ ਵੱਰਖਾ ‘ਤੇ ਨਿਰਭਰ ਰਹਿਣਾ ਪੈਂਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਖੇਤੀਬਾੜੀ ਖੇਤਰ ਵਿਚ ਹਰ ਸਾਲ ਕਿਸਾਨਾਂ ਨੂੰ ਲਗਭਗ 6500 ਕਰੋੜ ਰੁਪਏ ਦੀ ਸਬਸਿਡੀ ਦਿੱਤੀ ਜਾਂਦੀ ਹੈ। ਸੌਰ ਉਰਜਾ ਨੂੰ ਅਪਨਾਉਣ ਨਾਲ ਸਬਸਿਡੀ ਦਾ ਭਾਰ ਵੀ ਘੱਟ ਹੋਵੇਗਾ ਅਤੇ ਪਾਣੀ ਦੀ ਬਚੱਤ ਹੋਵੇਗੀ। ਇਸ ਨਾਲ ਕਿਸਾਨਾਂ ਦਾ ਡੀਜਲ ਬਚੇਗਾ ਅਤੇ ਆਮਦਨ ਵਿਚ ਵੀ ਵਾਧਾ ਹੋਵੇਗਾ।ਮੁੱਖ ਮੰਤਰੀ ਨੇ ਕਿਹਾ ਕਿ ਪੰਚਕੂਲਾ ਸ਼ਹਿਰ ਦੀ ਬਿਜਲੀ ਖਪਤ ਸਾਲ 2024 ਤਕ 20 ਫੀਸਦੀ ਸੌਰ ਉਰਜਾ ਨਾਲ ਕਰਨ ਲਈ ਪ੍ਰਸਤਾਵ ਤਿਆਰ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ, ਕੂੜੇ ਤੋਂ ਕੰਚਨ ਯੋਜਨਾ ਦੇ ਤਹਿਤਹ ਸੋਨੀਪਤ ਤੇ ਗੁਰੂਗ੍ਰਾਮ ਵਿਚ ਕੂੜੇ ਤੋਂ ਬਿਜਲੀ ਬਨਾਉਣ ਦੀ ਪਰਿਯੋਜਨਾਵਾਂ ਸੰਚਾਲਿਤ ਕੀਤੀਆਂ ਜਾ ਰਹੀਆਂ ਹਨ। ਇਸ ਨਾਲ ਸਵੱਛਤਾ ਨੂੰ ਪ੍ਰੋਤਸਾਹਨ ਮਿਲੇਗਾ ਅਤੇ ਵੱਧ ਬਿਜਲੀ ਦੀ ਪੂਰਤੀ ਹੋਵੇਗੀ।ਉਨ੍ਹਾਂ ਨੇ ਕਿਹਾ ਕਿ ਮਾਰਾ ਗਾਂਓ-ਜਗਮਗ ਗਾਂਓ ਯੋਜਨਾ ਦੇ ਤਹਿਤਹ ਸੂਬੇ ਦੇ 5500 ਪਿੰਡਾਂ ਵਿਚ 24 ਘੰਟੇ ਬਿਜਲੀ ਸਪਲਾਈ ਸੰਭਵ ਹੋਈ ਹੈ ਅਤੇ ਲੋਕਾਂ ਨੇ ਬਿਜਲੀ ਦੇ ਬਿੱਲ ਭਰਨ ਦੀ ਆਦਤ ਅਪਣਾਈ ਹੈ। ਇਸ ਦੇ ਨਾਲ ਹੀ ਸੂਬੇ ਦੀ ਸਾਰੀ ਚਾਰੋਂ ਬਿਜਲੀ ਵੰਡ ਕੰਪਨੀਆਂ ਮੁਨਾਫੇ ਵਿਚ ਆਈਆਂ ਹਨ। ਲਾਇਨ ਲਾਸ ਘੱਟ ਕੇ 33 ਤੋਂ 14 ਫੀਸਦੀ ਤਕ ਪਹੁੰਚ ਅਿਗਾ ਹੈ। ਬਿਜਲੀ ਮੰਤਰੀ ਚੌਧਰੀ ਰਣਜੀਤ ਸਿੰਘ ਨੇ ਕਿਹਾ ਕਿ ਬਿਜਲੀ ਖੇਤਰ ਵਿਚ ਬਿਹਤਰ ਕਾਰਜ ਕਰਨ ਦੀ ਜੋ ਨੀਂਹ ਮੁੱਖ ਮੰਤਰੀ ਨੇ ਰੱਖੀ ਸੀ, ਉਸੀ ਦੇ ਫਲਸਰੂਪ ਅਸੀਂ ੁਿਬਹਤਰ ਕਰ ਪਾ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਆਈਟੀ ਦੇ ਨਾਲ ਪਾਵਰ ਦਾ ਤੀਜਾ ਸਥਾਨ ਹੈ ਜਿਸ ਨਾਲ ਸੌ-ਫੀਸਦੀ ਲੋਕ ਜੁੜੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੇ ਇਸ ਸਾਲ 22 ਹਜਾਰ ਸੋਲਰ ਪੰਪ ਲਗਾਉਣ ਦਾ ਟੀਚਾ ਦਿੱਤਾ ਹੈ ਜਿਸ ਨੂੰ ਪੂਰਾ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਸਾਲ 22-23 ਵਿਚ 50 ਹਜਾਰ ਸੋਲਰ ਪੰਪ ਲਗਾਏ ਜਾਣਗੇ।