ਸੁਖਜਿੰਦਰ ਮਾਨ
ਬਠਿੰਡਾ, 13 ਜੂਨ: ਸਿੱਖਿਆ ਵਿਭਾਗ ਪੰਜਾਬ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਬਲਾਕ ਸੰਗਤ ਜ਼ਿਲ੍ਹਾ ਬਠਿੰਡਾ ਦੇ ਦਫਤਰ ਵਿਖੇ ਬਲਾਕ ਸਿੱਖਿਆ ਅਫ਼ਸਰ ਲਖਵਿੰਦਰ ਸਿੰਘ ਦੀ ਅਗਵਾਈ ਵਿੱਚ ਬਲਾਕ ਦੇ ਹੈੱਡ ਟੀਚਰਾਂ ਅਤੇ ਸੈਂਟਰ ਹੈਡ ਟੀਚਰ ਦੀ ਜੀ-20 ਫਾਊਂਡੇਸ਼ਨ ਸਾਖਰਤਾ ਤੇ ਸਿੱਖਿਆ ਨੂੰ ਯਕੀਨੀ ਬਣਾਉਣ ਲਈ ਵਿਸੇਸ ਮੀਟਿੰਗ ਹੋਈ। ਇਸ ਮੌਕੇ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਬੀ.ਐਮ.ਟੀ ਤਰਸੇਮ ਸਿੰਘ ਪੱਕਾ ਕਲਾਂ ਅਤੇ ਸੰਦੀਪ ਕੁਮਾਰ ਨੇ ਕਿਹਾ ਕਿ ਜੀ-20 ਫਾਊਂਡੇਸ਼ਨ ਸਾਖਰਤਾ ਮੁਹਿੰਮ ਤਹਿਤ ਭਾਰਤ ਸਰਕਾਰ ਵੱਲੋਂ ਇੱਕ ਮਿਸ਼ਨ ਤਹਿਤ ਬੱਚਿਆਂ ਦੀਆਂ ਬੁਨਿਆਦੀ ਸਿੱਖਿਆ ਸਹੂਲਤਾਂ ਨੂੰ ਮਜ਼ਬੂਤ ਕਰਨ ਲਈ ਮਿਸ਼ਨ ਸ਼ੁਰੂ ਕੀਤਾ ਗਿਆ ਹੈ। ਜਿਸ ਨੂੰ ਪਿੰਡਾਂ, ਸ਼ਹਿਰਾਂ ਮੁੱਹਲਿਆਂ ਤੱਕ ਲੈ ਕੇ ਜਾਣਾ ਸਾਡੇ ਅਧਿਆਪਕਾਂ , ਮਾਪਿਆਂ ਅਤੇ ਕਮਿਊਨਿਟੀ ਸੈਂਟਰ ਦੇ ਮੈਂਬਰਾਂ ਦੁਆਰਾ ਹਰ ਘਰ ਬੱਚਿਆਂ ਤੱਕ ਪਹੁੰਚਣ ਦੀ ਜ਼ਿੰਮੇਵਾਰੀ ਬਣਦੀ ਹੈ।ਇਸ ਮੌਕੇ ਬਲਵੀਰ ਸਿੱਧੂ ਨੇ ਦੱਸਿਆ ਕਿ ਸਿੱਖਿਆ ਦੀਆਂ ਬੁਨਿਆਦੀ ਸਹੂਲਤਾਂ ਨੂੰ ਇਸ ਮਿਸ਼ਨ ਤਹਿਤ ਬੱਚਿਆਂ ਦੀ ਸਿੱਖਿਆ ਦੇ ਪੱਧਰ ਨੂੰ ਉੱਚਾ ਚੁੱਕਣ ਲਈ ਸ਼ੁਰੂ ਕੀਤਾ ਜਾਵੇ। ਇਸ ਮੌਕੇ ਵੱਖ ਵੱਖ ਸਕੂਲਾਂ ਦੇ ਸਮੂਹ ਟੀਚਰਾਂ ਵੱਲੋਂ ਜੀ -20 ਸੰਬੰਧੀ ਪੋਸਟਰ ਵੀ ਤਿਆਰ ਕੀਤੇ ਗਏ ।ਇਸ ਮੌਕੇ ਸੰਗਤ ਬਲਾਕ ਦੇ ਵੱਖ ਵੱਖ ਸਕੂਲਾਂ ਦੇ ਮੁਖੀਆਂ ਤੋਂ ਇਲਾਵਾ ਸੀਨੀਅਰ ਸੈਂਟਰ ਹੈਡ ਟੀਚਰ ਜਗਦੀਸ਼ ਕੁਮਾਰ ਚੱਕ ਰੁਲਦੂ ਸਿੰਘ ਵਾਲਾ, ਮੈਡਮ ਕੁਲਵਿੰਦਰ ਕੌਰ ਗਹਿਰੀ ਬੁੱਟਰ ,ਪਵਨ ਕੁਮਾਰ ਮੱਲ ਵਾਲਾ, ਹਰਦੀਪ ਕੁਮਾਰ ਤਿਉਣਾ , ਸੁਮਿਤ ਕੁਮਾਰ ਚੱਕ ਅੱਤਰ ਸਿੰਘ ਵਾਲਾ, ਮਨਦੀਪ ਸਿੰਘ ਨੋਡਲ ਅਫ਼ਸਰ ਸੰਗਤ , ਹੈਡ ਟੀਚਰ ਕੌਰ ਸਿੰਘ ਜੰਗੀਰਾਣਾ , ਗੋਬਿੰਦ ਸਿੰਘ ਸੈਣੇਵਾਲਾ , ਪ੍ਰਿਤਪਾਲ ਕੌਰ , ਮਨਜਿੰਦਰ ਕੌਰ ਝੂੰਬਾ , ਸਵਰਨ ਸਿੰਘ ਸੰਗਤ , ਰੇਖਾ ਰਾਣੀ , ਇਕਬਾਲ ਸਿੰਘ , ਸੱਤਪਾਲ ਸਿੰਘ , ਨਰੇਸ਼ ਕੁਮਾਰ ਆਦਿ ਸੰਗਤ ਬਲਾਕ ਦੇ ਸਕੂਲ ਮੁਖੀ ਹਾਜ਼ਰ ਸਨ। ਇਸ ਮੌਕੇ ਮੀਟਿੰਗ ਕੈਂਪ ਵਿੱਚ ਪਹੁੰਚੇ ਸਮੂਹ ਹੈਡ ਟੀਚਰਾਂ ਅਤੇ ਸੈਂਟਰ ਹੈਡ ਟੀਚਰਾ ਦਾ ਮੈਡਮ ਕੁਲਵਿੰਦਰ ਕੌਰ ਗਹਿਰੀ ਬੁੱਟਰ ਵੱਲੋਂ ਧੰਨਵਾਦ ਕੀਤਾ ਗਿਆ।
Share the post "ਸੰਗਤ ਬਲਾਕ ਦੇ ਸੈਂਟਰ ਹੈਡ ਅਤੇ ਹੈਡ ਟੀਚਰਾਂ ਦੀ ’ਜੀ 20 ਫਾਊਂਡੇਸ਼ਨ ਸਾਖਰਤਾ ਸੰਬੰਧੀ ਵਿਸ਼ੇਸ਼ ਮੀਟਿੰਗ ਹੋਈ"
